අවසානෙදි මේ ලෝකෙ ජයග්‍රහණය කළේ තමන්ගෙ ඉලක්කය වෙනුවෙන් හැමදෙයක්ම කැප කරපු ධෛර්යවන්ත මිනිස්සු මිසෙක, අපල වලට බයේ මුදු දාගෙන මිත්‍යාව පසුපසින් ගියපු මිනිස්සුවත්, මඩ සහ අවලාද වලට බයේ තමන්ගෙ ගමන නවත්තපු මිනිස්සුවත් නෙමෙයි කියන එක අවබෝධ කරගන්න. ඒ නිසා හැමවිටකම ජීවිතේ ඉලක්කයක් හදාගෙන, ඒ වෙනුවෙන් වෙහෙසෙන්න.
මේ තියෙන්නෙ අරලිය පවුලෙ අලුත්ම සාමාජිකයා වෙච්ච ‘අරලිය බීච් රිසෝර්ට්ස් ඇන්ඩ් ස්පා උණවටුන ( Araliya Beach Resort & Spa Unawatuna ) ව්‍යාපෘතිය. අදටත් සීමිත මිනිස්සු කොටසක් මේ ව්‍යාපෘතිය වෙනුවෙන් ඩඩ්ලි සිරිසේන කියන නම අල්ලගෙන නොයෙකුත් අවලාද සහ මඩ ප්‍රචාර දියත් කරනවා. අඩුම වශයෙන් මමවත් නොදන්න ව්‍යාපෘතියේ ඇති පාරක් ගැන කියමින් මඩ පෝස්ටර්, ඩිජිටල් කැම්පේන් ඇතුලු විවිධ දේ කරමින් මේ ව්‍යාපෘතියට පහර ගසනවා.
ඒත්, තවමත් දේශීය ව්‍යවසායකයෙක් විදියට බිලියන ගණනක වියදමෙන් ලංකාවෙ ලොකුම පරිසර හිතකාමී හෝටල් ව්‍යාපෘතියක් කරපු මම නිහඬවම ඒ හැමදෙයක් දිහාම බලාගෙන ඉන්නවා. විශේෂයෙන්ම මේ ව්‍යාපෘතිය ආශ්‍රිතව අලුතෙන්ම සෘජු හා වක්‍ර රැකියා දස දහස් ගණනක් උත්පාදනය වෙන හැටි ගැන සිහින දකිමින් පුදුම ආත්ම තෘප්තියකින් සහ බලාපොරොත්තු දැල්වුණු දෙනෙතකින් ඒ නිරාමිස සතුට තනිවම විඳිනවා.
දවසක මේ ව්‍යාපෘතිය ආශ්‍රිතව මම කරපු පරිසර හිතකාමී දේවල් ටික ඔයාල එක්ක බෙදාගන්නම්. එතකල් කාටවත් අතනොපා, මහජන මුදල් සතයක් වත් අවභාවිතා නොකර, සෘජු හා වක්‍ර රැකියා රට තුළ ලක්ෂ ගණනක් උත්පාදනය කරපු මම ඉවසීමෙන් බලාගෙන ඉන්නම්.
උපුටා ගැනීම: නුවා-Nuwa