ඔන්න මේක සිද්දවුනේදැනට අවුරුදු විසි පහකට විතර කලින් . අපි ඉස්කෝලෙ යන කාලෙ ඒ කියන්නෙ ඒ ලෙවල් ක්ලාස් එකේදි. අපි ට්‍රිප් එකක් යන්නයි ලෑස්තිය. අපිව එක්කගෙන යනව කිව්වෙ සිංහරාජ වනාන්තරය බලන්න. මොකද ඒක අපේ විෂය දැනුමටත් අදාලයි .ඒකාලෙ තිබුනනෙ උද්භිද විද්‍යාව කියල විෂයක්.
මේකට ඉතින් අපේ මුලු ක්ලාස් එකම පුදුම උනන්දුවකින් ලෑස්ති වුනේ.මොකද ඉස්කෝලෙ කාලෙ යන අන්තිම ට්‍රිප් එක් වගේම මේක ට යුනිෆෝම් අඳින්නත් ඕන නැහැ කිව්වා. කැලේ ඇවිදින්නත් බෑනෙ යුනිෆෝම් ඇඳගෙන. දැන් ඉතින් ඕන අටමගලයක් නටාගන්න පුලුවන් ඇයි අපි යුනිෆෝම් නෙමෙයිනෙ ඉස්කෝලෙ නම සවුත්තු වෙන්නෙත් නෑ. අපේ ක්ලාස් ටීච තමයි අපට ඔය විෂය ඉගැන්නුවෙ. මිසුත් ඉතින් අපටම තකට තක.
ඔහොම ගිහින් ට්‍රිප් එක යන දවසත් උදාවුනා. අපි දැන් හරිම ප්‍රීතියෙන් ට්‍රිප් එක යනවා සිංදු කියකිය නටනටා බස් එක දෙවනත් කරමින් සිංහරාජෙට ලඟා වුනා . මේ යන්නෙ ප්‍රසිද්ධ බාලිකා පාසලක හැදිච්ච ගෑනුලමයි නේද ..අනෙ අම්මේ මොකට කියනවද ඒක.
කියන්න සංතෝසයි මිතුරනි මේ ගමනෙ තව යටි අරමුණකුත් තිබුනා. සිංහරාජෙ පැත්තෙ තියනවලු ඔරිජිනල් කිතුල් හකුරු. කොලඹ කොයින්ද ඉතින් ඕවා…හැමෝගෙම් හිතේ කිතුල් හකුරුත් ගේන්න
. සිංහරාජෙ එන්ට්‍රන්ස් එකේම අයිනෙන් කුකුලේගඟ ගලාගෙන යනවා.හරිම ලස්සනයි. එතනම තව පෙට්ටි කඩ දෙකකුත් තිබුනා. ඉතින් ඔන්න කට්ටිය ඉස්සෙල්ලාම කලේ කඩ වලට පැනලා හකුරු තියනවද බලපු එක. කියන්න කනගාටුයි මේ කාලෙට හකුරු නෑ කියල තමයි ඉතින් අහන්න ලැබුනෙ
.
ඊට පස්සෙ සිංහරාජෙට ඇතුල් වුනා කියමුකො. ඒ සැරේ තමයි හොඳ ම සෙල්ලම. මිනින්දෝරුවන්ගෙන් බේරිල්ල්ලක්ම නෑ. අපේ ක්ලාස් එකේ බාගෙට බාගයක් මීට කලින් උන්ව දැකල නෑ.එකෙක් එල්ලෙනකොටම යකෙක් පැන්න වගේ මරහඩ තලාගෙන කැලේ දෙවනත් කරපු එක තමයි ඒගොල්ලො කලේ. හැබැයි ඉතින් අපි සබන් , දුම්කොල ගුලියක් අගට තියල බැඳපු කෝටු එහෙම අරගෙන ගියේ මිනින්දෝරුවො එලවන්න.
කොහොම කොහොම හරි මුලු දවසම කැලේ ගත කරල අර යෝධ පුස් වැල එහෙම බලල විෂය දැනුමත් සෑහෙන්න එකතු කරගෙන කැලෙන් එලියට ආවා කියමුකෝ. ඊලඟට කට්ටිය ගිහින් පැන්නෙ කුකුලේගඟට .කැලේ ඇවිදලා දාඩිය මහන්සිය කොහෙන් ගියාදනෑ. අපි නෑවෙ” අපි බෝම ආසයි ටීච සමගින් දිය බැස පීනන්න..”කියල සිංදුත් කියකිය.
නාලා ඉවර වෙලා ආයෙමෙත් අර තිබුනු කඩේකට ගියපු අපේ එකෙක් කෑගැහුවෙ නැතෑ මේ තියෙන්නෙ හකුරු කියල. හැමෝම දුවගෙන ගියා ඉතින් උදේ නැහැයි කියපු හකුරු දැන් තියෙන්නෙ කොහොමද බලන්න හැබෑ නේන්නම් ෂෝකේස් එකේ තට්ටුවක් පිරෙන්න හකුරු බෑයවල් කියල අර යාලුවා දැන් අපට පෙන්නනවා.
එකපාරටම මුදලාලි කියාපි මේ හකුරු නෙමෙයි “ගල් බනිස්” කියලා. ඊට පස්සෙ ඉතින් අර යාලුවට ඉන්න නෑ හැමෝම නෝන්ඩි කරනව හකුරු යි ගල්බනිසුයි දන්නෙ නෑ කියලා.
හොඳම වැඩේ කියන්නෙ මෙයාට මේ වෙද්දි වෙන අනවර්ථ නමකුත් තිබුනා. ඉතින් හැදුවා එවෙලෙම අලුත් ප්‍රස්තාව පිරුලක් අනවර්ථ නාමය දාලා “………….. හකුරු ගත්තා වගේ ” කියල..
උපුටා ගැනීම: සිතුවිලි මල්