මේ තමයි මුහුණේ ලස්සන ගැන හිතන්න හොඳම කාලය. මොකද මේ කාලය අපේ සමට එච්චර හොඳ කාලයක් නෙවෙයි. ගොඩක් රටවල්වල වායු දූෂණය වැඩි වෙමින් පවතිනවා. වාහනවලින් වගේම කර්මාන්තශාලාවලින් පිටවෙන අහිතකර දුමාරය සමට ගොඩක් හානියක් කරනවා. පාරජම්බුල කිරණවලින් සම ආරක්ෂා කරගන්න අපි සන්ස්ක්‍රීන් භාවිතා කරනවා. ඒ වගේම සැකසූ ආහාර ගැනීමෙනුත් අපි ගොඩක් පරිස්සම් වෙනවා. ඒ විතරක් මදි. ඔයාගෙ මුහුණ ගැන දැන් ඔයා වෙනදාටත් වඩා හිතන්න ඕන. සම පිරිසිදු කරගන්න අපට මොනවද කරන්න පුලුවන්. ඒ ගන තමයි අද අපි ඔයාට කියලා දෙන්න හිතුවේ.
අහිතකර කුණු දූවිලිවලින් මුහුණ පිරිසිදු කරගන්න හොඳම ක්‍රමය තමයි මුහුණට හිමාලය ඇල්ලීම කියන්නෙ. මුහුණේ සමට සතියකට වරක් හුමාලය ඇල්ල්‍ය්වොත් ඔයාට හිතාගන්නවත් බැරිතරම් වාසි ගොඩක් ලබාගන්න පුලුවන් කියලා ඔයා දැනගෙන හිටියද? ඒ ගැන විස්තර ඇතුව දැනගන්න ලිපිය කියවලාම බලන්නකෝ.
01. මුහුණේ සිදුරුවල රැඳුණු කුණුදූවිලි වගේ අපිරිසිදු දේවල් ඉවත් කරලා සම පිරිසිදු කරනවා.
මුහුණට හුමාලය අල්ලනකොට හුමාලයේ තියන ජල වාෂ්පයේ උණුසුම මගින් ඔයාගෙ සමේ සිදුරු ලිහිල් කරනවා. සිදුරු විවර වන විට, ඒවා තුළ එකතු වුණු කුණුදූවිලි ඉවත් වෙනවා.
ගොඩක් වෙලාවට මේ කුණු දූවිලි අපි අවට වාතයේ පාවෙමින් තියනවා. ඔයා ජීවත් වෙන නගරයේ තියන වාතයේ ගුණාත්මකභාවය ගැන හිතලා බලන්න. ඔයා දිනපතා පාවිච්චි කරන මොයිස්චරයිසර්, මේකප් හා සන්ස්ක්‍රීන් ගැනත් හිතලා බලන්න. ඒ වගේම අපේ සමේ සෙබම් කියන අත්‍යවශ්‍ය තෙල් වර්ගය තියනවා. සෙබම් කියන්නෙ අපේ සමට අත්‍යවශ්‍යම දෙයක්. එමගින් අපේ සමට තෙතමනය ලබා දී සම ආරක්ෂා කරනවා. කොහොම වුණත් සමේ සෙබම් ප්‍රමාණය ඕනෑවට වඩා වැඩි වුණොත් කුරුලෑ ඇතිවෙනවා.
ඔයාගෙ සමට හුමාලය ඇල්ලීමෙන් සමේ තියන වැඩිපුර සෙබම් ඉවත් කරගන්න පුලුවන්. එමගින් මුහුණේ සිදුරු නිදහස් කරලා ඔයාගෙ මුහුණ පිරිසිදු හා දිලෙසන බවට පත් කරනවා.
02. මුහුණේ තියන කුරුලෑ ඇති කරන බැක්ටීරියා හා මැරුණු සෛල ඉවත් කරනවා.
සම කියන්නෙ අපේ ශරීරයේ විශාලතම ඉන්ද්‍රියයි. ඔයාගෙ ශරීරයේ අනෙක් කොටස් වගේම, සමත් හැමවිටම පුනර්ජනනය වෙනවා. සමේ තියන හිතකර බැක්ටීරියා මගින් සම ආරක්ෂා කරනවා. ඒත් ඒ බැක්ටීරියා මිය ගියාම සමේ තියන සිදුරු අවහිර වෙනවා. එමගින් සමට හොවින් ඔක්සිජන් ලබාගන්න තියන ඉඩ අඩු වෙනවා.
හුමලය ඇල්ලීමෙන් සමේ සිදුරුවල හිරවුණු මියගිය බැක්ටීරියා ඉවත් කරනවා. ඒ වගේම මැරුණු සම ඉවත් කරලා ඔයාගෙ මුහුණට වඩාත් දීප්තිමත් පෙනුමක් ලබා දෙනවා.
03. මුහුණට වැඩිපුර ඔක්සිජන් ලබාගන්න උදව් වෙනවා.
රොසැසියා වගේ අසාත්මිකතාවන්ගෙන් පෙළෙන අය හුමාලය ඇල්ලීමෙන් වළකින්න. හොඳ දෙයක් වුණත් ඕනෑවට වඩා කරනකොට නිසා සම රතු පැහැයට හැරෙන අතර ආසාත්මිකතා ඇති වෙන්නත් ඉඩ තියනවා.
මුහුණට හුමාලය ඇල්ලීමෙන් රුධිර වාහිනී විස්තාරණය වීම නිසා මුහුණට ඔක්සිජන් ලබාගන්න පහසු කරනවා. ඔයාගෙ මුහුණත් හුමාලය ඇල්ලුවාට පස්සේ රතු පාට වෙනවා නම් සතුටු වෙන්න! ඒකෙන් කියන්නෙ ඔයාගෙ මුහුණට හොඳින් ඔක්සිජන් ලැබෙන බවයි.
04. සමේ රැළි ඇතිවීම ප්‍රමාද කරනවා.
සම රැළි වැටීම කියන්නෙ අපේ කාන්තාවන්ට තියන ලොකුම ප්‍රශ්නයක්. සම රැළි වීම සුව කිරීමට හොඳම අමුද්‍රව්‍ය දෙකක් තමයි කොලැජන් හා ඉලාස්ටින්. ජෙලි හා ආසියානු කෑම හෝ ඒගාර්වල කොලැජන් අඩංගු වෙනවා. ඔයා කොලජන් ආහාරයට ගන්නේ නැත්නම් ඒ වෙනුවට හොඳම විකල්පය තමයි හුමාලය ඇල්ලීම. මුහුණට හුමාලය ඇල්ලීමෙන් රුධිර සංසරණය වේගවත් වෙනවා. එමගින් සමේ කොලැජන් හා ඉලාස්ටින් නිෂ්පාදනය ඉහළ නංවලා අමේ ඇදෙන ගතිය වැඩි කරනවා. එවිට සමේ රැළි ඇතිවීම පරක්කු වෙනවා.
05. සම ස්වභාවිකව සජලනය කරනවා.
සම මගින් සෙබන් හා තෙල් මුදා හරින්නේ සමට තෙතමනයක් ලබාදෙන්නයි. එමගින් සමේ සජලිකරණ මට්ටම ඉහළ නංවන ස්වභාවික තෙල් නිපදවීමට ශරීරයට බල කෙරෙනවා. ඒ වගේම හුමාලය ඇල්ලීමෙන් තෙතමනය සම හරහා යාමට ඉඩ සලසනවා.
06. සම ආරක්ෂණ නිෂ්පාදන වඩා හොඳින් සමට අවශෝෂණය වෙනවා.
හුමාලය ඇල්ලීම කියන්නෙ සමට කරන්න පුලුවන් හොඳම සත්කාරය නෙවෙයි. ඒත් ඔයාගෙ සම ආරක්ෂා කිරීමට ගොඩක් වදගත් ක්‍රමයක්. හුමාලය ඇල්ලීමේ ලොකුම වාසිය තමයි ඔයා මුහුණට ආලේප කරන ක්‍රීම්, ලෝෂන් හා ක්ලෙන්සර් වලින් වැඩි ප්‍රමාණයක් සමට අවශෝෂණය කරගන්න උදව් වෙන එක.
මේ වාසිය ලැබෙන්නේ හුමාලය ඇල්ලූ විට සමේ රුධිර සංසරණය හා ඔක්සිජන් ගැලීම වැඩි දියුණු වෙන නිසයි. සමේ සිදුරු නිදහස් වුණාම ඒවාට වැඩි ප්‍රමාණයක් අවශෝෂණය කරගන්න ඉඩ ලැබෙනවා. එමගින් සමට ආලේප කරන නිෂ්පාදනවලින් වඩා හොඳ ප්‍රතිඵලයක් ලබාගන්න පුලුවන්. ඒ වගේම සම හොඳින් මොයිස්චරයිසින් වෙන නිසා, ඔයා සමට සීරම් ආලේප කරනවිට ඒවාගෙනුත් හොඳම ප්‍රතිඵලය ලැබෙනවා.
උපුටා ගැනීම: adobae