එදා දෙසැම්බර් 25.අපේ නැන්දා ලගෙ ගෙදර නත්‍තල් පාටිය.ඉතිම් එයයි එයාගේ යාලුවෙකුයි එනවා කිව්ව පාටි එකට.
ඉතින් කෙල්ලෙක් උනාම දන්නවනේ මං ඉතින් උදේ ඉඳන් ලෑස්ති වෙනවා ඒකට.අයි බ්‍රෝ හදනවා කියුටෙක්ස් ගානවා ඒ වගේ වැඩ තමයි.අපි දෙන්න යාලු වෙලා එතකොට මාස තුනක්.
ඉතින් මේකයි උනේ.එයා එන නිසා ටිකක් වෙනදාට වඩා සුදට ඉන්න ඕනනේ කියලා හිතලා මං අපේ ගේ පිටි පස්සට ගිහින් කන්නාඩියකුත් බිත්තියේ එල්ලලා ඉතින් කහ ගාන්න ගත්තා.(කහගන්න නෙවෙයි කහ ගා ගන්න හොදේ)ඉතින් දැන් මූන පුරා බෙල්ලේ කහ ගාලා හොඳටම උලනවා.
ඉතින් අපේ ගෙදර ට අල්ලපු ගෙදර ත් එක ලගමයි තියෙන්නේ.අපේ ගේ පිටිපස්සයි ඒ ගේ පිටිපස්සයි එකට පේනවා.එහා ගෙදර උඩ තට්ටුව බාගෙට ස්ලැබ් එක විතරයි එතකොට.
හරි දැන් තමයි කතාව.ඉතින් මං කහ ගානකොට මට ඇහුණා අම්මෝ කියලා කෑ ගහනවා කවුරු හරි.මං අයෙත් අහන් හිටියා සද්දයක් නෑ.ඔන්න ටිකකින් අයේ ඇහුණා බුදු අම්මෝ කියලා එහා ගෙදර නැන්දා කෑ ගහනවා .
මං ඉතින් දිව්වා ගේ පිටිපස්සෙන්ම එහා ගෙදරට.යනකොට ඒ ගෙදර නංගි ස්ලැබ් එකෙන් බිමට වැටිලා සිහි නැතිවෙලා.ඒ නැන්දා කෑ ගහනවා බුදු අම්මෝ මොකද උනේ.දැන් වැඩක් නෑ.දැන් වැඩක් නෑ කිය කිය.නැන්දා හිතන්නේ නංගි මැරිලා කියල.මං ගිහින් නංගි ව උස්සන්න හදනවා.ඒ නැන්දා උස්සන්න දෙන්නෙත් නෑ කෑ ගහනවා වැඩක් නෑ වැඩක් නෑ කිය කිය.මටත් හිතුනා මැරිලා ද කියලත්
කොහොම හරි කියලා මායි නැන්දා යි එයාව උස්සගෙන ගේ ඉස්සරහට අරන් එනකොට ගමේ අය 6ක් 7ක් ඇවිත් කෑ ගැහිල්ල ඇහිලා.
කොහොම හරි කාමරේට අරන් ඇවිත් ඇදෙන් තිබ්බා.එතකොට නම් මුලු ගේම පිරෙන්න කට්ටිය ඇවිත්.
ඉතින් හොඳම දේ තමයි මං ගමක් ඉස්සරහම ඉන්නේ කහ තලි පිටින් මූනෙ ගාගෙන හොල්මනක් වගේ.මිනිස්සු ලෙඩා බලනවට වඩා මගේ දිහා බලන් ඉන්නවා බය වෙලා.පස්සේ තමයි මටත් මීටර් උනේ.දිව්වා ඉතින් පස්ස නොබලා මොනවා කරන්නද.
කහ ගාලා අන්තිමට ගමක් ඉස්සරහම නා ගත්තා .
උපුටා ගැනීම: Sandini Liyanage