අකාලයේ ජීවන රඟමඬලෙන් සමු ගත් ග්‍රැන්විල් රොද්‍රිගු රංගධරයා

Share With Friends

Facebook
WhatsApp
Telegram
LinkedIn
Email

1958 දී උපත ලබන ග්‍රැන්විල් රොඩ්රිගෝ මහතා මොඩෙරා හි ඩි ලා සැලේ විද්‍යාලයේ සහ කොළඹ ශාන්ත බෙනඩික්ට් විද්‍යාලයේ අධ්‍යාපනය ලබනවා.  මහාසාර වේදිකා නාට්‍යයෙන් රංගන දිවිය අරඹන ඔහු මනමේ, සිංහබාහු, සයිමන් නවගත්තගමයන්ගේ  සුභ සහ යස , ධර්මසිරි බණ්ඩාරනායකයන්ගේ ඒකාධිපති, විජිත ගුණරත්නයන් ගේ ශාක්‍ය වැනි නිර්මාණ රැසක් සඳහා සිය රංගන දායකත්වය ලබා දුන්නා. මීට අමතරව සිනමා කෘතීන් ගණනාවකත් , ඇතැම් විටක ටෙලි කතා  හරහාත් ප්‍රේක්ෂක හදවත් දිනා ගැනීමට ඔහු සමත් වෙනවා.

ඉතා කෙටි කලක් තුලදීම  ප්‍රවීණ කලා අධ්‍යක්ෂවරයෙක් බවට පත් වන රොද්‍රිගෝ කළාකරුවා 1985 දී ජනාධිපති චිත්‍රපට සම්මාන උළෙලේදී ත්  1986 දී සරසවි සම්මාන උළෙලේදී ත්, වසරේ හොඳම කලා  අධ්‍යක්ෂවරයා ලෙස සම්මානනයට පාත්‍ර උණා. එවකට ගුවන් විදුලියේ ඉතා ජනප්‍රිය වූ “කොටා දමන්නා” ගීය ඔහුගේ ගායන ප්‍රතිභාව හොඳින්ම  විදිහා දක්වන නිර්මාණයක් උණා. හ කළා ක්ෂේත්‍රයේ සිටින  ප්‍රවීණයන් රැසකට නාට්‍ය රංග කළා සහ හඬ පාලනය පිලිබඳ ගුරුහරුකම් ලබා දුන්නා.

granvil rodrigo

1999 දී වයස අවුරුදු 40 ක් වන විට ජනප්‍රියත්වයේ හිනි පෙත්තටම නැග සිටි රොඩ්‍රිගු කළාකරුවාණන් ඔහු තුළ වූ බහුවිධ දක්ෂතාවන් නිසා වගේම, නිහතමානී බවත්, නිතරම සිනා මුසු මුහුණින් කටයුතු කල ඉතා ප්‍රසන්න කළාකරුවෙකු ලෙසත් ක්ෂේත්‍රයේ ආදරයට සහ ගෞරවයට පාත්‍ර වී සිටියා.

1999 ජනවාරි මස 11 වැනිදා තම පුත්‍රයින් ආනන්ද විදුහලේ  පිහිණීමේ පන්තියට ඇරලවා තවත් කළාකරුවන් කිහිපදෙනෙකු සමඟ උත්සවයකට යන අතරතුර දී අනතුරට ලක් වන ඔහු බරපතල ලෙස තුවාල ලබනවා. අවාසනාවන්ත ලෙස, අනතුර සිදුවී පැය 3 ක් පමණ යනතුරුම ඔහුව   රෝහල්ගත කිරීමට හැකි වී නැහැ.  රෝහල තුලදීත්  ප්‍රතිකාරලැබීම ප්‍රමාද වී ඇති බව සඳහන් වනවා. රේඩියේටරයෙන් නිකුත් වූ රත් වූ ජලය නිසා පාදය අසළ සම දැඩි ලෙස පිළිස්සී ඇති වූ තුවාලය හරහා ඇතුල් වූ විෂබීජයක් අසාධනය වීම නිසා 1999 ජනවාරි මස 14 වනදා සදහටම මෙලොව හැර යනවා.

යුගයක් බබළවා ජීවිත රගමඩලට සමුදුන් ග්‍රන්විල් රොඩ්‍රිගු කලාකරුවානන් අපට අහිමි වී දැනට වසර 20ක්. මේ සටහන එළැඹෙන සැප්තැම්බර් 22 වැනිදාට යෙදෙන රොඩ්රිගෝ කෘතහස්ත කළාකරුවාණන්  ගේ ජන්ම අනුස්මරණය ට උපහාර පිණිසයි.

 

Read More Like This

PHP Code Snippets Powered By : XYZScripts.com
error: Content is protected !!