Disappointed Man
2019 ජූනි මාසයේ පාකිස්ථානය සහ ඔස්ට්‍රේලියාව අතර පැවැත්වුණු ක්‍රිකට් තරඟයකදී, පාකිස්ථාන කණ්ඩායමේ ක්‍රීඩක “අසීෆ් අලි” අතින් පන්දුවක් ගිලිහුණු අවස්ථාවේ ප්‍රේක්ෂකාගාරයේ සිටි මොහොමඩ් අක්තාර් නම් පකිස්තානු ජාතිකයා අප්‍රසාදය පල කල අයුරු අහඹුවකින් වගේ කැමරාවේ සටහන් වී තිබුණා. පාකිස්ථාන පිළ පරාජයට පත් වීමත් එක්ක ඔහු දැක්වූ මේ ඉරියව්ව, පැය කිහිපයක් ඇතුළත සමාජ මාධ්‍ය තුළ ඉතා වේගයෙන් share වෙන්නට පටන් ගත්තා.
“තරඟයේ ඒ තරම් තීරණාත්මක වෙලාවක අසිෆ් අලි අතින් ඒ වගේ පහසු පන්දුවක් ගිලිහුණු එක ගැන ඇති වුණු කළකිරීම මගේ මුහුණෙන් ඒ විදිහට පෙනෙන්නට ඇති. ඒත් මෑතකදී සිදු වුණු ඔහුගේ සමීපතමයෙකුගෙ වියෝවත් එක්ක, ඇත්තටම ඔහු සමඟ කේන්ති ගන්න මට හැකියාවක් තිබුණේ නැහැ.” තරඟය අවසානයේ ICC විස්තර විචාරක සයිනබ් අබ්බාස්, මේ ගැන අක්තාර් ගෙන් විමසූ වෙලාවේ අක්තාර් පිළිතුරු දුන්නා.
“සමීපතමයෙකුගෙ වියෝව” ලෙස ඔහු දහස් කර තිබුණේ ලෝක කුසලාන තරඟය ආරම්භ වන්නට පෙර, පිළිකාවක් හේතුවෙන් හදිසියේ මිය ගිය අසිෆ් අලි ගේ දියණිය ගැනයි.
DOGE (Kabosu නමැති සුරතලා)
2010 වර්ෂයේ දී ජපන් ජාතික පෙරපාසැල් ගුරුවරියක් අනාථ සුරතල් සතුන් ඉන්න මධ්‍යස්ථානයක උන්නු “කබොසු” ව හදාවඩා ගන්නට තීරණය කළා. 2010 යේ පෙබරවාරි මාසයේදි ඇය කබොසු ගේ ඡායාරූප කිහිපයක් ඇගේ පෞද්ගලික Blog පිටුවේ පළ කරනවා. ඒ අතරින්, පාද දෙකක් එකමත එක තබාගෙන, ඇස් කොනින් බලන ඉරියව්වෙන් ඉන්න මේ ඡායාරූපය, meme template එකක් විදිහට ලෝකය පුරා ප්‍රසිද්ධ උණා.
පසු කාලීනව Doge Coins නම් Cryptocurrency එකක් නිර්මාණය වීම දක්වා අසීමිත ලෙස ප්‍රසිද්ධියට පත් වුණු, ලෝකයේම ගේ ආදරයට පත් වුනු කබොසු, 2017 අප්‍රේල් 1 වැනිදා මිය ගිය බව ඇගේ හිමිකාරිය සංවේගයෙන් යුතුව අන්තර්ජාලයේ සටහන් කර තිබුණා.
DISASTER GIRL
බැලූ බැල්මට චිත්‍රපටයක, මහා විනාශයක් කරපු දුෂ්ඨයෙක්, පැත්තකට වෙලා ඒ ගැන කුරිරු සතුටක් ලබන දර්ශනයක් වගේ පෙනෙන මේ ඡායාරූපයි ඇත්තටම ඔබ දකින්නේ ඔස්ට්‍රේලියාවෙ උතුරු කැරොලින් ප්‍රාන්තයේ ජීවත් වුණු පුංචි Zoe Roth වයි. ඕස්ට්‍රේලියානු විකාශන මධ්‍යස්ථානය සඳහන් කළ ආකාරයට, ඇයත් සහෝදරයත් රූපවාහිනි නරඹමින් උන්නු වෙලාවේ, මාර්ගය අයිනේ ගොඩනැගිල්ලක ඇති වුණු ගින්නක් ගැන සඳහන් කරමින් ඔවුන්ගේ මව නිවසට ගොඩවැදී තිබෙනවා. ක්ෂණිකව ක්‍රියාත්මක වුණු Zoe ගෙ පියා තමන්ගෙ කැමරාවත් රැගෙන අදාල ගොඩ නැගිල්ල ලඟට Roth සහ ඇගේ සොහොයුරාව රැගෙන යන්නෙ මේ සිද්ධිය ඡායාරූපගත කරන්නයි. ඔවුන් එතැනට ලඟා වෙද්දිත්, නිවන හමුදාව විසින් සෑහෙන තරමක් දුරට පාලනය කර තිබුණා. රැස් වෙලා හිටිය විශාල සෙනග මධ්‍යයේ Zoe ගේ පියා ඡායාරූපය ලබා ගන්නේ ඉදිරියෙන් හිටපු Zoe මේ විදිහට හැරී බලන ක්ෂණයේදීමයි. 2004 වර්ෂයේදී ගැනුණු මේ ඡායාරූපය ඔහු “Disaster Girl” නමින් තමන්ගේ පෞද්ගලික Blog පිටුවේ පළ කරනවා. පසු කාළීනව, “Fire starter”(ගිනි තබන්නා), “Goddess of Fire” (ගින්නට අධිපති දෙවඟන), “Goddess of Disaster” (විනාශයේ දෙවඟන) වැනි විවිධ නම් කිහිපයකින් ඇය සමාජ මාධ්‍ය වල ප්‍රසිද්ධියට පත් උණා.
SUCCESS KID
Facebook meme එකක “දිනුම/ සාර්ථක බව ” පෙන්නනට මේ තරම් ගැලපෙන තවත් පින්තූරයක් නැහැ කිව්වට වැරද්දක් නෑ. මාස 11 ක් වයස සැමී ග්‍රිනර්, තමන්ගෙ පවුලේ අයත් එක්ක මුහුදු වෙරළේ කාළය ගත කරන්නට ගිය සන්ධ්‍යාවකදී, වැල්ලේ සදා තිබුණු වැලි මාළිගාවක් කඩා දමලා ඇවිත් මේ විදිහට සතුට සමරණ විදිහ ඡායාරූපයක සටහන් උණා. එහෙත් ඉන් පසුව සිදු වුණේ සැමී ගේ දෙමාපියන් සිහිනෙන් වත් බලාපොරොත්තු නොවුණු දෙයක්. 2015 දී පෙර පාසැල් යන වයසේ පසු වුණු සැමී දරුණු වකුගඩු ආබාධයකින් පෙළෙන බවත්, ඔහුට දිනපතාම වගේ රුධිර කාන්දු පෙරීම (dialysis treatments) කරන්නට සිදු වෙන බව වෛද්‍යවරුන් සැමීගෙ දෙමාපියන්ට පෙන්වා දුන්නා. ප්‍රතිකාර වලට වැය වෙන විශාල මුදල සොයා ගන්න එක දෙමාපියන්ට විශාල ගැටලුවක් උණත් කවුරුත් නොසිතූ විදිහට වසර 5 කට කළින් ලබා ගත් “success kid” ඡායාරූපය ඔවුන්ගේ පිහිටට අවේ මේ වෙලාවේදීයි. සුප්‍රකට “GoFundMe campaign” එක හරහා ලෝකය පුරා ජීවත් වුණු සැමීගේ රසිකයින් ඔහුගේ ප්‍රතිකාර සඳහා ආධාර කරන්නට උණා. ඒ විදිහට එකතු වුණු ආධාර වල මුළු එකතුව ඩොලර් $100,000 ක්. ලංකාවේ මුදලින් නම් ලක්ෂ 185 කට අසන්න මුදලක්! ඒ මුදල් ප්‍රමාණය , කාන්දුකරණ ප්‍රතිකාර වලට, රෝහල් බිල ගෙවන්න විතරක් නෙමෙයි, සැමීට නීරෝගී වකුගඩුවක් බද්ධ කරන්නටත් ප්‍රමාණවත් වුණු බවයි සඳහන් වෙන්නේ.
Disloyal Man
2017 වර්ෂයේදී ලෝකයේ ජනප්‍රියතම ඡායාරූපය බවට පත් වුණු මේ ඡායාරූපය ලබා ගන්නේ ඇන්ටෝනියෝ ගිලම් නමැති ස්පාඤ්ඤ ජාතික ඡායාරූප ශිල්පියා විසිනුයි. “Infidelity” හෙවත් ද්‍රෝහීකම කියන මාතෘකාව යටතේ “Shutterstock” වෙබ් පිටුවට එකතු කරන්න ලබා ගත්ත මේ ඡායාරූපය 2017 වර්ෂයේදී දිනකට 1,600 වතාවකට වැඩීය මිළදී ගැනී තිබෙනවා. ඡායාරූපයේ ඔබ දකින්නේ, Stock පින්තූර සඳහා නිරූපණයේ යෙදෙන නිරූපණ ශිල්පීන් දෙදෙනෙක් වන මාරියෝ සහ ලෝරා යි.
මූලාශ්‍ර:
https://knowyourmeme.com/