මොහොතකට වරදවා තේරුම් ගතිමි
එලෙස වූයේ කෙලෙස පැන නගා ගත්තෙමි
මෙලෙස වන්නට ඇතැයි මම සිතා ගත්තෙමි
මගේ හද තුළම ගැඹුරට කිඳා බැස්සෙමි
දෙකම්මුල් පිළිස්සී පිළිස්සී යනු දැනිණි
උර කුහරයම හිස්ව බර වුණේ යැයි දැනිණි
ඇටකටුද විනිවිදා රිදුමක් ගලනු දැනිණි
මට ලොවම අමතකව ගිය ගිය බවක් දැනිණි
යළි නොසිතමී වුණේ කිමදැයි කියා
මගෙ සිතට දිවුරුවෙමි යළි යළි කියා
සැණින් එය අමතකව ගිලිහුණු නියා
යළිත් සිතුවිලි පෙළක පැටලී ගියා
සිදුවුයේ කිම සැණින් වැටහී ගියා
සැනසුම් සුසුම් මහද පාවී ගියා
එනමුත් ඇටකටු දවන රිදුමක් තියා
යන්නට තරම් එහැඟුමට හැකිවුවා
කෙදිනවත් නුදුටු මුව හෝ නොඇසු කට හඬක්
මනසක් පෙළා කරනු හැකිද මෙතරම් දෙයක්
කයම අවසඟව යන නොනිමි දිගු රිදවුමක්
විඳගෙනම නෙත් වසා සිතන්නෙමි මම හුඟක්