අත්තම්මාගේ නෑම (වැල් වටාරම්)

එදාට අනිත් කිසිම වැඩක් කිරීමට අත්තම්මාට කාලයක් නැත .ඔන්න අද නාන දවසකි. අත්තම්මා දවසක් පුරා සැරසෙන්නේ නාන්නට ය .

වැඩ ආරම්භ කරන්නේ නාන කාමරයෙන්ය. ඉස්සරලාම සින්ක් එකේ සිට ටයිල් ඇල්ලූ ග්‍රවුට් තීරු දක්වාම ඔපමට්ටම් කරන අත්තම්මා ඒ අතරතුර ගෙදර වැඩ අධීක්ෂණයට ද අමතක නොකරයි .

දැන් දහවල් දෙකත් පමණ පසු වී ඇත. දැන් සැරසෙන්නේ අත්තම්මාගේ හිසකෙස් වල ඩයි ගෑමටය .ඔන්න ඉතින් හීන් සීරුවට පැයක් විතර ඩයි ගාන අත්තම්මා ඊළගට සැරසෙන්නේ නාන කාමරයේ බිම ඔපමට්ටම් කිරීමටය .

අත්තම්මා නෑම සදහා සදහා භාවිතා කරන අඩුම කුඩුම කීපයක්ම ඇත .ඒවා තබාගෙන ඇත්තේ ඇය නිදා නිදාගන්නා කාමරයේ ය .

දැන් වේලාව සවස පහයි .ඔන්න ඉතින් අත්තම්මා නෑමට සැරසේ.ගෙදර කවුරුත් බය වෙන්නේ මේ වෙලාවටය .තමන්ට අවශ්‍යතාවයක් තිබ්බත් නැතත් ගෙදර හැමෝම මේ වෙලාවට තම තමන්ගේ ශරීර කෘත්‍යයන් ඉටු කර ගනී .මන්ද අත්තම්මා නාන කාමරයටකාමරයට ගියොත් නැවත පැය ගණනාවකට දොර අරින්නේ නැත .

දැන් නෑම පටන්ගෙන ඇත .කේශාන්තයේ සිට පාදාන්තය දක්වාම පිළිවෙලකට උලා ඔපමට්ටම් කර අහවර වෙනකොට සවස හතත් පසු වන්නේ ය .

ඔන්න දැන් නා අහවරය. දැන් පැමිණ ඇත්තේ පිසින වෙලාවයි.පිසීමටද කලාවක් ඇත.සමට නොදැනෙන සේ බොහොම සීරුවට පිසින අත්තම්මා පැය පහක් භාගයක් පමණ ශරීරය පිසී .අවසානයේ ඕඩිකොලොන් ටිකක් හිසට එක් කර ගැනීමට ද ගැනීමටද අමතක කරන්නේ නම් නැත.

ඔන්න ඉතින් නා අහවර ය.අද දවල්ට අත්තම්මාට කෑමක් නැත .නාන කිසිදු දිනෙක අත්තම්මා දවල්ට කන්නේ නැත .මෙහෙම නෑමක් ගැන නම් කොහේවත් අසා නැත .ඔබද අසා නැතුවා වන්නට ඇත.

ඉතින් මෙය රාජකීය නෑමකි.