2020 Arial ඡායාරූප තරඟාවලිය ජයග්‍රහණය කළ අද්විතීය ඡායාරූප පෙළ!

Share With Friends

Facebook
WhatsApp
Telegram
LinkedIn
Email

       ඩ්‍රෝන යානා, හෙලිකොප්ටර්, සරුංගල්, බැලූන් හෝ ගුවන් යානා භාවිතයෙන් ලබා ගත් ඡායාරූප ඇගයීම සඳහා පැවැත්වුණු, “2020 ARIAL PHOTOGRAPHY AWARDS” තරඟාවලියේ ජයග්‍රාහකයින් පසුගිය ඔක්තෝබර් 15 වැනිදා ප්‍රකාශයට පත් කෙරුණා. ගෘහ නිර්මාණ ශිල්පය, ඉදිකිරීම්, දෛනික ජීවිතය, භූ දර්ශන, ක්‍රීඩා, සංචාරක, වනජීවී ඇතුළු කාණ්ඩ 23 ක් යටතේ සේයාරූ 1000 කට ධික ප්‍රමාණයක් තරගයට ඉදිරිපත් කර තිබුණා. ඒ අතරින් ඇතැම් කාණ්ඩ වලට අදාළ නිර්මාණ, ඇත්තෙන්ම තමන් බලාපොරොත්තු වු මට්ටම අභිබවා ගිය ඉතා විශිෂ්ට නිර්මාණ බව සංවිධායක මණ්ඩලය සඳහන් කළා. ඒ අනුව තේරී පත් වූ හොඳම ඡායාරූප 106 අතර, ඇමරිකානු ඩොලර් 10,000 ක සුවිසල් ත්‍යාග මුදල බෙදී යනු ඇති. වැඩිම සම්මානලාභීන් පිරිසක් බෙල්ජියම් ජාතිකයින් වීම විශේෂත්වයක්.

සම්මානලාභී සේයාරූ කිහිපයක් ඒවාට සම්බන්ධ අපූරු තොරතුරු ස්වල්පයක් සමඟ මේ ලිපියෙන් ඔබට කියන්න අපි තීරණය කළා.

#1 ඉදිකිරීම්  කාණ්ඩයේ ප්‍රථම ස්ථානය- “The Frame”

Bachir Maukarzel- Dubai

 

#2 “ජීවන රටා” කාණ්ඩයේ  ප්‍රථම ස්ථානය – “The Lady Of The Sea”

Duy Sinh – Vietnam

ධීවර යාත්‍රාවක් සිය “දැල” එලන මොහොතේදී, සැඩ පහර විසින් අහඹු ලෙස දැලේ කෙලවර වල ඇති කළ රැළි මැවූ රටාවයි මේ! ඡායාරූප ශිල්පියාට වගේම ඔබටත් එක ක්ෂණයකට හෝ එය කාන්තාවකගේ උඩුරුවක් වගේ පෙනෙන්නට ඇති.

 

#3 “ස්වභාවධර්මය” කාණ්ඩයේ  ප්‍රථම ස්ථානය – “Flood Water Has Damaged Crops”

Azim Khan – Bogura, Bangladesh

බංග්ලාදේශයේ, බොගුරා ගම්මානය පසුගිය ජූලි මාසයේ විශාල ජල ගැල්මකට ලක් උණා.  පීඩාවට පත් ප්‍රදේශවාසීන් විනාශයට පත් බඩඉරිඟු යාය වල ඵලදාවේ ඉතිරි වූ සුළු ප්‍රමාණය එකතු කරගන්නා ශෝචනීය දර්ශනය මේ ආකාරයට කැමරාවේ සටහන් වී තිබුණා.

#4 “වෙනත්” කාණ්ඩයේ  ප්‍රථම ස්ථානය –  “On The Edge”

Ryan Koopmans – Netherlands

මේ කුඩා දරුවෙකු නෙදර්ලන්තයේ ඇම්ස්ටල් නදියේ පාළම මත වැතිර සිට, ජලය මත පාවෙමින් තිබූ පොලිතීන් බෑගයක්  ගන්නට උත්සහ කරන අවස්ථාවක් බව සඳහන් වෙනවා.

 

#5 “Lockdown” කාණ්ඩයේ  ප්‍රථම ස්ථානය –  “We Are In It Together”

Prabu Mohan – Vietnam

වියට්නාමය, කොවිඩ් වසංගතය සාර්ථක ලෙස මර්ධනය කරන්නට සමත් වුණු රටවල් අතර ඉදිරියෙන්ම සිටින රටක් කීවොත් නිවැරදියි. මේ, එරට මහල් නිවාසයක පදිංචිකරුවන්, කොවිඩ් වසංගතය හා සටන් වදින්නන් ධෛර්‍යමත් කරන    අරමුණින් සිය ජාතික ධජය ප්‍රදර්ශනය කළ ආකාරයයි.

මූලාශ්‍ර:

https://www.aerialphotoawards.com/

Read More Like This

PHP Code Snippets Powered By : XYZScripts.com
error: Content is protected !!