මේ ලගදී දවසක් මගේ යාලුවෙක් බැන්දා බැන්දා කිව්වට කෙල්ලව උස්සගෙන ආවේ පස්සේ ඉතින් අපරාදේ කියන්ඩ බෑ කෙල්ලගේ අම්මයි තාත්තයි මූට පණ ඇරලා උස්සපු දවසේ හවස මම කතා කරලා කිව්වා
මොනා උනත් දරු සෙනෙහසනේ කෙල්ල වෙනදා හය විතර වෙනකොට ගෙදර එනවා අද නැත්තේ මොකෝ කියලා බලනවානේ
අංකල් පියුමිව අපේ යාලුවෙක් කසාද බය වෙන්න දෙයක් නෑ පියුමි හොදින් ඉන්නවා කියලා
අංකල් මාව අමතලා
අනේ පුතේ ලොකු උදව්වක් ඕකිගෙන් බේරෙන්නේ කොහොමද කියලා හිතාන හිටියේ සාක්කියට එහෙම අත්සන් කරා නේද රෙජිස්ට්‍රාර් වැඩ වල මොනා හරි අඩුවක් තිබ්බොත් මට කතා කොරන්න මොකද ඔහේ රෙජිස්ට්‍රාර් නෝනා ගාව කාලයක් මම ඩැයිවර් විදිහට වැඩ කරා
අම්මද බොල කිව්වලු කෙල්ලගේ පැත්තෙන් කිසි අවුලක් නෑ අන්තිමට අවුල ගියේ යාලුවාගේ පැත්තෙන්
යාළුවාගේ අම්මා එක විදිහක මැන්ටල් එකක් ඊට හපන් තාත්තා ඉන්න තැනක් හරියට නෑ ඒ උනාට රුසියාවට පාඩම් කියා දෙන්න ලෑස්තිය
කොහොම හරි මිත්‍රයන්ගේ උපකාරයෙන් සංඛ හා පියුමිගෙයි මගුලත් කරලා පළමු රාත්‍රියත් ගත කර කොල්ලාගේ නිවසට කෙල්ලව රැගෙන ගියා
කෙල්ල ගෙනියපු දවසේ ඉදලා සංඛගේ අම්මයි තාත්තයි වෙනම උයාන කන්න ගත්තා
කොයි වෙලේත් ලේලිගේ ජාතක කතාව මතක් කරනවා
එල්ලෙන්න එකෙක් නැතිවට පුතාගේ ඇගේ එල්ලුනා කියලා
පල නොකියා පලා බෙදනවා
පියුමිත් ඊට දෙවනි නෑ
රට කාලා වතුර බීලා කාරලා කෙලත් ගහලා ගහපු කෙලත් වැල්ලෙන් වහලා ජීවත් වෙන නිසාම
නැන්දම්මා සහ මාමණ්ඩිය සමග කටයුතු කිරීමේදී ටිකක් සැලකිලිමත් වෙන්න ගත්තා
ඔය අතරේ වෙනම කෑම උයාගෙන කන නිසා නිවසට ගෙනෙන කුළු බඩු ප්‍රමාණය දෙදෙනාට ඇති පරිදි රැගෙන ආවාත් ටික දිනක් ගිය පසු බෝතල් වල අසුරා තිබු කුළු බඩු අතුරුදහන් විම නිතර සිදු උනා
ඒ ගැන දැනගන්නකොට සමහර විට උයන්න ගත්ත එලෝලුවට දාන්න කහ නෑ ලුණු නෑ කරෝල කෑලි නෑ මිරිස් තුනපහ නෑ පොල්තෙල් නෑ
මේ වේදනාව ඉවසන්න බැරිම තැන සංඛට කීවත් කිසිත් පලක් නොවුනු නිසා පියුමි මීට යමක් කළ යුතු යැයි සිතා මිරිස් තුන පහ කහ වෙනුවට පුලුවාන් තරම් ආදේශක තියලා නියම කුළු බඩු සගවා තමන්ට අවශ්‍ය වූ විට ලබා ගෙන නැවත සගවා තැබීමට කටයුතු කරා
ඔය අතරේ දවසක් දෙදෙනාම පියුමිලාගේ අම්මලාගේ නිවසට ගිය අතර තුරක ගමේ ඉන්න වැඩිහිටි අයට කෑම වේලක් දෙන්න කතිකා කරගෙන තවත් ගෑණු දෙන්නෙකුත් ගෙදරට ගෙනල්ලා සංඛගේ මව
ආහාර සැකසීම සදහා අවශ්‍ය ද්‍රවය වෙනදා මෙන්ම ඇසීමකින් තොරව සංඛලාගේ පැත්තෙන් අරන් ගිහින් ඉවීමට සූදානම් කර ඒවාට තුන පහ කහ ලුණු සියල්ල දමා පිළියෙල කර ආහාර පිසීය
පසුව එකතු වූ අනෙක් බවලතුන් දෙදෙනා
සමග ආහාර පාර්සල් කර ගම පුරා බෙදා හැරීය
නැවත ලේලිය සහ පුතා පැමිණීමට පෙර කුළු බඩු ගෙනැවිත් තබා යාමට සැරසුනි
කුස්සිට විත් දොර වැසූ පසු එහි දොරට අලවා තිබූ දිග විසිල්බෝඩ් එකේ මෙලෙස ලියා තිබුණි.
ගස්ලබු ඇට තලලා ගම්මිරිස් වෙනුවට
කඩල පරිප්පු කුඩු කරලා කහ වෙනුවට
සීනී බ්ලෙන්ඩර් කරලා ලුණු වෙනුවට
ජාපාල ඇට කුඩු කරලා තුනපහ වෙනුවට
හොරා කාපු එකා විදවයි දැන් මං වෙනුවට
කලබලෙන් හොරකම් කරන්නා
නිවී සැනසිල්ලේ පසු තැවෙයි
කවි පෙල කියවපු නැන්දම්මා ලිපෙන් අගුරු කෑල්ලක් අරන් විසිල්බෝඩ් එක යටින්ම ලිව්වලු
මම අකුරු කියවන්න දන්නේ නෑ
•°නිමි°•
උපුටා ගැනීම: අයිති නැති අකුරු