ගෙදර බල්ලා – “ආං අර පස්පාඩගං හෝන්තුව එනවා, චෝරුවක් වගේ මිරිකලා අනපු බතුයි ,කරෝල හොඳියි හාල් මැස්සො ඔලුයි චප්පයක් අරන්… යකෝ බල්ලෙක්ට කන්න පුලුවන්ද ඒ නිවිති තලපෙ වගේ එක, ඊයේ රෑට සැම ටින් එකේ වතුරයි දංකුඩයි අර ගෙදර නෑම්බි හදාපු පොලොස් සොසෙජස් ටිකයි…මුන්ට මොක නැතත් සැල්පි ගහන්න නං පුලුවන් රෙද්ද…”
වෙන බල්ලෙක් – “හැපූ අදත් අර බලු කපුටු දාන දෙන උන්දෑ එනවා යකෝ මුන්ගේ අපල වලට අපි ගලින්ඩ ඕන පාන්තිර අස්සට දාපු බතුයි කිරි බතුයි, පහුවදාට රෙන්න ගියාම පුකේ පාන්තිර… බල්ලන්ට කපුටන්ට එලගිතෙල් කැටි ගිල්ලවන ඕකුන්ගේ අපල දුරුවෙන්න නෙමේ සෞරග්‍රහ මන්ඩලේම ඔලුව උඩට පතබෑවෙන්න ඕන…”
ගෙදර පූසා අල්ලපු ගෙදර පූසා එක්ක කයියක්
ගෙදර පූසා –
“මචං අපේ ලොක්කි සැමන් ටින් එකක් ගේනව උඹට කියන්න ටින් එකේ වතුර එක්ක අන අනා තුන් දවසක් දෙනවා… සැමන් හූන් බෙට්ටක් විතර දාලා බත් දෙනවා සුමාන පහක්… ඊලඟ ඉවර උනාම ටින් එක හෝදලා දෙනවා වේල් තුනක්… “
අල්ලපු ගෙදර පූසා –
“ඔව්ව මොනාද භොක්ක අපේ ලොක්කි ඔයිට හපං මං මේ ලඟදි මීයෙක් ඇල්ලුවා ඉඳලා ඉඳලා ෆ්‍රෙශ් මීට් පාරක් දාන්න බැරි උන නිසා. ටෞකණ්ඩ මේකි , කොස්සක් කැඩෙනකන් මට පතබාලා මීයා බේරුවා… ඌ මැරිලා බං අන්තිමේ මටත් නෑ , ඒ ගෑණිටත් නෑ , මීයටත් නෑ….. මං දැක්කා ඌව ඔතලා වලදාලා මල් පෙතිත් ඉහිනවා… උබට කියන්න ආතල්ම සීන් එක එදා රෑ මේ පරට්ටි ඌරු මස් සංසදේ පෝස්ට් එකල් දාලා අහනවා ඌරෙක්ගේ බොක්ක උයලා කන්න පුලුවන් ද පුලුවන් නං රෙසිපි එවන්න කියලා…”
කුරුල්ලො සහ ලේන්නු –
“තොපි දිරච්චි කණුවකුයි ලෑල්ලකුයි අටවලා කුරුලු ලෑල්ල කියලා නමක් දාං මහ ලොකුවට පෙරේදා රෑට උයපු බතුයි , කුණු වෙච්ච ගස්ලබුයි, අමතක වෙලා ෆ්‍රිජ් එකේ දාන්න බැරි උන යෝගටුයි, පරු රහ අඹයි මේකේ දාලා මහා පිනක් කොර ගත්තා කියලද හිතන්නේ… කොටියම කන්න ඕන තොපි … අපි කුණු පලතුරු පිළුණු බත් කාපු උන් නෙමේ බොලව් ගහේ තියෙද්දි ප්‍රෙශ් බඩු කාපු උන්…කොහෙද දැන් උඹලගේ වතු වල සීනියාස් බිගෝනියාස් ගාඩිනියාස් හැමිනියාස් මල් විතරනේ…. රෙද්ද”
සත්තුත් එක්ක කතාකරන රහස දැනගත්තම ජීවත්වෙන්න ලේසී චව්චව්….
එඤ්ඤං
උපුටා ගැනීම: කුෂාන් ප්‍රේමසිරි