ලිංගිකත්වය ඇසුරේ ඊජිප්තු වාසීන් ලෝකයේ අන් සියළු ජාතීන්ට වඩා වෙනසක් පෙන්වන විශේෂ කරුණක් ඇත. එනම්, ඔවුන්ගේ ආගම්වල ඉතාමත් විවෘතව, දෙවිවරු අතර ලිංගිකත්වය පෙන්වා දීමය. මරණයේ ද්වාරය හරහා අනෙක් ලෝකයට යෑමට ලිංගිකත්වය විශේෂ කාරණයක් විය. එසේම ඊජිප්තියානු දේවාල වල ලිංගිකත්වය ගැන ඇඳ ඇති පින්තුර සහ ප්‍රතිමා වල දරුවන් බිහි කිරීමේ විශේෂ බලයක් ඇති බව පිළිගැනීම විය.
ඒවා ගෞරවයෙන් භක්තියෙන් යුතුව ඇල්ලීම විශේෂ වරප්‍රසාදයක් විය. ඒ හරියට ඉන්දියාවේ ශිව ලිංග වන්දනාව මෙනි.
ලිංගිකත්වය සඳහා විශේෂ දෙවියෙක් වූයේය. දරුවන් ලබා දීමේ ශක්තිය ලැබෙන්නේ ඔහුගෙනි. ඔහුට අයත් දේවාල වල, රාත්‍රී කාලයේ පැමිණෙන යුවළක් එක්වීමෙන් දරුවන් ලබා ගැනීමට විශේෂ ශක්තියක් ඇති වන බව විශ්වාසය විය. කාන්තාවක් ගැබ්බර වී දරුවෙක් ලබා ගැනීමේදී මේ දෙවියන්ගේ ආශිර්වාදය අවශ්‍ය විය. දෙවොලේ පූජකයා විසින් එම දෙවියන්ට අවශ්‍ය පූජා විධි සහ ස්තෝත්‍ර කීමෙන් ආශීර්වාද ලබා දෙන ලදී.
මේවායේ විස්තර සහිත රූප ‘සකාරා’ පිරමීඩ සංකීර්ණයේ දැකිය හැක.ගැබ්බර මාතාවකගේ කුසයේ එම දෙවියන්ගේ රුවක් පච්ච කෙටීම කුසේ සිටින දරුවා ආරක්ෂා කිරීමට උපයෝගී විය. සංගීතය සහ ලිංගිකත්වය අතර සම්බන්දයක් තිබිණු හෙයින්, දරුවෙක් ලැබෙන්න සිටි හෝ බලාපොරොත්තුවෙන් සිටි කාන්තාවක් කාසි වලින් තැනූ මාලයක් කුස වටා පැළඳීම සිරිතක් විය.
නර්තනයද දරුවන් ලබා ගැනීම සඳහා දිරි ගැන්විණ. අද දිනද ඊජිප්තියානු නළඟනන්, බඳ වටා කාසි වලින් තැනුණු මාලයක් පැළඳ සිටිති. ඔවුන්ගේ නර්තනයේදී ඒ කාසි මාලය සෙලවී ඊට ආවේණික ශබ්දයක් ඇති කරයි. ‘රා’ දෙවියන්ගේ දියණිය වූ ‘ෂු’ හෙවත් ‘බස්ටෙට්’, ලිං ගිකත්වය ඇසුරේ විශේෂයක් දරයි. දේවාල වල ගල් පූවරු වල ලිංගික ක්‍රම වල පින්තුර සහ එහි විස්තර ලියා තිබෙන අයුරු අදටත් දැකිය හැකිය.
කලකට පෙර ඊජිප්තුවෙන් පැහැර ගන්නා ලද විශාල පැපිරස් පත්‍රිකාවක නා නා ප්‍රකාර ක්‍රම වල ලිංගික ක්‍රියා ඇඳ තිබේ. අඩි අට හමාරක් දිගැති මේ ඉතා දුර්ලභ පැපිරස් පත්‍රිකාව දැනට ඇත්තේ ප්‍රංශයේ ටියුරින් කෞතුකාගාරයේය. එහි ඇත්තේ කැබලි පමණක් වුවද නවීන පරිඝනක තාක්‍ෂණික උපක්‍රම මගින් මුළු සිතුවම ලබා ගත හැකිව ඇත. එදිනෙදා ජීවිතයේ සිදු කරන ලිංගික ක්‍රියා දොළොස් ආකාරයක් මෙහි ඇඳ තිබීම විශේෂයකි.
ඒ ලිංගික ක්‍රියා පින්තුරවල මහළු මිනිසෙක්ද සිටින හෙයින්, මෙසේ පෙන්වන්නේ ගණිකා නිවාසයක්ද වන්නට ඇත. එදා ගණිකාවට සමාජයේ තිබුනේ ඉහළ ස්ථානයකි. හේතුව පැහැදිළිය. සමාජයට දරුවන් අවශ්‍යය. සමාජය ශක්තිමත් වන්නේ ජනගහනය වැඩි වීමෙනි. ඊජිප්තුවේ විශේෂ චරිතයක් වූ, ‘ක්ලියෝපැට්‍රා’ විවෘතව ලිංගික ක්‍රියා වල යෙදුන බව ඉතිහාසය සාක්ශි දරයි. එක් රාත්‍රියකදී ඇය රාජකීයයන් සිය දෙනෙක් සමඟ එක්වූ බව වාර්ථා ඊජිප්තු ඉතිහාසයේ වාර්තා වේ. එය එකළ සමාජයේ ගෞරවයට හේතුවක් විය.
ඇයට මිනිසුන් ආදරය කලේ රූමත් බව නිසාම නොව, ඇයගේ තිබි අධි ලිංගික ජීවිතය නිසාය. ‘මාර්ක් ඇන්ටනි’ හමුවන්නට පෙර, ඇය මහ දෙවොලක පූජකවරියක්ව සිටි බව කියවේ. ‘ඇසෙට්’ මහ දෙවොලේ ප්‍රධාන පූජකවරියක් වීමට නම්පිරිමින් දහසක් සමඟ සිටිය යුතු බවට නීතියක් තිබි ඇත. ලිංගිකත්වය එකළ සමාජයේ විවෘතව කතා කල දෙයක් විය.ගණිකාවන් ප්‍රසිද්ධියේ රැකියාවේ යෙදුන අතර ගණිකාවන් යයි කීමට ඔවුන් තොල් රතු කිරීම, සිරුරේ පච්ච කොටා ගැනීම සහ ශරීරයටම ඇළුනු දුහුල් ඇඳුම් ඇඳීම කලහ.
පුරාණ ඊජිප්තු සමාජයේ ලිංගික උද්දීපනය ඇතිකරන එක දෙයක් සේ සැලකුවේ කාන්තා කෙස් වැටිය විය. එම සංකල්ප පසු කලෙක ඒබ්‍රහමික සමාජ වලට පැමිණ ඇත සේ සමහර විද්වතුන් උපකල්පනය කරති. තවද සුරා පානය සහ මත් ද්‍රව්‍ය භාවිතයද මේ ඊජිප්තු ලිංගික ක්‍රියාවළියේ අංගයක් විය.
ලිංගිකත්වය යනු ‘ටැබූ’ එකක් හෙවත්, ප්‍රසිද්ධ කල යුතු දෙයක් නොවන බව එකළ යුරෝපයේ වික්ටෝරියන් සමාජයේ වැටහීම වූ හෙයින්, ඊජිප්තුවෙන් ගෙන ආ සමහර ප්‍රතිමා වල ලිංගික අවයව ඉවත් කර ඇත. එසේම වර්තමාන ඊජිප්තුවේද මේ ගැන දරන මතයද ඒ ආකාරයම වේ. එසේ හෙයින් විශේෂ අවසර නොමැතිව, ඊජිප්තු කෞතුකාගාරයේ ලිංගිකත්වය පෙන්වන කොටස බැලීමට නොහැකිය.
ආගමට පැහැදිළිවම ලිංගිකත්වය සම්බන්ද වූයේය. ලෝකය නිර්මාණය වූයේ ලිංගිකත්වය නිසා බව ඒ පැරණි ඊජිප්තියානු ඇදහීම විය. විශේෂයෙන්ම ලෝකය ඇති වූයේ, මහ දෙවියාගේ ‘ස්වයං වින්දනය’ හේතුවෙන් බව පැරණි ඊජිප්තියානු ආගම කියා දේ.
ලිංගිකත්වය තවත් වැදගත් ආගමික සංකල්පයක් වන්නේ, ‘හෝරස් සහ සෙත්’ යන දෙවිවරුන්ගේ වෘතාන්තයයි. ඔවුන් දෙදෙනා සෑම විටම සටන් කරන්නේ, ‘ඔසිරිස්’ දෙවියන්ගෙන් පසුව රාජධානිය අයත් කර ගැන්මටයි. දිනක් සටන් කල හෝරස් සහ සෙත් දෙදෙනාම විඩාවට පත් වූහ.
සෙත්ට හෝරස්ව ලැජ්ජාවට පත් කිරීමට අවශ්‍ය වූයේ, ස්ත්‍රී ක්‍රියාවට හෝරස්ව නම්මා ගැනීමට බලයෙන් උත්සාහ කලේ අනෙක් දෙවියන්ගේද උදව්වෙනි. එහෙත් සෙත් ගේ මේ අභිප්‍රාය දුටු ‘අයිසිස්’ දෙවියන්, සෙත්ගේ බීජානු හෝරස්ගේ සිරුරේ ස්පර්ශ වන්නට ඉඩ හැරියේය. ඒ අනුව හෝරස් ජයග්‍රහණය කළේය.
ලිංගික ක්‍රියා සඳහා සතුන්ද ප්‍රයෝජනය ගත් බව ඊජිප්තු ඉතිහාසයේ දැක්වේ. ඊජිප්තු තරුණයන් ඔවුන්ගේ පුරුෂ ශක්තිය පෙන්වීම සඳහා කිබුළන් යොදාගත් බව සදහන් වේ.
එමෙන්ම අනවශ්‍ය දරු උපත් ඇතිවීම් වළක්වා ගන්නට ඔවුන් යම් යම් උපක්‍රම භාවිතා කලහ. එයින් එකක් වූයේ බැටළුවන්ගේ බඩවැල් පිරිමි අවයව ආවරණය වන සේ භාවිතය විය. තවද ‘ඇකේසියා’ ශාඛයේ ගම් ද මේ සඳහා භාවිතා විය. එයින් පිරිමි බීජානු අඩපණ වේ යයි ඔවුන් සොයා ගත්හ.
මේ සියල්ල සළකා බලන විට ‘ලිංගික ක්‍රියාවලිය’ මේ තරම් උද්දීපනය කල හේතුව සමාජයට අවශ්‍ය දරුවන් බිහි කිරීම වන්නට ඇත. එසේ හෙයින් පුරාණ ඊජිප්තු සමාජයේ දේවත්වයේ හරය වූයේ ලිංගික ක්‍රියාවළිය විය.
සුන්නත් කිරීම ඒ පැරණි ඊජිප්තු සමාජයේ මිනිසුන් පිළිකුල් කලහ. දෙවියන් මැවූ දේ වෙනස් කල යුතු නැත යන්න ඔවුන්ගේ පිළිගැනීම විය. එකළ යුදෙව්වන් ගේ පිරිස ඉතා අඩු වූ නිසා ඒ සිරිත එකළ ඊජිප්තියානුවන් වැළඳ ගත්තේ නැත.
මිනිසාගේ පාරිශුද්ධත්වය සඳහා දෙවොලේ පූජකවරියක් සමඟ එක්විය යුතු විය. එවිට ඔහුගේ පව් සියල්ල සේදී යන බව ඇදහීම විය. නමුත් එය දෙවොල තුල තහනම් වූ බව කියවේ. ඔවුන්ගේ ඇදහීම අනුව එම පූජකවරිය ඔහුගේ ආත්මීය මව වන අතර, ඔහුගේ මරණයේදී ඇය ඔහුගේ ආත්මය දෙව් ලොව වෙත මරණයේ ද්වාරය ඔස්සේ ගෙන ගොස් නැවත උත්පත්තිය ලබා දේ.
පැරණි ඊජිප්තු ආගම මිනිසාට ආගමික අවබෝධය, ආදරය, ලිංගිකත්වය සහ සතුට ගෙන දුන් ආගමක් විය. එය හුදෙක් ගැහැණිය නිවසට කොටු කර, දරුවන් තැනීමේ යන්ත්‍රයක් කලේ නැත. මිනිසාට සතුට ලබා ගත හැකි සංගීතය නර්තනය වැනි දෑ අද ඇති සමහර ඒබ්‍රහමික ආගම් වල මෙන් තහනමක් තිබුනේ නැත. පූජකයන් මෙන්ම පාරාවෝ රජ වරුන් ඒවා වැඩි වැඩියෙන් කිරීමට දිරි දුන්හ.
කිසියම් සමාජයක ප්‍රගමනය සඳහා එහි ස්ත්‍රී පුරුෂ දෙපාර්ශවයේම ස්වභාවික ආශාවල් වලට තැනක් දිය යුතුය යන්න ඔවුන් විශ්වස කල අතර ඒ නිසා පුරාණ ඊජිප්තුවේ ජීවිතය විනෝදකාමී වන්නට ඇත.ඒ අවශ්‍යතාවයන් හරියාකාරව හඳුනා ගැනීම නිසාම ඊජිප්තුවේ දියුණුව ඇතිවූවා වෙන්නත් ඇත.
උපුටා ගැනීම: රාම් වණා