මොහු 1890 සැප්තැම්බර් මස උපත ලබයි.අවුරුදු 6 වන විට පිය සෙනෙහස ද මොහුට අහිමි වේ. මේ සිදුවීමෙන් පසුව මොහුගේ මවට රැකියාවකට යාමට සිදුවන අතර ඉන් පසු සැන්ඩර්ස්ට තම සහෝදරයින් රැකබලා ගැනීමට ද සිදුවේ. වයස අවුරුදු 7ක් වන විට තම මව මොහුට කෑම පිසීමට උගන්වන අතර කුඩා කල පටන් ම ආහාර පිසීමට මොහු හොදින් ඉගෙන ගනී.
මොහු 6 වසර තෙක් අධ්‍යාපනය ලබා ඇති අතර අවුරුදු 13 ක් වන විට සැන්ඩර්ස් විවිධ රැකියාවල නිරතවේ. ඔහු මුලින්ම ගොවිපලක වැඩකරයි. පසුව අවුරුදු 15දි ගොවිපලෙන් ඉවත්වී විවිධ රැකියාවන් වල නිරත වේ. ගිනි නිවන භටයෙක්, රක්ෂණ විකුණුම්කරුවෙක් ආදි රැකියාවන් වල නිරතවී තිබේ. පසුව මොහු නීතිය හැදෑරීමට ගත් උත්සාහයද අසාර්ථක වී තිබේ. මේ ආකාරයට වයස අවුරුදු 40 ක් පුරාවට මොහු නොයෙක් රැකියාවල නිරත වී සේවය කර ඇත.මෙම කාලය තුලදී මොහු අනේකවිධ දුෂ්කරතා වලට මුහුණ දෙන අතර තම බිරිඳ දරුවාද මොහු හැරදමා යයි. මොහුට විශ්‍රාම වැටුප ලැබී ඇත්තේද එක්වරක් පමණි. මොහුගේ ජීවිතය දිගින් දිගටම අසාර්ථක වු නිසා සියදිවි හානි කර ගැනීමට ද පෙළඹුන බව සදහන් කර තිබේ.
මොහුගේ පළවෙනි අවන්හල 1929 වසරේදි ආරම්භ කරන අතර මොහු තම මව ආහාර පිසීමට ඉගැන්වු අයුරින් චිකන් සකස්කර විකුණන අතර එහි රසවත්බව නිසාම මොහු මහත් ප්‍රසිද්ධියට පත්වේ. මොහුගේ ප්‍රසිද්ධිය හේතුවෙන් එවකට සිටි ආණ්ඩුකාරවරයා විසින් ඔහුට Kentucky Colonel යන නාමය ප්‍රධානය කර තිබේ. කෙසේ වෙතත් පසු කලෙක මෙම මුල් අවන්හල විකුණන මොහු රහස් වට්ටෝරුව සකසමින් එය අවන්හල්වලට අලෙවි කර තිබේ. මෙම වට්ටෝරුව 1009 වතාවක් ප්‍රතික්ෂේප වු බවද සදහන් වේ.
කෙසේ වෙතත් ඉන් පසු මොහු Kentucky Fried Chicken හෙවත් KFC අවන්හල ආරම්භ කිරීම සිදුකරයි.මොහු මේ සදහා භාවිතා කරන වට්ටෝරුව අදටත් රහසක් බව සදහන් වේ. මින් පසු මොහු වයස අවුරුදු 74දී මෙම ජාලයද විකිණීමට තීරණය කරන අතර මොහු ඩොලර් මිලියන දෙකක මුදලකට මෙම KFC ජාලය විකුණනු ලබයි. විකුණුම් ගිවිසුමට අනුව ඔහුට ආයතනයෙන් ජීවිත කාලය පුරාවටම වැටුප් ලැබෙන අතර ආයතනයේ වෙළඳ ලකුණ සහ තත්ත්ව පාලකයා ලෙසද මොහු තීරණය කළ බව සදහන් වේ.
KFC නිර්මාතෘ කර්නල් සැන්ඩර්ස් 1980 වර්ෂයේදී මිය යන අතර එවිට ඔහු අවුරුදු 90 වියේ පසුවේ. එම කාලය තුළ මෙම අවන්හල් ජාලය රටවල් 48 ක් පැතිර තිබු බව වාර්තා වේ..අද වන විට KFC ජාලයේ වර්තමාන හිමිකාරීත්වය දරන්නෙ Yum! Brands ආයතනය මගිනි. KFC ජාලය අදවන විට රටවල් 135ක් පුරා පැතිරුණ අවන්හල් 22,600කින් සමන්විත විශාල fast food අවන්හලක් බවබ පත්ව තිබේ.මෙය ලොව පවතින දෙවන විශාලතම අවන්හල වීමද විශේෂත්වයකි.උත්සාහ කරන්නේ නම් ජීවිතය ජයගත හැකි බවට තවත් නිදසුන් කුමටද? මොහුගේ ජීවිත කතාව ඊට හොඳම නිදසුනයි.
උපුටා ගැනීම: Hela Rahas