ගුවන් පාලමකට යටින් දිවෙන මාර්ගයේ ධාවනය වන රථ වාහනවල ආරක්ෂාව පිණිස සලකුණු කරන ලද Hazard Stripe වැසෙන සේ චිත්‍ර අඳින්නට තරම් චිත්‍ර කලාව පිළිබඳ කඩි කුලප්පුවක් තිබූ රටකි.
දෙහිවල Hazard Stripe වැසෙන සේ නුවර පෙරහැර ඇඳීමට ඇති තදබල උවමනාව විවේචනය වන විට මේ සායම් වලට රේඩියම් මිශ්‍ර කර ඇති බවත් රාත්‍රී කාලයේ දී ඈත සිට දීප්තිමත් ලෙස චිත්‍ර පෙනෙනවා යැයි බංගසාල බුද්ධිමත් පැහැදිලි කිරීමක් කර ඉතිහාසයේ දෙවන වතාවටත් මාරි කියුරිගේ සදාකාලික නින්දට බාධා කළ රටකි.
නිශ්චිත අරමුණකින් හෝ හේතුඵල සම්බන්ධයකින් තොරව හුදු රැල්ලට ම Hazard Stripe වැසෙන සේ ඇඳි චිත්‍ර සාධාරණීකරණය කරනු පිණිස තම විෂයය දැනුම, අධ්‍යාපනික සුදුසුකම්, වෘත්‍තිය පළපුරුද්ද සහ වෘත්‍තිය සුදුසුකම් දින ගණනක් මුළුල්ලේ අභිසාරිකා වෘත්‍තියෙහි යෙදවූ උගතුන් බිහි කළ රටකි.
පරිසර ආරක්ෂණය උදෙසා වූ සාමකාමී විරෝධතා ව්‍යාපාරයක ‘පරිසර විනාශය නවත්වමු’ යන අදහස රැගත් තාවකාලික චිත්‍රයක් එල්ලා ප්‍රදර්ශනය කළ විට, එම චිත්‍රය අනතුරුදායක බවත් චිත්‍රය ගස්වල බැඳීම නිසා ගස්වලට හානි වන බවත් පවසමින් එය ගලවා දැමීමේ තීරණය සාධාරණීකරණය කරන කොළඹ මහ නගර සභාවේ නාගරික කොමසාරිස්වරියකි.
සොඳුරිය .. කාලය කොතරම් නපුරුද ?
උපුටා ගැනීම: – සහන් කසීර වික්‍රමසිංහ –