කජාර් කුමරිය ලෙස හැඳින්වෙන පාතින් ඛාමින් කුමරියගේ ඡායාරූප මේ දිනවල අන්තර්ජාලය පුරා සැරි සරනවා මේ ඡායාරූප දකින බොහෝ දෙනෙක් ඇගේ රූපයට හිනාවෙනවා, ඇත්තටම කවුද මේ කජාර් කුමරිය කියලා කියන්නේ ??ඇයි ඇයව පර්සියාවේ සුන්දරත්වයේ ජීවමාන සංකේතය කියලා හඳුන්වන්නේ?? අද අපි ඒ ගැන කතා කරමු………
ඇය පර්සියාවේ රජු වූ නසර් අල් දින් ෂාගේ දියණිය යි.
ඇය කාන්තා අයිතිවාසිකම් වෙනුවෙන් පෙනී සිටි බුද්ධිමත් කාන්තාවකි.
ඇය ලේඛිකාවක්, චිත්‍ර ශිල්පිනියක්, සමාජ ක්‍රියාකාරිනියක් වූ අතර හිජාබ් ඇඳුම් ගලවා බටහිර ඇඳුම් ඇඳගත් උසාවියේ පළමු කාන්තාවයි.
ඇය දක්ෂ ලෙස වයිලිනය වාදනයට දැන සිටි අතර එවකට ඉරානයේ දුප්පත්කම, අධ්‍යාපනයක් නොලැබීම සහ කාන්තා අයිතිවාසිකම් වෙනුවෙන් හඬක් නැඟූ කාන්තාවකි. ඇය ප්‍රජාතන්ත්‍රවාදය වෙනුවෙන් පෙනී සිටි ශක්තිමත් කාන්තාවකි.
ඇය වයස අවුරුදු 13 දී රදල පැලැන්තියේ සහ ආරක්ෂක ඇමති ෂොජා අල් සල්තානේගේ පුත් සර්දාර් හසන් ෂොජා අල් සල්තානේ සමග විවාහ විය. ඔවුන්ට දරුවන් හතර දෙනෙක් විය.
කජාර් කුමරිය අවදානම් ගැනීමට බිය නොවූ අතර පියානෝ වාදනය සහ ඡායාරූප ශිල්පය හැදෑරුවේ නීතියටත් පිටින් යමිනි. ඇය කජාර් රාජවංශයේ මතක සටහන් ලියූ ලේඛිකාව විය.
කජාර් කුමරිය ගේ ඉතිහාසය පැහැදිලි කරන්නේ කාන්තාවක් සිහින් සිරුරක් සහ ලස්සන මුහුණක් ඇති නිසා පමණක් ඇය සුන්දර නොවන බවයි.
මේ ලෝකයේ මිනිස්සු බිලියන හතකට වඩා ජීවත් වෙනවා ඒ හැම කෙනෙක්ටම තමන්ට අනන්‍ය වෙච්ච සුන්දරත්වයක් තියෙනවා කෙනෙකුගේ පෙනුම මත ඇය හෝ ඔහු ගැන තීරණයක් ගැනීම නොකළ යුතුයි.
කජාර් කුමරිය තම ජීවිත කතාවෙන් ලෝකයට කියා දුන්නේ නියම සුන්දරත්වය කෙනෙකුගේ සිහින් සිරුර මත හෝ මුහුණ මත රඳා නොපවතින බවත් එය රඳා පවතින්නේ ජීවිත කාලය තුළ තමන් කරන දේ සහ ඇතුළාන්තයෙන් තමන් කොතරම් සුන්දර ද යන බව මත පමණත් බවයි.
ඇගේ මේ කරුණාව, නිර්භීත බව සහ ඇගේ මනසේ සුන්දරත්වය නිසා ඇයව “පර්සියාවේ සුන්දරත්වයේ ජීවමාන සංකේතය” ලෙස හදුන්වා ඇත
උපුටා ගැනීම: Nadeesha Rathnayake