ක්‍රි.ව.10 වැනි සියවසේ පමණ ඉස්ලාම් ආක්‍රමණ වලට හසු වී ඉස්ලාම් රටවල් වීමට පෙර මාලදිවයින් සිංහලයන්ගේ ම රටකි.
එහි විසුවෝ සිංහල භාෂාවට ඉතා සමාන භාෂාවක් කතා කළ බෞද්ධ රට වැසියෝ සමූහයකි.මාලදිවයින් වැසියන්ගේ භාෂාව සිංහල භාෂාවට ඉතා සමාන බව විල්හෙල්ම් ගයිගර් පෙන්වාදී ඇති අතර.
එහි ගොස් කාලයක් වාසය කරමින් තොරතුරු සෙවූ එච්.සී.පී. බෙල්ගේ වාර්ථා වේද දිවෙහි වාසීන්ගේ සහ සිංහලයන්ගේ සමානතා සදහන් කර තිබේ.
දිවෙහි රටේ භාවිත වූ ලේඛන භාෂාව හෙවත් දිවෙහි බස සිංහල භාෂාවට ඉතා සමානය. කළු ගල් නැති බැවින් දිවෙහි බ්‍රාහ්මී නමින් ලිපි නැති නමුදු දිවෙහි බසින් ක්‍රි.ව. 9වෙනි සියවසේ දී පමණ ලියවුණු තඹ පත් කිහිපයක් සොයා ගෙන තිබේ.මේවා ආධාරයෙන් පැරණි දිවෙහි ලේඛන බස කුමක්දැයි විභාග කරන විට පැහැදිලි වන්නේ එය සිංහල භාෂාවේම උප භාෂාවක් බවයි.
දිවෙහි වැසියන්ගේ භාෂාව හා සිරිත් විරිත් එහි කඩා වැදුණු ඉස්ලාම්වරු වෙනස් කළහ.
මිනිකොයි ලක්දිව් දූපත් පංතියේ විශාලම දූපතයි.මාලදිවයින් මෙන්ම මිනිකොයි දිවයින්ද ක්‍රි.ව.10වැනි සියවස වනවිට ඉස්ලාම්වරුන් අතට පත් විණි. ඊට පෙර එයද සිංහල භාෂාව කතා කළ ජනයා විසූ බෞද්ධ රටකි.
මාලදිවයින් හා මිනිකොයි දිවයින් හී ව්‍යාවහාර භාෂා දෙමළ බසට සමාන නොවී සිංහල භාෂාවට සමාන වන්නේ මන්ද ? යන්න ඊලාම් කතාව ගොතන උගතුන් පිළිතුරු දිය යුතු ප්‍රශ්නයකි.සිංහලයන්ගේ තොරතුරු බටහිර ලෝකයට සපයන කිසිදු සමාජ විද්‍යාඥයකු හෝ මානව විද්‍යාඥයකු හෝ මිනිකොයි දූපත් වල තවමත්”මැණිකෙලා”ජීවත් වන බව හෙළි කර නැත.
මාලදිවයිනේ මුල් පදිංචි කරුවන් සිංහලයන්. ක්‍රි. වර්ෂ 1200 ගණන් වල මුස්ලිම් ආක්‍රමණයන් සිද්ද වීම තුල මොරොක්කො. ලිබියා. හා වෙනත් මහදීපවලින් ආ අයගෙ සංමිශණය වූ අය තමයි වර්තමාන මාලේ වරුන්.
උපුටා ගැනීම : දෙමළ වංසයට පුර්විකවක් ග්‍රන්ථයෙනි…