අමන්ද :”චේතිය, මචං මට උබේ පරණ කෑල්ලව ඊයේ හම්බ උනානේ.”
චේතිය : “කවුද? ශලින්දි ද?”
චේතියගේ මූනේ පලමුවෙන් මතුවූ විස්මය මොහොතකින් මද සිනාවකට පෙරලෙන ආකාරය අමන්ද නිරීක්ෂණය කලේය.
අමන්ද :” ඔව් ඉතින් මන් දැනුවත්ව අහස්‍යා බදින්න කලින් උබට වෙන කෙල්ලෝ හිටියේ නැනේ.ශලින්දි තමයි.එකී ප්‍රෙග්නන්ට්.මිනිහෙක් ලග හිටියෙත් නෑ.විල්සන්ගේ කඩේ බඩු ගන්න පෝලිමේ හිටියේ.”
“මාව දැක්කම හිනා වෙලා කොහොමද අයියේ කියලා ඇහුවා.මට හිතෙන්නේ බන් එකී සෑහෙන කට්ටක් කනවා.ඔකීට ඔහොම වෙලා මදි උබව අතඇරියට.උබ වගේ කොල්ලෙක් අතඇරලා දැන් ඉන්නේ පත්තිනි අම්මා වගේ..තූ නොදකින්.”
චේතිය : “හ්ම්ම්.ශලින්දි මගේ කලින් කෙල්ල තමයි.අපි තවදුරටත් එකට නෑ තමයි.අපි දෙන්නගේ ගමන් මාර්ග වෙනස් උනා. ශලින්දියි මායි වෙන් උනේ කතා බහ කරලා.ඇත්තටම අපි නොගැලපෙන නිසා.ඒක නිසා මචං එකීට බනින්න එපා.මන් කැමති නෑ කිසිම වැරැද්දක් නැතුව අහිංසක මිනිස්සුන්ට බනිනවාට.”
“මන් ශලින්දි එක්ක යාලූ උනේ ආතල් එකට නෙවෙයි.බදින්න හිතගෙන.ඒත් අපි දෙන්නම ඉස්සරහට යනකොට අපිට අපේ නොගැලපීම් හොදටම තේරුනා.උබ දැන් කියයි ආදරේ නම් නොගැලපීම් ගලපන්න තිබුනානේ කියලා.”
“අපි එහෙම අපේ සම්බන්ධය රැකගන්න හැමදේම කැපකරපු කාලේකුත් තිබුනා.ඒත් අපිටම ටිකෙන් ටික ඒ දේවල් එපා උනා.සමහර බැදීම් අමාරුවෙන් ගලපගෙන ඉස්සරහට ගෙනියනවට වඩා හොදයි ගැලපෙන තැන් වල නවතින එක.ශලින්දි හිටියෙත් මගේ මතේ.මොකද මන් හිතුවෙත් ඒ වෙලාවේ ඒක තමයි අපි දෙන්නා වෙනුවෙන්ම ගන්න පුළුවන් හොදම තීරණය කියලා.”
“අදටත් මගදි හරි දැක්කොත් ශලින්දි මාත් එක්ක හිනා වෙලා කතා කරනවා.ඒ වගේ වෙලාවල් වල අහස්‍යාත් ශලින්දි එක්ක කතා බහ කරලා තියනවා .අපි දෙන්නා කිසිම තරහක් නැතුව වෙන් උනේ.මන් අදටත් එකීට ගරු කරනවා.”
“කාලයක් තිබුනා ශලින්දි මගේ ජීවිතේම උන.එයාගේ සතුට ගැන විතරක්ම හිතපු. හැමදාම එයාව ආදරෙන් බලාගන්නවා කියලා හිතපු.එයාටත් එහෙමයි.ඒත් කාලය අද ඒ දේවල් වෙනස් කරලා.අපි හිතන පතන විදිහටම හැමදේම සිද්ධ වෙන්නේ නෑනේ.”
“අමන්ද , උබ කිව්වේ ශලින්දි තනියෙන් කඩේක දැක්කා කියලා.එයා බැදලා ඉන්නේ ඩොක්ටර් කෙනෙක්.ඉතින් උබට අමුතුවෙන් කියන්න ඔනේ නෑනේ ඒ මනුස්සයා බිසී ඇති.
ශලින්දි මාව බැන්දට වඩා හොදට දැන් සතුටින් ඇති.හරියට මායි අහස්‍යායි සතුටින් ඉන්නවා වගේ.මන් ප්‍රාර්ථනා කරන්නෙත් එයා සතුටින් හොදින් ඉන්න කියලා.”
මේක තමයි අපේ ඉරණම 