මම A/L වලට Arts කරපු කෙනෙක් වත් Drama කරපු කෙනෙක් වත් නොවුනට අපේ ඉස්කොලේ ඇතුලේ ඕනම Day එකක වේවා මොන සංගමෙන් කරන අටමගලක වුනත් Drama එකක් කරන්න කියලා මට ආරාධනා ලැබෙනවා. ඒකට හේතු කීපයක්ම තිබ්බා. එකක් තමයි මගෙ ලැජ්ජ නහර කපලා තිබ්බේ. ඕනිම බඩකඩිත්තුවක් ලැජ්ජාවක් නැතුව කරන්න කියන්න හැකියාව මට තිබ්බා. දැන් කියලත් මහලොකු වෙනසක් නෑ. අනිත් එක ඒ වෙද්දි මම Hostel නොවුනත් හොස්ටල් එකේ ඒ වෙනකොට ඉදපු පොඩි සෙට් එකක් මගේ නිළ නොළත් ටීම් එක වෙලා ඉදියා. උන්ට මොනවත් ඕනි නෑ කන්න හම්බෙනවා නම් ඒ ඇති. ඉතින් කන්න සෙට් කරලා දෙනවා ඒ තියෙන ඒකෙන්ම. උනුත් එක පයින් එන්නේ. එක පාරයි ප්‍රැක්ටිස් කරන්නේ. ඒකත් මේක යන විදිහ අදුරගන්න තමයි. ඊට පස්සෙ කෙලින්ම ස්ටේජ් එකේ.
ඔන්න ඉතින් කලා උළෙලක් පවත්වලා ඒකට Day එකක් කරන්න ඉස්කොලේ Art එක ලෑස්ති කරලා තිබ්බා. Art එකේ සභාපති මගේ හොදම යාලුවෙක්. කලින් ඉදලම අඩෝ ඩ්‍රාමා එකක් කරලා දීපන් කියලම මූ කියලා තිබ්බා. කොහොම කොහොම හරි ඩේ එක දවසේ මූට ඩෙංගු හැදිලා ඉස්පිරිතාලෙ ඉදපු හින්දා මූ වෙනුවට පිළිගැනීමේ කතාවත් කරන්න උනේ මටම තමයි. දැන් මේකට මොකක් හරි ඩ්‍රාමා කෑල්ලක් කරන්න ඕනි හින්දා අපි කැම්පස් එකක රැග් සීන් එකක් තමයි කරන්න හැදුවේ.
මේකෙ වෙන්නෙ ඉතින් ඔය මුළින්ම එන සෙට් එක අති උත්තම ජ්‍යෙෂ්ඨ උතුමන්ලගේ නවක වදයට ලක් වීම. ඕක ඉතින් හෙන කොමඩි ගොඩක් එක්ක තමයි කරන්න හිතන් ඉදියේ. මුලින්ම කෙල්ලෙකුයි කොල්ලෙකුයි එනවා ලව් කරන්න. එතනට පනින ජ්‍යෙෂ්ඨ උතුමන්ලා කෙල්ලව එලවලා කොල්ලව රැග් කරනවා ඊට පස්සෙ එතනට එනවා තව නවකයෝ තුන් දෙනෙක්. එකෙක් මුස්ලිම් එකෙක් තව එකෙක් බොඩි බිල්ඩින් කරන එකෙක් අනිත් එකා සිංහල ඉගෙන ගන්න එකෙක්. කොහොමහරි මේකෙ අන්තිමට සුපර්මෑන් වගේ බෙඩ්ශීට් එකක් බෙල්ල වටේ දාගෙන ඉන්න හාදයෙක් ඇවිල්ලා ජ්‍යෙෂ්ඨ උතුමන්ලට පහර දීලා නවකයන්ව බේර ගන්නවා. සේරම හරි වුනාට පොඩි කොස්සක් මතු වුනා.
ඒ තමයි දැන් කොල්ලො හොයාගත්තම එක චරිතයකට එකෙක් මදියි. ඒ අස්සෙ මුන් එකෙක්වත් කෙල්ලට ඉන්න කැමති නෑ. ඒ කෙල්ල මේකෙ ඉන්නම ඕනි! දැන් ඔක්කොම බෙදුනම කෙල්ලගෙ චරිතෙ තමා මදි එක. දැන් මොනවා කරන්නද අන්තිමට ඉතින් මට සිද්ධ වුනා ඕනි ටකරමක් කියලා කෙල්ලගෙ චරිතේ එක්ක ඩබල් ඇක්ටින් එකක් දෙන්න. කෙල්ලගෙ චරිතේ තියෙන්නේ ටික වෙලාවයි ඒක කරලා පිටිපස්සට පැනලා ඇදුමක් දාගෙන එන්න මට විනාඩියක් දෙකක් වගේ පොඩි කාලයක් හම්බුනා. යාලුවෙක්ගේ නංගි කෙනෙක්ගේ ගවුමකුත් හොයා ගත්තා. ඕකත් ඇදලා දැන් ඉතින් වැඩේ කරන්න හදන්නේ.
මට තිබ්බ අනිත් චරිතේ වුනේ බොඩි බිල්ඩින් කරන එකාගෙ එක. මගෙ ඇග දැක්කම ඇති ඒ චරිතෙම විහිලුවක් වෙන්න. කොහොමහරි ඔන්න් ඉතින් වැඩේ පටන් ගත්තම කෙල්ල එන්නෙ ස්ටේජ් එක මැදින්. ඩ්‍රාමා සර්ට කතා කරලා විග් එකකුත් ඉල්ලගෙන ඒකත් දාගෙන කුඩේකුත් කරකව කරකව මම දැන් එනවා. සින්දුවකුත් යනවා “ආකාසයේ දුර ගිම්හාන ඉවුරේ මා ඉගිල එන්නම්” මොන ඉගිල ඒම්ද මාව දැක්කම වැඩිපුරම මැජික් එකක් දැක්කා වගේ හිනා වෙන්නෙ ආරාධිත පාසල් වලින් ආපු කෙල්ලො ටික. යකෝ මුන් මීට කලින් ගෑනු දැකලා නැද්ද කියලා හැගීමක් ආවත් ගවුමක් ඇන්ද එකෙක්ව දකින්න ඇත්තෙ අද වෙන්නැති කියලා හිත හදාගත්තා.
කොහොමහරි බොඩි බිල්ඩින් කරන එකා හින්දා මට අනිත් එකට අදින්න තිබ්බේ ශෝටයි අත් නැති ටී ශර්ට් එකකුයි. ශෝට මම ගවුමට යටින්ම ඇදගෙන ගියේ. ඔන්න දැන් කෙල්ලගෙ පාට් එක ඉවර වෙන තැනටම ආවා. ජ්‍යෙෂ්ඨ උතුමෙක් ඇවිල්ලා නංගි උඹ පලයන් කිව්වා විතරයි විනාඩියෙන් ආයෙම බොඩි බිල්ඩර් වෙන්න ඕනි හින්දා තිරේ පනිනකොටම විග් එක උඩ දාගෙන ගවුම කරේ තියන් පැන්නේ. එතකොට අරූට රැග් දෙනවා. මං යද්දිම හිනා වෙවී ඉදපු ප්‍රේක්ෂක ජනතාව තව හිනා වෙනවා. ඊළග පාට් එකට අවුලක් නෑ වෙලාව තියලම ලෑස්ති වෙලා ආවා. ආව වෙලාවෙ ඉදලා ඔක්කොම මට හිනා වෙනවා. මුලින්ම ශේප් එකේ බැලුවා උඩට ඇදගෙන නේද ආවෙ කියලා ඒකත් අවුලක් නෑ. කලිසමේ සිප් එකත් දාලා. ඕනි එකක් කියලා වැඩේ කලා. ඩ්‍රාමා එකත් නැගලම ගියා. මුස්ලිම් එකාට එහෙම ඉදපු එකා දුන්නා ඉළ ඇට කැඩෙන්නම ආතල් ටිකක්.
ඔන්න ඉතින් සුපර්මෑන් ඇවිල්ලා අරුන්ට ගහලා අපිව බේරගෙන සෙල්ෆියක් එහෙම ගහලා කරලා ඩ්‍රාමා එක ඉවර කලා. පස්සෙ තමා සිද්ධිය දැන ගත්තේ. මං හදිස්සියට ස්ටේජ් එකේ පිටිපස්සේ කියලා හිතාගෙන ගවුම ගලවලා දුවලා තියෙන්නේ ස්ටේජ් එකටම පේන හරියේ. කොටින්ම මං තිරේට වැහුනා කියලා හිතන් ඉදියට මුලු සංදර්ශනේම ඔක්කොම දැකලා. හදිස්සියේ විග් එකත් විසි කරගෙන ගවුම ගලෝගෙන ගිය එකට තමයි දකින දකින පාරට මට හිනා වෙලා තියෙන්නේ. දෙයියනේ කොළඹ ප්‍රසිද්ධ පෙලේ පාසල් වල ගෑනු ළමයිත් ඉදියා. රෙදි නෑ ඉතින් මගේ. ලැජ්ජ නහර කපලා තිබ්බ හින්දා ඉතින් එච්චර ගානකුත් නෑ ඕවා ඒ දවස් වල. ඔය ඉන්නෙ තොප්පිය දාගෙන මුස්ලිම් එකාට රගපාපු එකා. බොඩි බිල්ඩර් ගේ ඇගේ සයිස් එක හිතාගන්න.
