මේ තෙවැනි ඇස ද…? (වැල්වටාරම්)

……අපි බැදපු අලුත හිටියේ මහගෙදර. මන් තනිකඩයා කාලේ හිටපු කාමරේ…( දැන් ඉන්නෙ උඩතට්ටුවෙ. බැන්දට පස්සේ හැදුවේ)

ඉතින් කාමරේ ලොකු ඉඩක් නෑ 10/12 හේ කාමරයක්… තනියම ඉන්න කාලේ සින්ගල්” බේඩ්’ එකක් පාවිච්චි කරාට.බැන්දට පස්සේ ඒක මදිනේ ඉතින් ඩබල්’ බෙඩ් එකක් ගෙනාවා.ඉතින් කාමරේ තවත් පොඩ්ඩක් අඩු උනා..( මගේ Computer එක තිබුනෙත් කාමරේ) දැන් හිතාගන්න පුළුවන්නේ ඉඩ ගැන.

මේ කාමරේට රෑට ලයිට් ඔෆ් කරාම කට්ට කරුවලයි..ඒ කියන්නේ ලග ඉන්න කෙනාව වත් පේන්නෙ නෑ…(මට නින්ද යන්නෙ නෑ පොඩි එලියක් හරි තිබුනොත් ) මුල් කාලේ වයිෆ් කැමති නෑ එහෙම නිදාගන්න. ඇයි ඉතින් කාමරේට කවරු ආවත් පේන්නේ නෑ… මෙච්චර කාමරේ ගැන කිව්වේ. අපිට වුන දේ පුදුමයක් වෙන්න මේ කාමරේ තියෙන කලූවර බලපාපු නිසා.

ඔන්න ඉතින් එක දවසක් අපි දෙන්න හොඳ නින්දක හිටියේ වෙලාව පාන්දර 1.30 ට විතර ඇති. නිදාගෙන හිටියේ දෙන්නට දෙන්නා මූණ බලාගෙන ඉන්න ඈන්ගල්’ එකට. හිතා ගන්න පුළුවන්නේ..දෙන්නගේ අතර පරතරය අඩි 1/2 දෙකක් වගේ තියෙන්න ඇති….

ඔන්න මට ඒක පාරටම පේන්න ගන්නවා බිරිඳ ගේ කොට්ටය පැත්තේ ඉදලා ලෝකු පත්තැයෙක්’ ( අපි ගරුඩා කියලා කියන්නේ ) මගේ ඇහැ කෙලින් මූණ පැත්තට එනවා. කෑලි කපන අදුරක් තියෙන ලඟ ඉන්න කෙනා පෙන්නෙ නැති මගේ කාමරෙ ලාවට හඳ එළියකින් පේනවා වගේ කොට්ටයත්’ බිරිඳවත්’ පත්තැයවත්’ පේනවා.මේ සතා ඌගේ ඔලුවේ තියෙන අඩු දෙක වන’ වනා’ එනවා…ඒත් මට නැගිට ගන්න බෑ…තුෂ්නිම්භූත වෙලාද කොහෙද …සතා මගේ ඇහැට අගල් 3 ක් විතර වෙනකම් ලං වෙලා…

මේ වෙලාවෙදි තමයි පුදුම හිතෙන දේ උනේ… මගේ බිරිඳ ඒක් ක්ෂණයකින් මගේ මූණ යටින් අත දාලා මගේ ඔලුව උඩට ඉස්සුවා………..

එහෙම කරපු සැනින් අපි දෙන්නම දැඳේ වාඩි උනා…ඔන්න දැන් අයෙත් දෙන්නට දෙන්නා පේන්නෙ නෑ… ඒ කියන්නේ දැන් තමයි අපි දෙන්නම ඇහැරුනේ… දඩ බඩ ගාල දෙන්නම ඇඳෙන් පැනලා ගිහින් ලයිට්’ එක දැම්මා… දෙන්නටම දාඩිය දාලා හොල්මන් වෙලා හිටියේ… දැන් අපිට හිතා ගන්න බෑ හීනයක් දැක්කද ඇත්තටම උන දෙයක් ද මේක කියලා. ඒත් හීනයක් නම් දෙන්නටම එකම පේන්නේ කොහොමද… ඒක නිසා හිමීට ඇඳට ලං වෙලා මගේ කොට්ටය උසසලා බැලුවා……………

විශ්වාස කරන්න අඟල් 6 ක් විතර දිග තද රතු පාටට පත්තැයා ඉන්නවා දිලිසි දිලිසි…..උගේ පෙනුම දැකලා වයිෆ් කලන්ත වෙන්නත් ගියා…

(පස්සෙ ගෙදර ඔක්කොම එකතු වෙලා ඌව අල්ලලා පාරෙන් එහා පැත්තට විසි කරා.. මැරුවේ නෑ..අපේ ගෙදර පොඩි ප්‍රතිපත්තියක් තියෙනවා සතුන් මරන්නෙ නෑ කියලා)

වැඩේ කියන්නේ….අපිට තාමත් තේරුම් ගන්න බැරි කිසි දෙයක් පේන්නේ නැති කාමරේ මේ සියල්ල පැහැදිලිව දැක්ක එක..ලොකුම පුදුමේ බිරිඳ මගේ මූණ යටින් අත දාල ඔලුව උස්සපු එක.. ආ…එයා දැකලා තියෙන්නේ මේක මෙහෙම..එක සැරේම ඇස් දෙක ලඟ ලොකු එලියක් පත්තු වෙලා හඳ එළියෙන් වගේ කාමරේ පේන්න ගත්තලු ඊට පස්සේ පේනවලු පත්තැයක් මගේ මූණට පැත්තට යනවා… කැරපොත්තෙක් පින්තූරෙකින් දැක්කත් බයවෙන බිරිඳට.මේ වෙලාවේ බයක් දැනුනෙ නැතිලු…හිතන්නත් කලින් අත ඉබේටම වගේ ඔලුව පැත්තට දික් වුණාලු.ලොකු ශක්තියක් අතට දැනුනාලු…..

ඉතින් අදටත් මං ණයගැතියි මගේ බිරිඳට මාව බේරගත්ත එකට මොකද ඒ සතා දෂ්ඨ කරා නම් මට ලොකු හානියක් වෙන්න තිබුනා….

මේ සම්බන්ධව මගේ අම්මාගේ මතය වන්නේ අපි කවුරුත් සතුන් මරන්නෙ නැති නිසා…. විශ්වශක්තිය” විසින් අපිව ආරක්ෂා කරා කියන එක…..

කොහොම උනත් බිරිඳ විසින් දැන් ඉන්න උඩ තට්ටුවේ නයිට් බල්බය අනිවාර්ය කර ඇත…..