සාරා (වැල් වටාරම්)

ඔහොම යන අතරේ මට ඇප් එකෙන් හයර් එකක් ආවෙ..මන් සට ගාලා ගත්තා ඒක..

ක්‍රෙස්කැට් එක ලගින් කස්ටමර් ගන්නය් මට පෙන්නුම් කලේ ඇප් එක..ඒ එක්කම මට කෝල් එකක් ආවා..

හෙලෝ ඉස් දිස් රේඩියන්ට් ටැක්සි සර්විස්..?

යෙස් මැඩම් .අය්ම් ඔන් මය් වේ ටු පික් යූ.ඉස් දිස් ලොකේශන් කරෙක්ට්?

ආ ඕකේ .අය් විල් බි දෙයාර් ඉන් ෆය්ව් මිනිට්ස්..

මම කාර් එක නතර කරන කොටම ලස්සන පොශ් තරුනියක් ඇවිත් කාර් එකට නැග්ගේ කලබලෙන් වගේ ..

කොහාටද මැඩම් යන්න ඕන .

ඉස්සරහට යමු ..

ඉස්සරහට කිව්වෙ මැඩම් ..

ඔහොම යන්..මම තැන කියන්නම්..

ඇය් තරමක් සැරෙන් වගේ කලබලෙන් කිව්වේ .

මන් වාහනේ ඉස්සරහට පදවන්න ගත්තා ..

ඇයට ඇමතුමක් ආවා..

ප්ලීස් මට කරදර කරන්න එපා..මට තමුසෙගෙ බොරු අහන්න බෑ..ආයෙත් මට කෝල් කරන්න එපා ..මම ලන්කාවෙන් යනවා.මම කවදාවත් ලන්කාවට ආයෙත් එන්නේ නෑ ..මට තමුසෙගෙ බොරු ඇති වෙලා ඉන්නේ ..

ඇය ඇමතුම විසන්ධි කරේ ඉතාම කෝපයෙන් .. ඇය විදෙස් රටක වෙසෙන දනවත් තරුනියක් බව මට තේරුම් ගියා .

ඔය රේඩියෝ එක වහලා දානවා.මගේ ඔලුව රිදෙනවා ඕකට.

ඇය කෝපයෙන් වගේ මට කිව්වේ වාහනේ රේඩියෝව ගැන .

සොරි මැඩම් .

ඇය ඇස් දෙක වහගෙන හය්යෙන් හුස්මක් පහලට දැම්මා ..මම ඉදිරියට දාවනය කලා.

මැඩම් සොරි ..දැන් අපි මොරටුව හරියේ ඉන්නේ .කොහෙටද යන්න ඕනේ..

මන් ඇහුවේ ටිකක් දුර ඇවිත් ..

ආහ්..සොරි .අපි කෙලින්ම යමු..ගෝල් පැත්තට ..

මන් ඉදිරියට රිය පැදවූවා..

ඔයාගෙ නම මොකක්ද ..

ඇය ඇහුවේ අලුත්ගමට ලන් වෙද්දී ..

මම අමිල මැඩම් ..

අමිල.. සොරි මම පොඩ්ඩක් කේන්ති ගිහින් හිටියේ ..

ඒකට කමක් නෑ මැඩම් ..

අමිල මට මොනවා හරි බොන්න ඕන.හොද තැනක් බලලා නතර කරන්න ..

මම පාරේ අය්නේ මුහුදු පැත්තේ තිබුනු ලස්සන රෙස්ටුරන්ට් එකක් ලග නතර කලා…

එන්න අමිල ඔයත් බොන්න මොනවා හරි..

තෑන්ක්ස් මැඩම්..

ඇය මුහුදට මුහුණලා අසුනක වාඩි උනා.මමත් ඊට නුදුරු අසුනකට බර උනා..

ලස්සන තැනක් ..තෑන්ක්ස් මෙතනට ගෙනාවට..

ඇය කෝපි උගුරක් රස බලමින් කීවා..

අපි ආයෙත් පිටත් උනා..

මේ අමිලගෙ කාර් එකද..

නෑ මැඩම් .මන් එච්චර පෝසත් නෑ ..

ඇය් මේවගේ රස්සාවක් කරන්නේ ..

මන් කලින් කොම්පැණියක වැඩ කරා .ඒත් පඩි මදි නිසා අස් උනා..

මෙතන හොදට පේ කරනවාද ඒ කියන්නේ ..

අනේ නෑ .මෙතන වැඩ කරන තරමට තමය් ..වැඩි පුර වැඩ කරලා තමය් කීයක් හරි හොයා ගන්නේ ..

අමිල මැරි කරලාද..

නෑ මැඩම් ..

එහෙනම් ඔහොම මහන්සි වෙලා සල්ලි හොයන්නෙ කාටද ..

මගේ පව්ලේ අයට වියදම් කරන්නේ මම මැඩම් ..

ඇය් පේරන්ට්ස්ලා..?

තාත්තා නෑ මැඩම්..මම තමය් අම්මය් නන්ගිය් බලා ගන්නේ ..

ඕ සෝ සෑඩ් අමිල..නන්ගී ස්ටඩි කරනවාද ..

ඔව් මේ පාර ඒ ලෙවල් ..

හ්ම්ම්

ඔයාලගේ ගෙවල් කොලබ ද එතකොට …

නෑ මැඩම්..මම බෝඩිං වෙලා ඉන්නේ ..බෝඩිමට යන්න වෙලාවක් නෑ ..දවසෙම මේක ඇතුලේ වගේ තමය් ..වැඩිපුරම දිව්වොත් තමය් කීයක් හරි ඉතුරු කරන්න පුලුවන් ..

හ්ම්..පව් ලන්කාවේ මිනිස්සු ..

මගේ නම සාරා..මම නොර්වේ ඉන්නේ .. මට ටිකක් පොඩි කාලෙම අපි මය්ග්‍රේට් කලා..අපිත් ඉස්සර කොලබ තමය් හිටියේ ..තාත්ති ෆොරීන් මිනිස්ට්‍ර්‍ එකේ වර්ක් කලේ.

ඇය කියද්දී අපි ගාල්ලට ලන් වෙලා හිටියේ .

මැඩම් අපි දැන් ගාල්ලට ඇවිත් ඉන්නේ ..

.හොදය් හොද රෙස්ටුරන්ට් එකක් බලන්න ලන්ච් ගන්න

මම ගාලු කොටුව ඇතුලට හැරෙව්වා ..

ෆෝට් සිටි හොටෙල් එක හොදය් මැඩම්..

ඕකෙ අපි යමු..

කෑම කන අතරෙ අපි ගොඩාක් දොඩමළු උනා.. නිස්කලංක ලස්සන පරිසරය හා මියුරු ආහාර ඇයගේ තිබුනු කලබලකාරී කේන්ති ගතිය අඩු කොට තිබුනා..සිත නිවෙන සුලු සන්ගීතයක් පසුබිමෙන් වාදනය උනා..

තෑන්ක්ස් අමිල..මම උදේ ගොඩාක් තරහින් හිටියේ ..මේ තැනට ආවම මම ගොඩාක් සෙට්ල් උනා..

ඇය කියුවෙ ගාලු කොටුවේ ඇය සමග ඇවිදින්න යන අතරේ.

මම ලොකු චීටර් කෙනෙකුට අහු උනා .ඒ මිනිහා නිසය් මන් ලන්කාවට ආවෙ..

ඇය කතාව ආරම්භ කලා.

මෙතරම් කරුනාවන්ත සුන්දර සුරූපී තරුනියක රැවටූ ඒ මිනිහා ගැන මට ලොකු කේන්තියක් පිලිකුලක් ඇති උනේ..කොහොමද මිනිස්සු එහෙම දේවල් කරන්නේ ? මන් මගෙන්ම ඇහුවා .

ඒ කිව්වේ මැඩම්..

මන් ලන්කාවේ බෝය් කෙනෙකුට ආදරේ කරා…

ඇය හුස්මක් ඉහලට ගත්තා .

ඇයගේ අක්බබරු වන් අකීකරු කෙස් කලබ මුහුදු සුලග සමග පොර බැදුවා..

එයා බලන්නය් මම ආවෙ ..

ඇය මුහුනට වැටුණු කෙස් රොද ඇගිලිවලින් පසෙකට කරා..

නමුත් ඒ මිනිහා හොරෙක් ..කසාද බැදපු මිනිහෙක් ..

ඇය ලොකු හුස්මක් පිට කලා..

උබ මහා තිරිසනෙක්..මම හිතින් ඒ මිනිහාට බැන වැදුනා.

මාර ජරා මිනිහෙක්.නේ..කොහොමද මැඩම් දැන ගත්තේ ..

මම ලන්කාවට ඇවිත් ඒ මිනිහා එක්ක ඉන්න කොට පෙරේදා එයා එලියට ගියා බඩු වගයක් ගේන්න .එයාට පෝන් එක අමතක වෙලා දාලා ගිහින් තිබුණේ ..කෝල් එකක් ආවා..මන් ආන්සර් කරා..

ඒ කතා කරේ එයාගෙ වය්ෆ් ..මන් ශොක් උනා අමිල..වය්ෆ් මට ස්ටෝරි එක කීවා..මම වය්ෆ්ගේ නම්බර් එක අරන් එයාට කතා කලා පස්සේ මිනිහාට හොරෙන්

එයා මට සේරම කිව්වා ..බබාලා දෙන්නෙකුත් ඉන්න මිනිහෙක් ..මම වීඩියෝ කෝල් එකකින් කතා කරා බබාලා හරි පව්.මන් එයාව බදින්නත් රෙඩි වෙලා හිටියේ අමිල ..

ඇය අඩන්න ගත්තා ..

මැඩම් මට තේරුම් ගන්න පුලුවන් .නමුත් අඩලා මේවට උත්තර හොයන්න කරන්න බෑ නේද . මටනම් හිතෙන්නේ වෙලාවට මැඩම් ඇත්ත දැන ගත්තේ .නැතිනම් ලොකු අමාරුවක වැටෙනවා ..අර පව්ලේ අයත් එක්කම .

ඔව් අමිල .ඒ මිනිහා මහ ජරා කපටි මිනිහෙක් . මට කිව්වේ ඩිග්‍රි එකක් කරනවා..ඒකට ගෙවන්න පාට් ටය්ම් පොඩි ජොබ් එකක් කරනවා කියලා ..මමත් රැවටුනා..මන් ගොඩාක් සල්ලි එව්වා එයාට..ඒ සේරම ක්ලබ් වලට වේස්ට් කරලා ..මට දුක නෑ බබාලාටවත් වියදම් කරා නම් ..

ඇය සිමෙන්ති බන්කුවක වාඩිවී දෑතින් මූන වසා ගත්තා ..

කොහොමද එයා මීට් අදුර ගත්තේ ..

සෝශල් මීඩියා වලින්..අපි ගොඩාක් කාලයක් චැට් කරා.කතා කලා.. ලාස්ට් ඉයර් මන් ඇවිත් මීට් වෙලා ගියේ..මම එයාව බදින්න ප්ලෑන් කරන් හිටියේ

මම එයාගෙ හිත හදන්න පුලුවන් තරම් උත්සාහ කලා..මෙහෙමත් මිනිස්සුන්ට රැව්ටීම කරන්න පුලුවන්ද .. සමාජය කොච්චර නම් කෘරද… මොන හිතකින් මේ ලස්සන කෙල්ල රැවටුවාද..උබට හොදක් නම් වෙන්න එපා මම ප්‍රාර්ථනා කරා..

එයා නිදහසේ පින්තූර ගත්තා . ඇවිද්දා..මමත් ඇයට පාඩුවෙ ඉන්න දුන්නා .අපිට නොදැනීම සවස් වෙලා සවස් වෙලා තිබුනා .

අපි යමු නේද අමිල..

ඇය එන ගමන් ගොඩාක් දුරට මාත් එක්ක කතා කලා.. හරිම විවෘත කෙනෙක් .. මට ඇය ගැන ලොකු අනුකම්පාවක් දැනුනේ ..

ඇය විනෝදශීලී ප්‍රිය නිහතමානී සරල කෙල්ලක්..

වෙලාවට අමිලව මීට් උනේ..මම පිස්සු හැදිලා වගේ හිටියේ .මට මේවගේ දෙයක් කතා කරන්න පුලුවන් යාලුවො ලන්කාවේ නෑ අමිල ඇය කිව්වා ..ඔයත් එක්ක කතා කරපු එකෙන් මගේ හිත ගොඩක් හැදුනා..

ස්තුතිය මැඩම්..ඕක මොකක්ද ..අපි මිනිස්සු අදුර ගන්නේ කොහොමද .කාලා බලන්නද නේද . ඔය තරමින් බේරුනු එකත් ලොකු දෙයක් ..

මම උදේ පික් කරපු තැනින් ඩ්‍රොප් කරන්න .ඇය කිව්වා ..

මැඩම් ඕන වෙලාවක කෝල් කරන්න ..මම කිව්වේ ඇය මට මුදල් ගෙවන වෙලාවෙ..

මෙතන වැඩිපුර සල්ලි තියෙනවා මැඩම් ..

ඒක ඔයාට.. ලොකු උදව්වක් ඔයා කලේ අමිල..

තෑක්ස් යූ මැඩම්.සී යූ..

සී යූ අමිල..

……………………..

ඇය රාත්‍රියේ මට ඇමතුමක් දුන්නා .මම එතකොටත් හිටියේ හයර් එකක ..හෙට උදේට එන්න පුලුවන්ද අමිල..මට කැන්ඩි යන්න ඕන..

ශුවර් මැඩම්..හොදය් මම නවයට එන්නම් ගන්න ..

මම උදේ නවයට ඇය පික් කරා.. සැහැල්ලු කෙටි ගවුමක් ඇද සිටි ඇය මම දැක්කේ සුරගනක් වගේ..

ඇය විශාල ගමන් බෑගයක් ගෙනත් තිබුනා .

ඔයා මොනවත් ප්‍රොමිස් උන හයර් තියෙනවාද අමිල

නෑ මැඩම් .

ගුඩ්..මට ටිකක් රටේ ඇවිදින්න ඕන.

එයා කිව්වා .ඔයාට ඉතින් බෝඩිමට කියන්න විතරයි නේ.. ගර්ල් ෆ්‍රෙන්ඩ් ට කියන්න ලොකු හයර් එකක් කියලා ..

අනේ මට එහෙම කව්රුත් නෑ ..

ඇය් ඒ ඔයා ස්මාට් බෝය් කෙනෙක් නේ..බොරු නේද කියන්නේ ..

මට වෙලාවක් නෑ මැඩම් ..මට ඕන අම්මලාට සලකාගෙන නන්ගිට හොදට උගන්වන්න ..

ඔයා හරි හොද කෙනෙක් ..එයාල වාසනාවන්තය් ඔයා වගේ කෙනෙක් පව්ලේ ඉන්න එකට..

තේ බොන්න නතර කර අතර මම ගෙදරට කිව්වා ලොකු හයර් එකක් යන බව..එන්න දින කීපයක් යන බව..

අපි ඔහොම කොලබින් පිටත් වෙලා නුවර ආවා.. නතර වෙන්න එයා ලස්සන හොටෙල් එකක් බුක් කරලා තිබුනා.. ඇය ඇයට සාරා නමින් අමතන ලෙස කිව්වේ එන ගමන්….

අපි නුවර නගර ටවුමේ ඇවිදලා හොටෙල් එකට එන කොට ගොඩාක් සමීප වෙලා හිටියේ ..රෑ කෑමට කලින් අපි බීර පානය කරේ අපේ අදහස් බෙදා ගනිමින් ..නුවර ටවුමේ ලය්ට් වල ලස්සන අපි හිටපු තැනට ලස්සනට පෙනුනා.. මියුරු සන්ගීතය මැද ගෙවුණු ඒ මොහොත ඇය සුරගනක් වගේ මම දැක්කේ ..මම ඇයට හදවතින්ම ආකර්ශනය වෙලා කියලා මට හිතුණා ..අර මිනිහා මොන තරම් පව්කාරයෙක්ද මෙච්චර ලස්සන හුරතල් කෙල්ලක් රවටන්න .. ඌට හොදක් නම් වෙන්න එපා..

ඔයා මම දැකලා තියෙන හොදම කෙනෙක් අමිල .. කොහොමද ඔයාට ස්තුති කරන්නේ කියලා මට හිතාගන්න බෑ ඇය කිව්වා ..

ඒක සුලු දෙයක් සාරා .ඔයාට ඕනම වෙලාවක ඕන දේකට මම ඉන්නව..

තෑක්ස් යූ අමිල ඇය කිව්වේ මගේ අත උඩින් ඇගේ අත තබමින්..ඇගේ සුමුදු අතේ පහස මට දැනුනා..හැමදාම මට මෙහෙම ඉන්න පුලුවන් නම්..

අපි යමුද සාරා .රෑ වෙලා නේද ..

ගුඩ් නය්ට් ඇය ඇගේ කාමරේට ඇතුලු වෙන අතරේ සුබ පැතුවා..

ගුඩ් නය්ට් ස්වීට් ඩ්‍රීම්ස් ..

මම ගිහින් වොශ් එකක් දාගෙන කාමරේට එන කොටම කෝල් එකක් ආවා ..

අමිල වය්න් එකක් තියෙනවා බොමුද .

ඕකේ..එහෙනම් එන්න..

මම යන කොට ඇය ගීතයක් අසමින් සිටියේ කෙටි කලිසමක් හා කමිසයක් ඇද ගෙන.මන් මත් කරවන සුවදක් මට දැනුනා..

චියර්ස්..

අපි ආයෙත් බොන්න ගත්තා .ඇය මද වෙලාවකින් රිද්මයට නර්තනයක් පටන් ගත්තා ..

ඇය නම් දෙව්ලියක්..

කමෝන් අමිල ජොය්න් මී..

මමත් ඇයට එකතු උනා..වීදුරු පිරුනා.හිස් උනා..අපි දෙදෙනා සිහින ලොවක අතරමං උනා..ඇගේ උනුසුම් ස්පර්ශය මාව නොදන්නා ඈත රමනීය ලොවක පා කරා.. ජීවිතේ සුන්දරද මෙතරම් ..ඇයත් මමත් එකෙකු වී අන්නතයට පාඋනා..

………………..

.නුවරින් ඇරබී නුවරඑළිය ඇල්ල බන්ඩාරවෙල ඇතුලු ඇවිදින්න පුලුවන් හැම තැනම අපි ගියා.. මගේ දෑතේ වෙලී ඇය නිතරම විහිලු කරමින් සැහැල්ලුවෙන් කාලය ගත කලා.. ජීවිතය කුරුලු පිහාටුවක් වගේ සැහැල්ලුය් මට හිතුනා ..ඇය මට උපරිම සතුටක් ලබා දුන්නා .

ඇය හොදම හෝටල් හොදම කෑම බීම ඇනවුම් කරේ.. අපි ජීවිතයේ අනන්තය සොයා පියාබා ගියා..

දින නවයක් අපි එකටම ගත කලා..හීනයක් වගේ දැනුනේ..ඇයට නැවත යාමට තව දින තුනක් තිබියදී අපි කොලබ ආවා.. ඒ එන කොට ඇය මගේම වී සිටියේ..මමත් ඇයට පුදුම බැදීමක් ඇති වී තිබුණේ

එදින ඇයත් සමග ඇගේ නවාතැනේ ගෙවුනා..ඇය් යෑමට කලින් දිනයේ උදේ ගමනක් යෑමට කතා කරා..

අපි ඉශාරා මෝටර්ස් එකට යමු .

ඇය් සාරා..

ඔයා අනුන්ගේ කාර් පදින වාට මම කැමති නෑ ..මම නෙක්ස්ට් ඉයර් එන්නේ ඔයා මගේම කර ගන්න බලාගෙන ..අපි දැනට කාර් එක්ක් ගමු.. බැන්දාම අපි මෙහෙනුත් ගෙයක් ගමු..

අනේ එපා සාරා..මට ඔයා විතරයි ඕන..මම කිව්වා ..

පිස්සු කොල්ලෝ මම කොහොමත් ඔයාගෙ තමය් ..ඔයාට ඔයාගෙම කාර් එකක් තියෙන කොට සල්ලි සේරම ඔයාට ඉතිරිය්..අම්මලාට සලකන්න ඔයාට පුලුවන් ..මමත් ඉන්නවා නේ ඔයාට ..

මම කොච්චර වාසනාවත්තද කියලා කියන්න මට වචන තිබුණේ නෑ ..

අය් ලව් යූ සෝ මුච් ඇය වැලද කාර් එකෙ ඇතුලේම මම හාදුවක් දුන්නා ..

මී මෝර්..

ඇය කෙදිරියෙන් වගේ පිලිතුරු දුන්න..

ඇය මට කැමති රතයක් තෝරා ගැනීමට ඉඩ දුන්නා ..

මම තෝරා ගත්තේ ටොයෝටා ප්‍රිමියෝ වර්ගයේ සුදු පැහැ කාර් එකක් ..

මම ඇය ලියකියවිලි සම්පූර්ණ කරන තෙක් පදවමින් සිටි රතය මිතුරෙකුගේ නිවසේ ගාල් කොට පැමිනියා..එනවිට ඇය සියලුම කටයුතු නිම කොට තිබුනා .අපි පිටත් උනේ නව රතයෙන්..

මට ලැබුනු හොදම තෑග්ග ඔයා සාරා..මෙච්චර ලොකු දෙයක් දීපු ඔයාට මම මොනවා කියලා දෙන්නද..

ඔයා විතරයි මට ඕන අමිල ..ඔයා දන්නවා නේ මේක මට ලොකු ගානක් නොවෙය් කියලා ..සුලු තෑග්ගක් ..

ඇය මට නන්ගිට හා අම්මට දෙන්න කියලා තෑගි චොකලට් ඇතුලු ආහාර ලොකු පාර්ස්ලයක් අරන් දුන්නා ..

ඊට පසුවදා උදේම ඇයට යානය තිබුනා ..අපි වැලද හැඩුවේ වෙන විය නොහැකි ශෝකයෙන්..මම ඉක්මනට එනවා අමිල ඔයා ඉක්මනට මගේම කර ගන්නවා ..

ඇය පිටත් උනා..

මට ඉවසාගත නොහැකි පාලුවක් ශෝකයක් දැනුනා…

මම නිවසට පිටත් උනේ නිවැසියන් පුදුම කිරීමේ අදහසින්..

පීක් පීක්..

නිවස ඉදිරියේ රතය නවතා නලාව නාද කරා..

අම්මේ තාත්ති ඇවිත් ශෙහානී මගේ චූටි දියනිය හය්යෙන් කෑ ගැසූ හඩට පියුමිත් එලියට පැමින ගේට්ටුව විවෘත කරා..

කාගෙද මේ කාර් එක..ඇය් අපේ කාර් එකට මොකද උනේ..

ඇය ඇහුවේ විමතිය මුසු ස්වරයෙන් ..

මේකත් අපේ තමය් සුදු ..අපේ කාර් එක චරිත්ලාගෙ ගෙදර .මන් ඔයාට කියන්නම් කෝ ස්ටෝරි එක..

පුතා තාමත් මොන්ටිසෝරියෙන් ගෙනාවේ නැද්ද ..මම ඇහුවේ චූටි දුව වඩා ගෙන සිප ගන්න අතර..

තාත්තා ගියා පුතාව අරන් එන්න..

තාත්තී කෝ මට චොකෝ ගෙනාවේ නැද්ද …

චොකෝ ගොඩාක් ගෙනාවා මගේ චූටි පැටියට අය්යටත් දීලා කන්න ඕන හොදද…

අලුත් බෲම් එක මගේ ..පරන එක අය්ය්ට..

මම දුවව වඩා ගෙන සිප ගත්තා ..

ස්තුතිය ..ලිපිය දිගු වීම පිලිබඳ සමාවෙන්න ..

උපුටා ගැනීම:  ලලිදු ලියනගේ