හැපි බර්ත්ඩේ ටින් ටින් (වැල්වටාරම්)

අද ටින්ටින් ගේ උපන් දිනේ. අදට හරියටම ටින්ටින් ට අවුරුදු 92 ක්.

ටින්ටින් කියන්නේ බෙල්ජියම් ජාතික කාටුන් ශිල්පියෙකු වුණු ජෝර්ජ්ස් හෙමි, ගේ හිතේ මැවුණු අදහසක්. මේ හෙමි, එයාගේ කාටුන් නිර්මාණ පළ කළේ “හර්ජ්” කියන අන්වර්ථ නාමයෙන්. ඒ නිසා අද 92 උපන් දිනය සමරන ටින්ටින් ගේ තාත්තා විදිහට සැළකෙන්නේ හර්ජ්.

The Adventures of Tintin කියන කාටුන් කතාමාලාව හර්ජ් විසින් ප්‍රංශ භාෂාවෙන් නිර්මාණය කරන්නේ ප්‍රංශ-බෙල්ජියම් මිත්‍රත්වය නිරූපනය කරන්න. කොහොම හරි මීට අවුරුදු 92 කට කලින් ජීවත් වුණු දරුවන් වගේම තරුණ තරුණියනුත් The Adventures of Tintin කාටුන් එක ගොඩාක් ආදරයෙන් වැළැඳගත්තා. ඒ නිසාම The Adventures of Tintin කාටුන් කතා මාලාව හැඳින්වෙන්නේ 20 වැනි ශතවර්ෂයේ වඩාත් ජනප්‍රියම යුරෝපීය විකට කතා මාලාව හැටියටයි.

හර්ජ් ඉපැදිලා තියෙන්නේ 1907 දී. එයා ඉපැදිලා අවුරුදු 100 කට පස්සේ, ඒ කියන්නේ 2007 අවුරුද්ද වෙනකොට ටින්ටින් කතා මාලා ලෝකයේ විවිධ භාෂාවල් 70 කට වැඩි ගණනකට පරිවර්ථනය වෙලා තිබ්බා. ඒවායේ පිටපත් මිලියන 200 කට වැඩියෙන් අළෙවි වෙලා තිබ්බා. තව ටින්ටින් චරිතය ගුවන්විදුලි, රූපවාහිනි, නාට්‍ය සහ චිත්‍රපට බොහෝමයකට යොදා ගැනුණා.

ටින්ටින් කතා මාලාව හා හා පුරා කියලා පළවුණේ 1929 ජනවාරි 10 වැනිදා. ඒ බෙල්ජියමේ පළවුණු Le Vingtième Siècle (විසි වැනි ශතවර්ෂය) කියන පුවත්පතේ ළමා අතිරේකයේ. මේ කතාවේ තිබ්බ සාර්ථකත්වය නිසා පස්සේ එම කතාවේ නව සංස්කරණයක් බෙල්ජියමේ වැඩිම අළෙවියක් සහිත Le Soir (සන්ධ්‍යාව) කියන පුවත්පතේ පළවුණා. ඊටත් පස්සේ තමයි ටින්ටින් කියන සඟරාව ප්‍රකාශයට පත්වුණේ.

ටින්ටින් කතා මාලාවේ කතා නායකයා තමයි ටින්ටින්. එයා හරිම ධෛර්යවන්ත පුවත්පත් වාර්තාකාරයෙක්. ඒ වගේම ත්‍රාසය සොයා යන්නෙක්. එයාට නිතරම උදවුවට එන්නේ ෆොක්ස් ටෙරියර් වර්ගයේ බල්ලෙක්. ඒ තමයි ස්නෝවි.

කතාවේ දුෂ්ඨ මැරවරයා තමයි කැප්ටන් හැඩොක්. මීට අමතරව ශ්‍රාවණාබාධිත මහාචාර්ය කැල්කියුලස් වගේම තොම්සන් සහ තොම්ප්සන් කියන රහස් පරීක්ෂකවරු දෙන්නෙකුත් ඉන්නවා.

මීට අවුරුදු 92 කට කලින් හිටපු ළමයිනුත් ටින්ටින් නිසා හිනා වුණා. අපේ අම්මලා තාත්තලත් ළමයි කාලේ ටින්ටින් නිසා හිනා වෙන්න ඇති. මමත් ළමයෙක් විදිහට ටින්ටින් නිසා හිනා වුණා. දැන් මගේ පුතත් ටින්ටින් නිසා හිනා වෙනවා.

ඉතින් ටින්ටින් සුබම සුබ උපන් දිනයක්…