හෝම්ස් විසින් ඔහුගේ පුස්ථකාලයේ වූ පැරණි පොතක් ගෙන එය කියව්මින් සිටියේ ඕක් ලීයෙන් සෑදූ කවිච්චිය මත වැතිරීගෙනය,
මා විසින් උදෑන කෑම සඳහා ගෙනා රෝස් පාන්, පරිප්පු කරිය සහ කුකුල් මස් හොද්ද පිඟන් වලට පිළියෙල කරමින් සිටියෙමි,
“වොට්සන්,
ඔය කුකුලා ජීවත් වෙලා හිටියාට වඩා කාලයක් ශීතකරණේ එකේ ඉඳලා තියනවා”
යැයි මම කුකුල් මස් හොද්ද ඉතාලියෙන් ගෙනා පෝසිලේන් පීරිසියට ශොපින් කොලය කඩා දමන අතරතුර හෝම්ස් කට කොණකින් සිනා සෙමින් පැවසීය.
“ඒ මොකද හෝම්ස් එහෙම කියුවේ”
මා උණු උණු රෝස් පාන් එකෙන් කැබැල්ලක් කඩා කටේ දාගන්නා අතරතුර විමසීමි.
“දැන් බලන්න වොට්සන්,
ඔබ ඔය කුකුල් මස් හොද්ද අලි බාබා හෝටලේන් ගේනකොට තිබ්බේ කෑලි 2යි,
දැන් පැකැට් එක කඩලා දීසියට දාද්දී කෑලි 4ක් වගේ තියනවා,
ඒ කියන්නේ පට්ට පරණයි කුකුලා,
හොද්දේ සුවඳ අනුව හොද්දත් හදලා තියෙන්නේ ඊයේ උදේ පත්තරේ විස්තරේ යන වෙලාවට තමයි”
යනුවෙන් කියාගෙන ගියේය,
මා කුඩා කුකුල් මස් කැබැල්ලක් හපා බැලුවෙමි,
කිසිම කුකුල් මස් ගතියක් නැත.
“ඒත් පරිප්පුව හොඳට හදලා තියනවා”
යැයි මම පැවසීමි.
“එහෙනම් චිකන් නොගෙන තව පරිප්පු හොද්දක්ම ගන්න එපායෑ,
හොඳ චිකන් කරියක් තියන හෝටලයක් තෝරාගන්නවා මම කඩේට ගියානම්”
කියා හෝම්ස් මහා හඬින් හිනා වෙන්නට විය.
කොතරම් වැදගත් රහස් පරීක්ශකයෙක් වූවත් මොහුගේ මෙම මහන්තත්ත ගතියටනම් මම කෙසේවත් ආසා නැත,
දවල් වනතුරු ඔලුවේ සිට පොරවගෙන නිදාගන්නා මොහු මාව උදෑසන කෑම ගෙන ඒමට කඩේ යවා මේ කියනා දොස් අහස පොළොව උහුලයිද සිතමින්,
“මා හරි උගතා
මා හරි ජගතා
සිතනා මිනිහා
මෝඩයෙකී…”
ලෙස තාලෙට කියමින් විම් දමා වතුර වීදුරු දෙක සෝදා ඒවාට නළ ජලය වත්කර මේසය උඩින් තැබූවෙමි.
“හෝම්ස් මහත්මයා”
යැයි දොරට තට්ටු දමමින් කතා කරන හඬක් ඇසෙන්නට විය.
මා විගසින් හෝම්ස්ගේ මුහුණ බැලුවෙමි,
ඔහුගේ මුහුණ ඇදවී ගොස් සිටි ආකාරය දුටු මට සිනහා නවත්තාගන්නට බැරිවිය,
ඔහු කියන්නට පුලුවන් පට්ටන්දර දෙසා බා සූදානමින් සිටියේ උදෑසන ආහාරය ගැනීමටය,
මා දෙස නුරුස්නා බැල්මක් හෙළූ හෝම්ස් මදෙස බලා කෑම මේසය දෙස බලා බෙල්ල දික්කර ,
ඇහිබැම උස්සා පහත් කර,
කට උල් කර
නැවත ඇහිබැම උස්සන අතරතුර ඔලුව මුළුතැන්ගෙය දෙසට හැරවූයේය,
මා විගසින් පාන්,
පරිප්පු සහ පරණ චිකන් හොද්ද අතින් පයින් කටින් රැගෙන මුලුතැන්ගෙයි මේසය මත තමා ආවෙමි,
තව දුරටත්,
“හෝම්ස් මහත්මයා,
ගෙදර නැද්ද”
ලෙසින් කතා කරනු ඇසෙයි,
හෝම්ස් තාමත් රවාගෙනය,
මා ප්‍රශ්ණාර්ථ බැල්මක් හෙළීමි,
නැවත ඇහිබැම උස්සා පහත් කර මුළුතැන්ගෙයි දොර රෙද්ද දෙස බැලූ හෝම්ස්,
නැවත ඇහි බැම උස්සා දොර රෙද්ද වසන දිසාවට ඔලුව හැරවූයේය,
ඇත්තෙන්ම ඔහුනම් නියමම රහස් පරීක්ශකයෙකි,
එලෙස තිබුණානම් නියත වශයෙන්ම අමුත්තාට අපගේ කෑම වේල පෙනෙනු ඇත,
මා ලැජ්ජාශීලීව,
“සොරී…”
කියා දොර රෙද්ද මෑත් කිරීමි.
“සමාවෙන්න මහත්මයා,
අප දෙදෙනා රහස් පරීක්ශණ කර්තව්‍යක නිරත වෙලයි සිටියේ”
යනුවෙන් පවසමින් හෝම්ස් දොර ඇර ඔහුට නිවසට ආරාධනා කලේය.
“කමක් නැහැ හෝම්ස් මහත්මයා,
ඇරතිබූ ජනේලයෙන් මා සියල්ල දැක්කා”
යැයි සිනහාමුසු මුවින් පැවසීය.
“ඔව්,
මා එය කළේ දේවාලේ කපු මහත්මයා එතැන තිබූ ආහාරය තිදෙනෙකුට කෙසේවත් ප්‍රමාණවත් නොවන නිසා,
වෙසක් කාලයට එංගලන්තයේ බේකර් වීදියේ මහා බත් දංසැල කරවූයේ අප දෙදෙනා විසින්”
යැයි පම්පෝරියක් සමඟින් හෝම්ස් පැවසූ දෙයින් මම අන්දමන්ද දූපතක මන්දක සිරවූ මුව පොව්වකු ලෙසින් බ්‍රන්ත වූයෙමි,
හෝම්ස් මේ තැනැත්තා අඳුරනවාද?
මොහු හෝම්ස්ගේ මිත්‍රයෙක්ද?
කපු මහත්මයා කියා කීවේ කෙසේද?
“ඔබ කෙසේද මා කපු මහත්මයෙක් කියා දැනගත්තේ හෝම්ස් මහතාණෙනි”
මා මෙන්ම විපක්ශීත වූ අමුත්තාද පැවසීමෙන් මාගේ සිතට යම් සහනයක් ගෙන දෙන්නට විය.
“ඔව් හෝම්ස්,
කියන්න මටත් හිතාගැනීමට නොහැකිවුණා ඔබ ඒ නිගමනය කළ දෙය”
යැයි මමද අමුත්තාට හූමිටි තැබූවෙමි.
“ඔව් වොට්සන්,
ඔබ දුටුවාද අපේ අමුත්තාගේ නළලේ වෙනසක්”
හෝම්ස් මා දෙසට හැරී ඇසුවේය.
“ඔව් හෝම්ස්,
මෙතුමාගේ නලලේ මැද අසාමාන්‍ය ලෙස කලුවෙලා තිබෙනවා”
මම නිරීක්ශණය කල දේ පැවසුවෙමි.
“එහෙම තියෙන්නේ කාගේද”
හෝම්ස් ඇසුවේය.
“අධික ආගම් භක්තියක් ඇති මුස්ලිම් ජාතිකයන්ගේ”
මම පැවසීමි.
“වොට්සන්,
සැමවිටම අප නිගමනයකට එළඹෙන විට එක් කෝණයක් දෙස පමණක් බැලිය යුතු නැහැ,
ඇයි ඔබට නොසිතෙන්නේ කපු මහතුන්ගේත් එසේ තිබෙනවා කියා”
හෝම්ස් ඇසූ දෙයින් මා පුදුම වීමි.
“මිත්‍රයා,
කපු මහතුන් නිතරම තම ශාන්තිකර්ම වලට යොදාගන්නවා පුවක් මල්,
එම පුවක් මල් යොදාගෙන ඔවුන් ආවේශ වූ පසුව එම පුවක්මල් තම නළලට ගසා ගන්නවා ඔබ දැක තිබේද”
යනුවෙන් හෝම්ස් මාගෙන් ඇසීය.
“ඔව්, හෝම්ස්
ඔබ හරි මෙතුමාගේ නළලේ මැද කළුපැහැ ගැන්වීමට හේතුව යාතිකා වලදී ඔලුවට පුවක් මල් වලින් ගසා ගන්නා නිසා විය හැකිය,
විශිශ්ඨයි හෝම්ස්,
ඒත්…
මුස්ලිම් පුද්ගලයෙක් කියා ඔබ නොසිතුවේ මන්ද?”
මම ඇසූවෙමි.
හෝම්ස් හඬගා සිනාසුනේය,
“වොට්සන්,
අප විසිත්ත කාමරයට ඇතුල් වෙන තැනම ඉදිරි බිත්තියේ රාමු කර ඇති මෙම ජාරූපය ඇත්තේ කුමක්ද”
හෝම්ස් මා හට පෙන්වූයේ ඔහුගේ සීයා වූ අග්‍රගාන්‍ය චිත්‍රශිල්පී ඇස්ටිනෝ හෝම්ස් විසින් අඳින ලද නවසීලන්ත තණ බිමක ගවයන් තණ උලාකන චිත්‍රයයි.
“නවසීලන්ත ගවයන් සහිත තණපිටියේ පසුබිම හෝම්ස්”
මා පැවසූයෙමි.
“හරි වොට්සන්,
ඒකේ ඉන්න හරක් දැක්ක හැටියේ මේ මනුස්සයාගේ වෙනසක් දැක්කද?
මේ මිනිහා කෙල හලනවා දැක්කද?
නෑනේ නෑනේ,
ඒ කියන්නේ මොහු මුස්ලිම් නොවේ,
ඒ කියන්නේ වොට්සන් මොහු නියත වශයෙන්ම කපුවෙක්”
හෝම්ස් තම තර්කය තහවුරු කලේය.
“හරි මහත්මයා,
ඔබට දැන් පැහැදිළිද මාගේ නිගමනය”
“අති විශිශ්ඨයි හෝම්ස්”
ඔහු සතුටින් පැවසීය.
“දැන් ඔබ පැමිණි කාරණාව කියන්න”
හෝම්ස් තම කබායේ සාක්කුව එළියට ඇද එහි තිබූ වැලි බිමට ගසන අතරතුර පැවසීය.
“මහත්මයා,
ඊයේ රෑ අපගේ නිවසේ සිට අඳුරු සෙවනැල්ලක් එළියට ගමන් කලා මම දුටුවා,
ඇත්තෙන්ම මා ඉතාමත් භයට පත්වුණා,
ඉන් පසු එය නොපෙනී ගියා”
“සමාවෙන්න භාදා කලාට”
හෝම්ස් පැවසීය.
“ඔව් රහස් පරීක්ශක තුමණි”
අමුත්තා හෝම්ස්ට අවස්ථාව දුන්නේය.
“ඔබගේ නිවසේ සීසීටීවී හයි කරලාද තියෙන්නේ”
“ඔව් මහත්මයා,
එම අඳුරු සෙවනැල්ල යම් තරමක් දුරට සටහන් වී තිබෙනවා නිවස ඇතුලට එනවා සහ පිටවෙනවා”
ලෙස ඔහු පැවසීය.
“හරි,
අපි දැන් ඔබේ නිවසට පිටත් වෙමු”
මාගේ අස්ථිපංජරයම සීතලවී ගියේය,
මේ නහින දෙහින කාලයේ හෝම්ස් මැරෙන්නේ යකෙක් ගසාය,
අනවශ්‍ය පර්‍යේශණ භාර නොගෙන සිටියානම් මා අද මේරි සමඟය,
හෝම්ස් හඩ්සන් සමඟය.
“අපිට ලොකේශන් එවන්න,
ඌබර් එකක් දාගෙන එන්නම්”
යැයි හෝම්ස් පැවසීය.
“එසේනම් මම යන්න මහත්මයා,
ඔබට කලින් කරමින් තිබූ පර්‍යේශණය අවසන් කරන්නට තිබෙනවානේ”
යැයි මා දෙස බලා ඇසක් ඉඟි කරමි අමුත්තා පවසායන්නට ගියේය,
හෝම්ස් සහ මම පරණ චිකන් හොද්ද සහ හින්දන ලද පරිප්පු හොද්ද සමඟ රෝස්පාන් අනුභ කළෙමු,
“වොට්සන්,
ශීතකරණයේ හිම තළප තිබුණා නේද”
“අයිස්ක්‍රීම්ද හෝම්ස්?”
“ඔව් වොට්සන්”
“නෑ,
ඒවා තමයි ඊයේ බාගේ ගහලා රෑට කෑවේ,
මතක නැද්ද”
කියා මා පැවසූයෙමි.
——-
“පස්සට ගන්න”
හෝම්ස් තීක්ශණ බැල්මකින් තිරය දෙස බලා සිටියේය.
“ඔතන නවත්තන්න,
දැන් ආපහු චාජාව යන තැනට ගන්න”
යැයි සීසීටීවී දර්ශණ සියල්ල හෝම්ස් නරඹන්නට විය.
මේ අතරතුර නිවසේ පිටුපස කැමරාවේ සටහන්ව තිබූ එහා නිවසේ තරුණිය නාන දර්ශණ නැරඹූ බවට මා ඔබ හමුවේ පැවසුවහොත් හෝම්ස්ගේ නාමයට කැළලක් වන නිශා ඒ පිළිබඳව මා නොපවසමි.
“මහත්මයා,
ඔබගේ දේවාලයේ සියලුම දෙවියන්ගේ නිශ්චල චායාරූප තිබේද?”
හෝම්ස් අනවශ්‍ය දෙයක් ඇසුවේය,
“ඔව් මහත්මයා”
යැයි කපු මහතාද අන්ද මන්ද වී පැවසීය.
කෙසේ හෝ දේවාලයට ගොස් සියලුම දේවරූප සහ පිළිම පරීක්ශණයට භාජනය කිරීමට හෝම්ස් සමත්වූයේ පළතුරු වට්ටි දෙකකටද වග කියන අතරතුරය.
“හොඳයි,
අපි දැන් යමු මුළුතැන්ගේට”
යැයි හෝම්ස් පැවසීය.
“කපු මහත්මයා,
එම අඳුරු ජායාව නිවසට පැමිණ ගිය අවස්ථාවෙන් පසු නිවසේ යම් දෙයක් නැතිවී තිබෙනු ඔබ දුටුවාද”
හෝම්ස් පළතුරු වට්ටියේ තිබී රැගෙන ආදොදොල් කැබැල්ලක් හපන අතරතුර ප්‍රශ්ණ කළේය.
“නැහැ රහස් පරීක්ශකතුමණි”
ඔහු පැවසීය.
“නිවසේ බඩු බාහිරාදිය වල යම් වෙනසක්?”
හෝම්ස් ඇසීය.
“නැහැ මහත්මයා,
නමුත්…”
ඔහු කල්පනා කරන්නටවිය.
“ඔව්…කියන්න”
හෝම්ස් ඇසීය.
“නෑහැ,
විශේශ යමක්නැහැ,
නිවසේ මුළුතැන්ගෙයි තිබූ බෝතල් වල මූඩි විවුර්ත වී තිබුණා”
යැයි ඔහු පැවසීය.
“කෝ ගන්න බලන්න ඒ බෝතල්”
හෝම්ස් පැවසීය,
කිස්ට් බෝතල්,
අරක්කු බෝතල්,
ආදී බෝතල් වර්ග 5ක් පමණ ඔහු පෙන්නන්නට විය.
“හොඳයි කපු මහත්මයා,
ඔබේ ගැටලුව විසඳුනා,
අපගේ මුදල් ලැබීමෙන් පසුව අපි ඔබට විසඳූ ආකාරය පහදන්නම්”
කියා තම මුදල සහ ගිනුම් අංකය ලියූ කඩදාසි කැබැල්ල කපු මහතාගේ අත තබා හෝම්ස් සහ මම පිටත්වීමි,
ගාන කියවූ කපුවාට කලාන්තගතියක් ආ බව මා ඌබර් රථයේ පැති කන්නාඩියෙන් දුටුවෙමි.
———-
මළහිරු බැසයමින් තිබූ සැන්දෑවක මම සහ හෝම්ස් සූටිං මාටිං බලමි සිටියෙමු,
ජංගම දුරකථනයෙ නැඟුනු බීප් නාදයෙන් පසුව එය අතට ගත් හෝම්ස්,
“වොට්සන්,
කපුවාගෙන් සල්ලි ඩිපොසිට් වෙලා කියලා මැසේජ් එක ආවා,
මම මේ කියන විස්තරේ ලියාගන්න කපු මහතාට යවන්න,
ඔබගේ පර්‍යේශණ කෘතියටද මෙය ඇතුලත් කරගන්නා ලෙස මා ඉල්ලා සිටිනවා,”
මහත්මයාණෙනි,
මා ඔබ නිවසේ සීසීටීවී දර්ශණ පරීක්ශාකිරීමෙන් පසුව අවභෝද වූයේ ඔබ නිවසට පැමිණ ඇත්තේ මනුශ්‍ය ආත්මයක් නොවන බවයි,
ඒ මන්ද යත් එම දර්ශණවල හැසිරීම නිසා එය මා හට පසක් විය,
තවද මා පහළ ගෙදර තරුණිය නාන දර්ශණ බැලූයේ මාගේ වලත්තකමට නොව ඒ පැමිණි ආත්මය එදෙස බැලුවාදැයි සැක හැර දැන ගැනීමටයි,
නමුත් එම තරුණිය නාන අවස්ථාවේ එම අද්බූත චරිතය එදෙස නොබලා ඔබ නිවසට ඇතුලු වීමෙන් මා නිගමනය කළේ එම චරිතය පිරිමි චරිතයක් නොව කාන්තා චරිතයක් බවයි,
ඉන් පසු මාගේ සැකය දිවගියේ මනුශ්‍යයෙක් නොවන නිසා දෙවියෙක් විය හැකියැයි සිතූ නිසාය.
මා දේව රූප සියල්ල ගෙන බැලුවෙමි,
එහිදී කාන්තා දෙවිරූප කිහිපයක් මවිසින් වෙන්කොට හඳුනාගත්තෙමි,
ඉනික්බිති ඔබ දුන් හොඳම ඉඟිය වන්නේ නිවසේ තිබූ බෝතල් වල පියන් විවෘත්ත කර තිබීමයි,
එහිදී මාගේ නියමනය සත්‍යවී නිවසට ඇතුලු වූ පුද්ගලයා සොයාගන්නට හැකිවිය,
සිදුවී ඇත්තේ මෙයයි,
ඔබගේ නිවසට කාලි මෑණියන් පැමිණ ඇත,
ඒ කොරෝනා සඳහා පර්‍යේශණ කිරීමට මී පැණි සොයා ගැනීමටයි,
එහිදී කාලි මෑනියන් ඔබ නිවසේ සෑම බෝතලයක්ම ඇර ඒවා තම කොරෝනා පර්‍යේශණ සඳහා යොදාගැනීමට අවශ්‍ය මී පැනිදැයි පරීක්ශා කොට ඇත,
නමුත් ඒවා කිතු පැනි,
පොල්තෙල්,
සීනි පැනි,
ඔබගේ අරක්කු බෝතල් නිසාවෙන් ඇය යන්නට ගොස් ඇත,
කලබල නොවන්න,
කාලි කියන්නේ ඔබේත් අම්මා.
කාලි මෑණියන්ගේ පිහිටයි ආරස්සාවයි!!!
උපුටා ගැනීම: Tharu rajapaksha-