ජීවමාන බුදුන් වහන්සේගේ පහස ලැබීමට වරම් නොලද වර්තමානයේ ජීවත්වන අප සැම බුද්ධ ප්රතිමා වහන්සේලාගෙන් එම පහස ලබයි… එසේ ලොව වටා ඉදිවූ බුද්ධ ප්රතිමා අතුරින් විශාලතම හා උසම කැටයම් කල බුද්ධ ප්රතිමා වහන්සේ ලෙස නම් කෙරෙන ලේෂාන් යෝධ බුද්ධ ප්රතිමාව ගැනයි මේ සටහන… උසින් අඩි 233ක් (මීටර 71) වන මෙම විශාල ප්රතිමා වහන්සේ ඉදිකර ඇත්තේ චීනයේ සිචුවාන් පලාතේ දකුණු කොටසේ ලේෂාන් නගරයට ආසන්නව පිහිටි ලින්ජුන් කන්දෙහිය. මින් ගංඟාව, දඬු ගංඟාව හා කිංගි ගංඟා ත්රිත්වය එක්වන ස්තානයේ මෙම මනරම් යෝධ බුද්ධ ප්රතිමා වහන්සේ ඉදිකර තිබීම මඟින් දෙස් විදෙස් සංචාරකයන්ගේ නොමඳ ආකර්ශනයට පාත්ර වී ඇත. ක්රි.ව.713-803 කාල සීමාව තුල මෙම ප්රතිමාව නිමවා ඇත. ටැන්ග් රාජවංශය සමයේ ඉදිකිරීම් ආරම්භ කර වසර 90ක් පුරා කම්කරුවන් දහස් ගනණකගේ දායකත්වයෙන් මෙම අද්විතීය නිර්මාණය නිම කොට ඇත. මෙම ප්රතිමාවේ හිසකේ කැරලි 1021ක් ඉතා සුමට ලෙස කැටයම් කර ඇත්තේ අතීත ශිල්පීන්ගේ දක්ශතාවය ලොවටම විදහා දක්වමිනි. තවද මෙහි දීර්ඝකාලීන පැවැත්මට බලපෑමක් නොවන්නට ජලාපවාහන පද්ධතිය සැඟවුනු ආවරණ හා නල මඟින් වැසි ජලය විස්ථාපනය කර අභ්යන්තර කොටස් වියලිව තැබීමට උත්සාහ ගෙන ඇත. මෙම යෝධ ප්රතිමාවේ ඉතිහාසය ගැන සඳහන් කිරීමේදී මෙම ව්යාපෘතියට මුලපුරා ඇත්තේ හයි ටොං නැමැති භික්ෂුවයි. ගංඟා ත්රිත්වය එකතුවන ස්තානයේ නිරන්තරයෙන් ඇතිවූ කුණාටු තත්වයන්ගෙන් ඒ වටා දිවි ගෙවූ අහිංසක ජනතාවට ආශිර්වාදයක් ලෙස මෙම ප්රතිමාව ඉදිකිරීම උන්වහන්සේගේ අභිප්රාය වුනා. ව්යාපෘතිය ආරම්භ කිරීමට උන්වහන්සේට මුදල් නොතිබූ හෙයින් වසර 20ක් පුරාවට ඊට අවශ්ය මුදල් එක්රැස් කිරීමට උන්වහන්සේ තම වීර්යය යොදවනු ලැබුවා. පසුව මෙම යෝධ බුද්ධ ප්රතිමා වහන්සේගේ ඉදිකිරීම් කටයුතු ආරම්භ කරනු ලැබුවා. උන්වහන්සේ අපවත් වන විට මින් අඩක් නිමකර තිබූ අතර පසුව උන්වහන්සේගේ ගෝලයන් දෙදෙනෙකු විසින් මෙහි වැඩකටයුතු මෙහෙයවා වසර 90ක මහන්සියේ ප්රතිපලයක් ලෙස ලේෂාන් යෝධ බුද්ධ ප්රතිමා වහන්සේ ලින්ජුන් කන්දේ සිට ලෝ වැසියාට ආශිර්වාදය එක් කලා…
තොරතුරු – අන්තර්ජාලය ඇසුරිනි.උපුටා ගැනීම: විපරම