මීට අවුරැදු 30 කට විතර කලින් නෙස්ලේ කියන්නේ ලෝකේ වැඩියෙන්ම ලාභ ලබන සමාගම් 100 න් එකක්. එයාලා තමයි ඒ දවස්වල ලෝකේ ජනප්‍රියම කිරි පිටි බ්‍රෑන්ඩ් එක වුනු නෙස්ප්‍රේ (මේක රටින් රටට වෙනස්.. උදාහරණයක් විදිහට නීඩෝ) එකේ අයිතිකාරයා…ඒ කාලේ සමහරැ කියපු විදිහට නෙස්ලේ සමාගම අවුරැද්දකට එයාලගේ ප්‍රවර්ධන කටයුතු වෙනුවෙන් වියදම් කරපු මුදලෙන් තුන්වැනි ලෝකේ දුප්පත්කම නැති කරන්ඩ පුලුවන්කම තිබ්බලු.. මේක සමහර විට අතිශයෝක්තියක් වෙන්නත් ඇති.. හැබැයි එයාලා අවුරැද්දකට ඩොලර් බිලියන ගානක් වෙළෙඳ දැන්වීම් වෙනුවෙන් වැය කළා..
දවසක් නෙස්ලේ සමාගමේ ප්‍රධාන විධායක නිලධාරියා ගුවන් යානයකින් ගමනක් යනකොට පත්තර වාර්තාකාරයෙක් එයාගෙන් මේ විදිහට ප්‍රශ්නයක් ඇහුවලු..
“ඇයි ඔබේ සමාගම මේ විදිහට වෙළෙඳ දැන්වීම් සඳහා වියදම් කරන්නේ… ඒ සල්ලිවලින් දුප්පත් මිනිස්සු ලක්ෂ ගානකගේ බඩගිනි නිවන්ඩ පුලුවන්නේ…?”
නෙස්ලේ සභාපති හිනා වෙලා මෙහෙම කිව්වලු,
“දැන් අපි දෙන්නා යන මේ ප්ලේන් එකේ එන්ජින් එක ඕෆ් කළොත් මොකක් වෙයිද? ඒකම තමා ප්‍රචාරණය නැවැත්තුවොත් අපේ සමාගමට වෙන්නේ…”
විශ්වාස කරනවද? ප්‍රසිද්ධිය කියන්නේ ඒ තරම් වැදගත්
දෙයක්…
(මේක මම කොහෙදි හරි කියවපු එකක්…)
