Jasmine කුමරිය කියලා කියන්නේ අපි කව්රුත් දන්න කෙනෙක්. දන්නේ නැති අය ඉන්නවා නම් ඒ තමයි ඇලඩින් කතාවේ ඉන්න කුමාරිකාව. මෙයාගේ තියන විශේෂත්වය තමයි ඒ වෙද්දි සාමාන්ය සමාජයේ තියන මතයන්ට විරුද්ධ ව කටයුතු කරනවා. සාමාන්ය සමාජයේ සම්මතයක් තියෙනවා ගැහැණු කෙනෙක්ට සුල්තාන් වරයෙකු ඒ කියන්නේ අපි කියන විදිහට කියනවා නම් රජ කෙනෙක් වෙන්න බැහැ කියලා. නමුත් මේ කුමාරිකාව අන්තිමට සාමාන්ය ජනයාගේ තියෙන සාම්ප්රදායික අදහස් වලින් ඔබ්බට ගිහිල්ලා තමන්ගේ රටේ පාලනය භාර ගන්න තරම් නිර්භීත කුමාරිකාවක්.
ඉතින් අද කියන්න යන්නේ මේ සුරංගනා කතාවක එන කුමාරිකාවක් ගැන නෙවෙයි නෙවෙයි. ඇත්තටම ජීවත් වන කුමාරිකාවක් ගැනයි ඇය නමින් Ameera Al Taweel. ඇය ඉපදෙන්නේ සෞදි අරාබියේ.. ඇය උපතින්ම කුමාරිකාවක් නෙවෙයි. ඇය ඉපදෙන්නේ 1983 නොවැම්බර් 6 වෙනිදා සාමාන්ය පවුලක ගැහැණු ළමයෙක් විදිහට. ඇයගේ අනාගත බලාපොරොත්තුව වෙන්නේ හෘද රෝග විශේෂඥයකු වීමයි. ඇය ඒ සඳහා ගොඩක් කැපවීමෙන් වැඩ කරනවා. එහෙත් ඇයගේ ජීවිතය එකපාරටම නාට්යයක් වගේ වෙනස් වෙනවා. එහෙම වෙන්නේ ඇයට ඒ රටේ රජතුමාගේ මුණුබුරා වෙන Al Waleed Bin Talal හමුවීමත් සමගයි. මේ කුමරා අරාබියේ ඉන්න වගේම ලෝකයේ ඉන්න ගොඩක්ම බලවත් රජ වරුන් ගෙන් එක් අයෙක්.
අවුරුදු හයක සම්බන්ධතාවයකින් පස්සේ ඔවුන් දෙදෙනා විවාහ වෙනවා. එතනින් පස්සේ අමීරා කුමරිය සාමාන්ය නිවසකින් කාමර දෙසියක් තියෙන පලිඟු වලින් නිපද වෙච්ච මාලිගාවක පදිංචියට යනවා. මේ මාලිගාවේ සම්පූර්ණයෙන් ඇවිදලා ඉවර කරන්න පැය එකහමාරක් විතර යනවා කියලා තමයි කියන්නේ.
එහෙත් මේ කුමාරිකාව සාමාන්ය කුමාරිකාවක් විදියට කල් ගෙවන්නේ නැහැ. තමන්ගේ රාජ සැප සම්පත් භුක්ති විඳිනවා වෙනුවට මැය කරන්නේ කාන්තා අයිතීන් වෙනුවෙන් හඬ නගන එක. අපි හැමෝම දන්නවා සෞදි අරාබිය කියලා කියන්නේ කාන්තාවන්ට එච්චර හොඳ තැනක් තියෙන රටක් නෙවෙයි. ගොඩක් වෙලාවට කාන්තාව පහතට දාල තමයි මේ රටේ නීති ක්රියාත්මක වෙන්නෙත්. මේ රටේ ඒ වෙද්දි කාන්තාවන්ට වාහන පදවන්න අවසර තිබේ නැහැ. ඒත් අමීරා කුමරිය දිගින් දිගටම කරන වැඩසටහන් වල ප්රතිඵලයක් විදිහට අන්තිමට අමීරා කුමරිය ට හැකි වෙනවා රටේ සියලු කාන්තාවන්ට වාහන පැදවීමේ අයිතිය ලබා ගන්න. ඒ වගේම කාන්තාවන්ට රැකියා කිරීමේ අවස්ථාව නොදෙන සමජයක රැකියා කිරීමේ අයිතිය වෙනුවෙන් ඇය හඩ නගනවා. ඒ වගේ ගොඩක් සාම්ප්රදායික මතයන් වලට විරුද්ධව අමීරා කුමරිය වැඩ කරනවා.
ඒ වගේම අමීරා කුමරිය බ්රිතාන්ය රජ පවුලත් එක්ක ඉතා සමීප සම්බන්ධතාවයක් ගොඩනගා ගන්නවා ඒකෙ ප්රතිඵලයක් විදිහට ඔවුන් කෙම්බ්රිජ් විශ්ව විද්යාලයේ ඉස්ලාමීය ආගම විෂයක් විදිහට ස්ථාපිත කරනවා. අමීරා කුමරිය රජ පවුලට කොච්චර සමීප වෙනවද කියල කිව්වොත් විලියම් සහ කේට් කුමරියගේ විවාහ මංගල්යය ටත් අමීරා කුමරිය ට ඇරයුම් කරනවා.
ඇය තමන්ගේ රටේ කාන්තාවන් වෙනුවෙන් පෙනී සිටින ගමන් කාන්තාවන්ට වෙන අසාධාරනකම් වලට විරුද්ධව හඬ නගනවා. ඒත් ප්රශ්නෙ වෙන්නේ එච්චරම සාම්ප්රදායික සමාජයක සමහර අය මේක හොඳ දෙයක් විදිහට දකින්නෙ නැහැ. මැයට විරුද්ධව ගොඩක් කුමන්ත්රණ සිද්ධ වෙනවා තමන්ගේ සංස්කෘතිය විනාශ කරනවා කියලා. මොකද අවුරුදු සිය ගණනක් තිස්සේ සාම්ප්රදායික අරාබියානු සංස්කෘතිය අරාබි මිනිසුන් එක රාමුවකට කොටු කරලා තියලා තියන නිසා ඔවුන් ඒ රාමුවෙන් එලියට ගැනීම කොච්චර අමාරුද කියලා විස්තර කරන්න උවමනා නෑ නේ. රජකුමරා කුමරියට ගොඩක් සහාය දුන්නත් මොවුන්ගේ විවාහය එච්චර කල් තියෙන්නෙ නැහැ. මොවුන් දික්කසාද වෙනවා. දික් කසාදයෙන් පස්සේ අමීරා කුමරියට ගොඩක් නින්දා අපවාද වලට මුහුණ දෙන්න සිද්ධවෙනවා. මොකද සාම්ප්රදායික අරාබි සමාජයේ දික්කසාද ගැහැනියකට හිමි ස්ථානය ගොඩක් පහතින් තමා තියෙන්නේ. දික්කසාද ගැහැනියක් සමාජයේ පිළිගැනීමට ලක් වෙන්නේ නැහැ. ඒත් අමීරා කුමරිය ඒ පිළිබඳව පසුතැවෙන්නේ නැහැ. තමන්ගෙම කියලා මාධ්ය ආයතනයක් පිහිටවන අමීරා කුමරිය සාර්ථකව එහි වැඩ කටයුතු කරනවා. ඒ වගේම ඒකෙන් ඒකෙන් ලාභයෙන් බොහෝ ලොකු කොටසක් සුභසාධන කටයුතු සඳහා යොදවනවා. දිගින් දිගටම තමන් කාන්තාවන් සඳහා හඬ නගන එක නවත්වන්නේ නැහැ. ඒ වගේම Kalifa Bin Butti නැමැති සමඟ බිලියනපතියා සමග නැවතත් 2018 දී විවාහ වෙනවා. එම විවාහ මංගල්යය අති උත්කර්ශවත් ව තියෙන්නෙ පැරීසියේ අයිෆල් කුළුණ අසබඩ අයිෆල් කුළුණ පෙනෙන මානේ තියෙන ගොඩක් ලස්සන උත්සව ශාලාවක. මේ සඳහා ලෝකයේ බොහෝ ප්රසිද්ධ පුද්ගලයන් සහභාගි වෙනවා. ඒ අතර ඕෆ්රා වින්ෆ්රී වැන්නවුන්ද සිටිනවා.
අද් වන් විට මැය කාන්තාවන් වෙනුවෙන් නගන සමාජ ක්රියාකාරිනියක්. ඒ වගේම තමන්ගේම සමාගමක අධ්යක්ෂකවරියක්. ගොඩක්ම සාම්ප්රදායික සමාජයක උපත ලැබුවත් එම සම්ප්රදායෙන් මිදී තමන්ගේ අයිතීන් සඳහා හඬ නගන තමන්ගේ අරමුණු කරා පිය නගන මැය මේ ලෝකයේ මෙතෙක් බිහිවුණු බලවත්ම කාන්තාවන් ගෙන් එක්කෙනෙක් කියලා කිව්වොත් හරියටම හරි. ඉබිහිවුනුලා මොකද මේ කතාව ගැන හිතන්නේ හිතන්නෙ පල්ලෙහායින් කමෙන්ට් එකක් දාන්න අමතක කරන්න එපා.
රන්දිකා සමරකෝන්