හැත්තෑව දශකයේ අග සහ අසූව දශකයේ මුල පලස්තීන ජාතිකයන් ඊශ්‍රාලය සමග කල අරගල නිසා, ඔවුන්ට එය ඉතා කරදරකාරී කාලයක් විය. එම නිසා පාසල් විශ්ව විද්‍යාල එක දිගට වසා තැබූ කාලවල් තිබූ නිසා පලස්තීන ලමයින්ගේ අධ්‍යාපන කඩා වැටීම්වලට ලක් විය. ඊබ්‍රහීම් පලස්තීනයෙන් ල්වෝව් අප සරසවියට පැමිනියේ සිවිල් ඉංජිනේරුවෙකු වීමට ඉගෙන ගැනීමටයි.
පලමු වසරේ රුසියන් භාෂාව ඉගෙන ගන්නා කාලයෙ ඊබ්‍රාහීම් මගෙ හොඳ මිතුරෙක් බවට පත්වුනේ අපි බොහෝ විෂයන්වලදී එකම පන්තියේ සිටි නිසයි, විශේෂයෙන්ම ගණිතය පන්තියේ. ලංකාවේ උසස් පෙල ෆණිතයේ පාඨමාලාව ඉතා උසස් ප්‍රමිතියේ තිබූ නිසා මගේ දැනුම ඉතා ඉහල තිබූ අතර වසර ගනනාවක් තිස්සේ පාසල් අධ්‍යාපනය වරින් වර කැඩී තිබුනු නිසා ඊබ්‍රාහිම්ගෙ දැනුම අල්ප විය. ධනවත් පවුලකින් පැමිනි ඔහු නිතරම මගේ කෝපි, කෑම බීම බිල පවා ගෙව්වේ යාලුකමට වඩා මම මිනිහට ගණිත පාඩම්වලට උදව්කිරීම නිසයි. මාත් මම හිතන්නේ ගණිත පාඩම් කියා දුන්නෙ යාලු කමම නිසාත් නොවෙයි.
වසර අවසාන විභාගයෙන් මම ගණිතයට ඉහලම ලකුනු ලබා සමත් වුනු අතර, ඊබ්‍රාහීම් අසමත් විය. ඔහුට යලිත් විභාගය කිරීමට සිදු වුනත්, යලිත් එම ඉරණමම අයිති වෙන බව දැනගත් ඔහු මගෙන් උදව්වක් ඉල්ලුවේ ය.
‘දේව්, කරුනාකරලා මට මේ උදව්ව කරන්න’
‘මොකක්ද මම කරන්න ඕන?’
‘ඔයා උදේට මාත් එක්ක එන්න යුනි. ඔයා ඉන්න ටොයිලට් එක ලඟ. ප්‍රශ්න පත්තරේ ලැබුනම මට ටොයිලට් එකට යන්න ඕන වුනා කියලා, ඒක අරගෙන එන්නම්, ඔයා මට ඒක කරලා දෙන්න. මම වොඩ්කා බෝතලයක් දෙන්නම් ඒකට’
‘හරි, හැබැයි ටැක්සි එකෙන් එක්කගෙන යන්නත් ඕන’
‘හා එහෙම කරමු’
ඉතින් ඒ දවසෙ එයා ටැක්සියක් බුක් කරලා මාවත් දාගෙන ගියා යුනි. ගණිත විභාගෙ දුන්නෙ ප්‍රශ්න පහක් කියලයි මතක. පහම හැදුවොත් ඉතින් පහෙන් පහම. එහේ ලකුනු දෙන්නෙ පහෙන්. දෙකක් හො අඩුවෙන් ලැබුනොත් ෆේල්. මම ඔන්න ටොයිලට් එකේ ඉන්න කොට ඊබ්‍රාහීම් ආවා ප්‍රශ්න පත්තරෙත් අරගෙන. මිනිහගෙ අත වෙව්ලනවා බයට. මම ඉතින් දඩ බඩ ගාලා ගනන් ටික හදලා දීලා මිනිහට දීලා ටැක්සියට සල්ලියි කෝපි බොන්න සල්ලියි අරගෙන, හවසට වොඩ්කා බෝතලේ අමතක කරන්න එපා කියලා ආවා හොස්ටල්.
හවස ඊබ්‍රාහීම් මගේ කාමරේට ආවේ කේන්තියෙන් වගේ. මම ඉතින් ඇහුවා
‘කෝ ඊබ්‍රාහීම් මගේ බෝතලේ?’
‘බෝතලේ? උඹට දෙන්න ඕන බෝතලේකින් ඔලුවට’
‘ඒ ගනන් වරදින්න බෑ, මට ෂුවර්’
‘ෂුවර් වැඩි වෙලා යකෝ. උඹ ගනන් පහම හදල නේ. මහාචාර්ය කාරයා විශ්වාස කලේ නැහැ මම පහම හැදුව කියලා. ආයෙත් කරන්න කිව්ව නේ’
‘දැන් මොකෝ කරන්නෙ?’
‘හෙටත් යමු’
‘ආයෙත් ටොයිලට් යන්න දෙන එකක් නෑ නෙ?’
‘හෙට ඌ නෑ, ඇසිස්ටන්ට්ලු ඉන්නෙ කියල කිව්වා. ඒ විදියටම කරමු. හැබැයි ගනන් තුනකට වඩා හදන්න එපා, තේරුනානෙ යන්තමට පාස් වෙන්න විතරක් කරන්න’
කියා මට අවවාද කලේ ය.
ඉතින් පසුදිනත් අර වගේම ටැක්සි බුක් කරල ගිහිල්ලා, ටොයිලට් එකේ ඉඳලා ගනන් තුනක් විතරක් හදලා, ඌට දීලා ආවා හොස්ටල් එකට. එදා නම් හවස ඊබ්‍රාහීම් වොඩ්කා බෝතලේකුත් අරන් ආවා හිනා වෙමින්, ඒ මදිවට ඌ කවදාවත් නැතුව මාව බදා ගත්තා විතරක් නෙවෙයි මුස්ලිම් නිසා බොන්නෙ නෑ කියල කලින් කියල තිබුනු එකා බිව්වත් එක්ක.
මම, ඊබ්‍රාහීම් සහ අපිත් එක්ක ෆොටො එකේ ඉන්නම ඕනි කියලා ඒ වෙලාවෙ එතනින් ගිය යුක්‍රේනියන් ගැහැනු ලමයෙක්.
උපුටා ගැනීම: Devapriya Siriwardena