මන් හරිම අහිංසක කෙල්ලනෙ ඉතින් එදා ඉදම්ම. ඔන්න ඔය කියන කාලෙ මගෙ හිතේ සත්ත්ව කරුණාව කලුගග දිගේ මූදට බැහලා ගිය කාලයක්.
මේකයි කතාව. අපේ ගෙවල් ලග මාමෙක්ට හරක් පට්ටියක් හිටියා. ඕකෙ හිටපු වැස්සියකට පැටියෙක් හම්බවෙන්න ඉදල එක රෑක ඒකිට අමාරු උනා. ඉතින් ඒ මාමා අපේ ගෙදරට ඇවිත් අප්පච්චිටත් කතා කරගෙන එක්කන් ගියා. අප්පච්චි යන්නෙ මොන තූත්තුකුඩියකද මංතුමීටත් ඉතින් පස්සෙන් යන්නම ඕනා. අප්පච්චිත් මාව හලලා යන ගමනකුත් නෑ.. ඒත් එදා නම් මට නෝ චාන්ස්. මොන කුන්ඩවාලියක්ද දන්නෙ නෑ මට ඉන්නම කීවා. අම්මා නම් කීවේ වැස්සිට පැටියක් ගේන්න හන්දියට යනවා කියලා. ඔය ගෙදර උන් ඔහොම්මමයි ඔයිට කලිනුත් රත්තිට පැටියෙක් ගේන්න ටවුමට ගියා..ඒත් ගෙදර ගෑනිට පැටෙයෙක් ගේන්න මහ ඉස්පිරිතාලෙට යනවා. ඒත් එදා මහා ඉස්පිරිතාලේට අප්පච්චිව එක්කන් ගියෙ නෑ මාමා විතරයි ගියෙ.. අද මොකටද අප්පච්චි යන්නෙ.. අනික ඔය ගෙදර එවුන් කොහොමද ඔච්චරටම පැටව් ගේන්නෙ..මට දැන් ප්‍රශ්න හැට තුනයි. මොන ප්‍රශ්නෙ තිබ්බත් මට යන්න අවසර ලැබුනෙ නෑ. ඉතින් පහුවදා උදේම වැස්සිව බලන්න තණකොලත් අරන් යනවා කියලා මන් හිතාගත්තා.
අපෙ අම්මා නැන්දට මල්ලි හම්බ්නු වෙලාවෙත් උයාගෙන ගියා. ඉතින් මාත් වැස්සිට තණකොළ අරන් යන්න හිතාගත්තා. පහුවදා උදේම පාන්දර නමයට දහයට ඇහරලා තණකොළ කපන්න ගියා.. මන් දැකලා තියනවා මාමා තණකොළ කපන්නෙ දැකැත්තකින්. ඉතින් මුලු ගෙදරම එහෙම අයිටම් එකක් හෙව්වට හම්බ උනේ නෑ. ඊට ටිකක් හරි ලගින් යන එකකට හම්බ උනේ වීසි කැත්ත. ඔකත් අරන් හරක් බැදලා ඉන්න වත්තට ගියා. වත්ත තිබ්බෙ වැවකට ටිකක් මෙහායින්. හූවයි බල්ටි දෙකේ දුර. හරක් ලගට ගිහින් උතුරා මෝරා නැගීගෙන එන සත්ත්ව කරුණාව මුදුන්පත් කරගෙන දෑතේ වීර්යෙන් වීසි කැත්ත කිසි කිසි ගාලා දෙපැත්තට වැනුවා.. වීසි කැත්තත් ආයෙ බඹර චක්කරේකට හුනියමක් බැදලා වගේ කැරකුනා…කැරකුනු කැරකිල්ලට වීසි කැත්ත හොයාගන්න තියා ඒ පැත්ත බලන්න උනේ නෑ….. දෙයයනේ මෙන්න වස්සෙක්….!!!
නයාට අදුකොළ සුප් පොවලා නාලාගිරියට රා කල එක්සිය හැත්තාවක් පොවලා උන් දෙන්නම එකතු වෙලා මේ වස්සට බලහත්කාරකන් කරලා වගේ සයිස් එකකින් මු මට පිබිනවා දැන්… මේකගෙ හොම්බෙ සෙම තලියයි.. හුහ්!!! හුහ්!! හුහ්!!! ගගා එනවා දැන් සොහොන් කාලිට කසිප්පු පොවලා වගේ..කොරන්න තියෙන සියලු නමස්කාර කකුල් දෙකට කොරලා පත්තිනි මෑනියන්ගෙ පිහිටයි කියලා දාලා තිබුනු පංචායුදෙත් හපාගෙනම දිව්වා දිවිල්ලක් හුසේන්බෝල්ට සුසන්තිකා වැහුනත් ඒ දිවිල්ල නම් ගන්නවා බොරු…
වස්සත් දැන් ලග ලගම එනවා..මාත් දුවගෙන දුවගෙන යනවා.. වස්සා පිබගෙන පිබගෙන එනවා… නවතින්නැ මාත් දුවගෙන දුවගෙන යනවා…… දැන් ඒ පසුපසම වස් රාජයානන් ගමන් කරනවා… ඔව්ව් දැන් වස්සා මදක් ලං වෙනවා…. ආයෙත් වස්සා මදක් ඇතට යනවා……වස්සා ලං වෙනවා… වස්සා ඈතට යනවා…ලංවෙනාවා… ඈතට යනවා…අතිශය උමන්දානන්ද අවස්තස්වක් ප්‍රිය ක්‍රීඩා ලෝල ලෝලිනී… තරග කරුවන් එකා පිටුපස එකා නිදැල්ලේ ගමන් කරන බවක් පෙනී යනවා….ධාවනය පතය පැහැදිලියි…..ඉදිරෙයන්ම ගමන් කරන්නෙ මංතුමී….දැන් වස්සා නැවතත් ලං වෙනවා… නෑ… මංතුමී ඉදිරියට ඇදීයනවා.. වස්සා තවමත් උත්සාහය අතැර නැති බවක් පෙනී යනවා….. වස්සාට හොද තරගයක් දෙමින් මංතුමී ඉදිරුයෙන්ම ගමන් කරනවා….. සියලු ගංගා පරදවමින් මංතුමේගේ කකුල් පල්ලෙන් මහවැලි ගගක් පිටාර ගලනවා….නෑ මංතුමී සැලෙන්නෑ…..තරගය ඉතාමත් තීරණාත්මකයි පින්වතුනී…සුළු දිය උනත් ඒ ලැබුනු දියෙන් නැවත ජීවයක් ලබාගන්නා මංතුමී තවමත් ඉදිරියෙන් ගමන් කරනවා…… මංතීරුව අපැහැදිලි වී ගෙන එන බවක් පේනවා…නමුත් වස්සා තවමත් උනුසුම් තරගයක් ලබාදෙනවා.. ඔව්ව්ව් මේ දැන්.. වස්සා ලගටම එනවා පිංවතුනී…….වස්සා එනවා…. මේකා එනවා පිංවතුනී…. වස්සා එනවා…..නොදෙවෙනි තරගයක් ලබාදෙමින් මංතුමී තාමත් ඉදිරියෙන් ගමන් කරනවා…… අවාසනාවකි………ධාවන පතය අපැහැදිලියි..ගුණරත්බන්ඩා මාමා තැපැල් නයින්ටියෙන් කක්ෂ ගත වෙමින් ඉදිරියට ඇදී එන බවක් පේනවා……ඕ මයි ගොඩ්…ගෝඩ් නොට් බෑඩ්…. ඔව්ව්ව්ව් දැන්න්…..නැවතත් ධාවන පතය පැහැදිලියි මා ප්‍රිය ක්‍රීඩා ලෝලිනී……වස්සා දුටු ගුණරත්බන්ඩා තැපැල් නයින්ටිය කරට ගනිමින් ධාවන පතයෙන් වාස්ප වී යන අයුරු පෙනි නොපෙනී යනවා.. මේ සියල්ල අතරතුර වස්සා සමග මංතුමී උරෙන් උර ගැටමින් තරග වදිනවා….
තවත් නම් දරාගන්ට බෑ පිංවතුනී…මිනි මිනි තරු කැට ග්‍රහලෝකවටේ කැරකෙනවා.. ජයාග්‍රාහි විජයග්‍රාහි ඒ මොහොත උද උනා….වස්සා වැරෙන් පහරක් එල්ල කිරීමටයි සූදානම…. ඕඕඕඕ සැක්…. වයිඩ් ප්‍රහාරයක්.. වස්සාගෙ උත්සාහය අසාර්ථකයි …නැවතත් වස්සා සූදානමින්..වස්සාට මුරලි ආවේස වී ඇති බවක් දැකගන්නට ලැබෙනවා…. ඔව්ව් දැන්…. නැවතත් වස්සා ධාවන පතයේ සූදානමින්……නැවතත් ප්‍රහාරයක් වස්සාගෙන්…..ඕ මයි ගෝඩ්….උත්සාහය අසාර්ථකයි…..
ලද අවස්තාවෙන් මංතුමී ආකාස ගත උනා… වැ කන්දෙ ඉදලම වැවට පතබෑ උනා.. මොහොතකට අමතක උනා වැවට බහින්න පඩිපේලි තියනවා කියලා.. මතක් වෙද්දි පැත්තක්ම පොල්ලෙලි ගහලා වගේ… රතුම රතුපාටයි දකින්ත් ලස්සනයි.. උඩ පන්දුවක් රැක ගත්තේ ලූල්ලුන් විසින්. මංතුමී දැවී අලුවී තුරන් වී ගියා… නැවතත් රත්වීගෙන සුලුදිය ගංගාවයි…ගොඩ එනකොට සාරිගප්පි කටෙන් එකයි..
කොහොමහරි…කියන්නත් ජුගුප්සා ජනකයි පින්වතුනි වීසි කැත්ත උසී කපුටො උසී කියලා ගිහින් වැදිලා තියෙන්නේ වස්සගෙ මෙව්වා එකේ…!!!
ලෙලිගිය තුවාලෙ වතුරෙ ඔබාගෙන ඉද්දි දිව්‍යලෝක සැප බාල්දියෙන් එකයි…ඒ අස්සෙ මට තේරෙනවා තෙප්පිලි පැටව්ට කකුල වෙන්දේසි කරනවා කියලා….අන්තිමට විනාඩි 20ක් විතර වැවේම හිටියා.. පීනගන්න පුළුවන් නිසා පාවි පාවි හිටිය. වස්සා නම් පස්සා නොබලම දිව්වා. කතාවට කීවට එච්චර දුරක් එන්න උනේ නැ මන් වැවට පැන්නා.