මේ කතාව සිද්ද උනේ අපි දෙන්නා ටික කාලයක් ලංකාවේ ඉන්නකොට.
ඇයට සිංහල භාශාව කතා කිරීමට නොහැකි බැවින් නිරන්තරයෙන් මං කතා කරන වචන අල්ලගෙන විටින් විට ඒ වචන භාවිතා කිටීමට පුරුදු වී සිටියා. අම්මා එක්ක යාලුවෝ එක්ක කතා කරන විට මාගෙන් අහුලාගත් වචන භාවිතා කිරීම ඈ නිරන්තරයෙන් සිදු කරනු ලැබුවේ මා හට ඇයගේ තිබෙන ආදරය පෙන්වීමට බව මා දැන සිටියා.
ලංකාව තුල වාහනය භාවිතා කිරීමෙදී ඇයට රියදුරු ලෙස සිටීමට මා අවස්තාව දීමට මැලිඋනේ ඇයගේ රියදුරු හැකියාව ගැන තිබූ සැකයට වඩා අපේ අනෙක් රියදුරන්ගේ විස්වාසවන්තභාවය වැඩිකම නිසාය.
නිරන්තතරයෙන් අනෙක් රියදුරන් වෙත බැන වැදීම හා මා අනෙක් රියදුරන්ගෙන් බැනුම් ඇසීම ඇයට දකින්නට ලැබුනා.
එක් දිනක් හදිසියේ මාතර යාමට අවශ්‍යවුවත් අදික මහන්සිය නිසා මා ඇයට රියදුරු අසුනේ වාඩිවීමටත් වේලාව පිළිබන්ද ප්‍රශ්නයක් නොමැති බැවින් මුහුදේ සුන්දරත්වය විදිමින් පරණ මුහුදුබඩ පාරේ ගමන් කිරීමටත් අප තීරණය කරනු ලැබුවේ ඇයට මුහුදේ සුන්දරත්වය හා රටතොට බලාගැනීමට අවස්තාව සැලසීමටය. මේ ගමන සදහා මගේ මවත් තවත් නිවස ආසන්නයේ තවත් ඇන්ටිලා දෙදෙනෙකුත් සහභාගීවූවා. ඔවුන් සියලුමදෙනා ගුරුවරියන්.
තල්පේ ප්‍රදේශය පහු කරමින් හබරාදුවට ලං වනවිට එක්වර ඇතුල්පාරක සිට පැමිණි යතුරුපැදි කරුවෙකු මාර්ගය හරහා දැමීමට ගොස් අපේ වාහනේ ගැටුනා. අහෝ ඛේදයකි ඉරකි තිතකි වීදුරුවෙන් ඔලුව එලියට දමා මගේ බිරිද එකවර ඇයට පාරේදී ඇසුන වචන දෙක එනම් හු@@ගේ පුතා යන අභිමානවත් වචන දෙක කියා කෑ ගැසුවා.
මෝටර්සයිකල් කරු තුශ්ණිම්භූතයි…
මෑනියන්ගේ මුහුණ විකසිතයි…
මවගේ යහලුවන්ගේ මුහුණු අසික්කිතයි….
කුමක් කරන්නද…
මා බැසගොස් රන්ඩුවීමට තරම් දෙයක් සිදු නොවූ බව පැහැදිලි කිරීමෙන් පසු දෙදෙනාගේ අලාභය දෙදෙනා පියවා ගැනීමට එකග වීමෙන් පසු නැවතත් මාතර බලා ගමන් ආරම්භ කල අතර වාහනයේ ඉස්සරහා හා පස්ස යන දෙකොටස අතර නිහඩතාවයක් පවත්වා ගැනීමටත් කටයුතු කරනු ලැබුවා..
අපි ගිය නිවසවෙත පැය තුනක පමණ ඉබි ගමනකින් පසුව සේන්දූ වූයේ දහවල් ආහාරය ගන්නා වෙලාවටය. මාගේ බිරිද පැමිණෙන බැවින් එම නිවසේ ඉස්සන් දැල්ලන් ඇතුළු විවිද මුහුදු ආහාර වලින් සමන්විත ආහාර වේලක් සූදානම් කර තිබුනා.. එම නිවසේ සියලුම දෙනා මෙන්ම අපත් මේසයට වාඩිවී ආගිය තොරතුරු කතා කරමින් ආහාරයෙන් සප්පායම් වූවා.. එම නිවසේ කිසිවෙකුටත් ඉන්ග්‍රීසී භාශාව කතා කිරීමට නොහැකි වූ බැවින් බිරිද සමග කතා බහ සිදුවූයේ අතින් පයින් කරන විවිද හැඩතල වලිනි. ඇයත් එම කටයුතු සදහා මොනවට පුහුණුවක් ලබා තිබුනේ නිරතරයෙන් ලැබෙන අත්දැකීම් නිසාය.
එම අවස්තාවේ වාහන අනතුර පිළිබදව මාගේ මෑනියන් මතක් කල බැවින් මම එම අවස්තාව ඔවුන් වෙත විස්තර කර සිටියා. බිරිදටත් ඒ පිළිබදව තේරුන බව ඇයගේ ඉරියව් වලින් පෙනී ගියා. එක්වරම ඇය අත් දෙක ඉහලට ගෙන අත් වලින් වාහන අනතුර සිදුවන ආකාරය ඉරියව් මගින් එහි සිටි කුඩා ළමයෙකුට පෙන්වීමට පටන් ගත් අතර සියලුම දෙනාගේ අවදානය ඒ වෙත්ස් යොමුවිය. අත්වලින් වාහන අනතුර සිදුවූ ආකාරය අවසානයේ එක වර “හු@@ගේ පුතා” යනුවෙන් දෙවරක් පැවසීමටත් ඇය අමතක කලේ නැත. ඒ විතරක් නොව ඇය මා වෙත ඇන්ගිල්ල දිගු කර හු@@ගේ පුතා යයි පවසා අතින් එසේ නොවන බව පෙන්වා ඇය වෙතට අත් හරවාගෙන හු@@ගේ පුතා යයි පවසා ගත්තා… ඇයත් සමග මෙතරම් කාලයක් සිටියත් අවසානයේ ඒ කිවු දේ මටත් ප්‍රෙහේළිකාවක්…
පුතා යන්න වෙනුවට දූ යන්නවත් පැවසුවානම් පිළි ගැනීමට ඉඩහසර තිබිනි. 
සියල්ලන්ම වික්ශිප්ත වී ඇති අතරතුර මා ඇයගෙන් පිලිපීන බසින් විමසුවේ ඇය එම වචනයෙන් අදහස් කරන්නේ කුමක්ද යන්නය. ඇය අදහස් කර තිබුනේ නරක රියදුරෙකි යන්නය. පසුව නෑදෑයන් හට ඔවුන්ගේ වික්ශිප්තභාවය දුරු කිරීමට මුල සිට සිද්දිය හා වචන පැටලීම පැහැදිලි කොට මා හා බිරිද විසින් සමාව ඉල්ලීමට කටයුතු කරනු ලැබුවා.
ප.ලි. අප දෙදෙනා එක්ව සිටි කාලයේ ඇය කිසි විටකදීවත් නොදන්නා වචන භාවිතා නොකිරීමට කටයුතු කරනු ලැබුවා. නමුත් හිටපු ගමන් ඉහත සදහන් කල වචන දෙක මා වෙත කීමට පුරුදු වී සිටියා.
ය. ක. දො. රු. තිශාක්‍යාණන්ගෙනි
උපුටා ගැනීම: Rusiru Thishakya Kankanamge