ඉතිං කෝමද ඔවාලට මං නං හෙනම බිසී ඒකයි කතාවක්වත් ලියාගන්න වෙලාවක් තිබ්බේ නැත්‍තේ. මේකත් මං කෑම්ප් එකේ ඉන්න කාලෙ වෙච්ච සිද්දියක් මේ කතාවෙත් ප්‍රදාන චරිතේ තමා පට්ට තකයා ඔහෙලට උංදැව මතක ඇතිනේ අර කණ්ඩුල සීන් එකේ හිටියේ ආං එයා.
මේ සිද්දය වෙනකොට මාත් අවුරුදු 4ක් 5ක් යුනිට් එකේ පරන වෙලා සීනියර් වෙලා හිටියේ. අර කලිං මං ට්‍රෙනින් ස්කූල් එකේ අවුසද පාවිච්චි කරලා අහු වෙච්ච උත්තමයා තමා කෑම්ප් එකේ මූලස්ථාන බලගනේ ඕසී පට්ට තකයා තමා දෙවන අණදෙන නිළධාරි.හැබැයි අර පරන සිද්දි වෙලා අවුරුදු ගානක් ගිහිල්ලා උංදැලට ඒ සිද්දි අමතකවෙලා මා එක්ක සෑහෙන්න පිට් එකේ හිටියේ කොච්චර පිට්ද කියනවනං මචං අද බොමුද අහන ලෙවල් එකේ හිටියේ.
ඔය කියන දවසේ හිමිදිරි උදෑසන තඩී කැටගැරියක් පාත් වෙලා උදේටත් නොකා එලියට බහින්න සිද්ද උනා. කෝම හරි ගිනි කාස්ටේ දවසම එක එක වෙඩින් වලට ඔට්ටු වෙලා මට එපා වෙලා තිබ්බේ හවස හතර පහ වෙනකං ඉතිං වතුර විතරයි. කෝම හරි හවස 4ට වගේ කෑම්ප්ෙකට ඇවිත් වොෂ් එකක් දාගෙනම කන්න යනවා කියලා හිතං නාගත්තා. දැං ඉතිං බඩේ පනුවෝ පෙරඩ් පෝලිං වෙලා ඉන්නවා බඩට මොකුත් වැටෙනකං.
ඕං ඉතිං ආයි මුල ඉදං යුනිෆෝම් එක එහම දාගෙන මෙස් එකට ගියා කන්න. වටපිට බැලුවට හූ සිරිල් නෑ අහ් හු සිරිල් කියන්නේ අපේ වේටර් ඌට එමට කිචි උගේ ඇගේ යන්තමට ඇගිල්ලක් පිගානක් වැලමිටක් වැදුනත් ඌ හැරෙන්න හු$&@ කියාගෙන. ඒ නිසා ඌට අපි කියන්නේ හූ සිරිල් කියලා. ඕං ඌත් ඇවිත් කෑම මේසෙට ඇරලා සර් හරි කිව්වා. මාත් බඩ පැලෙන්න කනවා කියල හිතං ගිගිං වාඩිවෙලා බැලුවම මොනාද දන්නවද පිංවතුනි තියෙන්නේ.මෙන්න මෙනු එක
රතු කැකුලු බත් ( අර බොරලු ටයිප් එක)
පතෝල කිරට
චිකන් ( මස් නිකං කිරි හොද්ද වගේ සුදු පාටයි)
බෝංචි කිරට
කරපිංචා සම්බෝල
මට නේද ඉතිං යකා නැග්ගා මේසෙම සුදු පාටයි.
මොනාද හු$&@ මේ කන්න තියෙන්නේ එන්න කියාං කුකාට.
හා සර් කියලා සිරිලා ගියා කුකා ආවා
ඇයි සර්
මොනවද යකෝ හදන්නේ මෙහෙම මිනිහෙක්ට කන්න පුලුවංද බලහංකෝ හැටි.
ඔව් සර් ඉතිං ඔක්කොම සුදටනේ
හොව් සර් හොව් සර් ගාන්නේ තෝ මෙතන වැරැද්ද කරලා ආයි කියවන්නත් එනවද
අනේ සර් ඔය මට කියන ඒව තමා හදන්නේ.
කවුද කියන්නේ
සර් ටූ අයි සී සර් තමා මෙනු එක දෙන්නේ ( පට්ට තකයා)
ඉතිං යකෝ මේම හදන්න කියන්නේ කවුද බලහංකෝ කන්න බෑනේ මේවා.
මේකයි සර් වැඩේ ටූ අයි සී සර්ට සීනී / කොලෙස්ටරෝල් තියෙන නිසා තමා මේ කෑම හදන්න කියන්නේ. අපේ ඕසී එච් කිව් ඉන්නවනේ ( අර ට්‍රේනින්ං ස්කූල් එකේ උත්තමයා ) සර්ට ගෑස්ට්‍රික් තියෙන නිසා සැරට කන්න බෑ බඩ පපුව දැවිල්ල අල්ලනවලු ඒ නිසා මිරිස් දාන්න එපා කියනවා. මං මොනවා කරන්නද සර්.
ඔව් ඉතිං මෙතම එකෙක්ට දිය වැඩියාව අනිකට කොලෙස්ටරෝල් තව එකෙක්ට දැවිල්ල අපි ඇල්වතුරයි බතුයි කන්න ඕනෙ. මොන හු$&@ බං මේක. මේක තව ටික දවසකිං වැඩිහිටි නිවාසයක් වෙන සීන් එකක්නේ තියෙන්නේ කියල මං හතර අතේ බනිනවා අරුං දෙන්නා බඩ අල්ලං හිනා වෙවී මං අමතනව අහං ඉන්නවා එක පාරම මුංගේ හිනාව නැවතුනා ගල් ගිල්ල වගේ බලං ඉන්නවා. මට ඒත් ගානක් නෑ මං ආයිමත්
මේ ඇල් වතුරයි බතුයි කකා ඇයි බං දුක් විදින්නේ මුං මෙච්චර මැරෙන්න බයද? බලහංකෝ මේ මගුල් නිසා අපිටත් මෙව්වා කන්න උනානේ කියලා මුං දිගා බැලුවා ඒත් මුං පෙරසේමයි මගේ ඔලුවට උඩිං බලං ඉන්නවා. මුං හොල්මනක්වත් දැකලද දනෙනෙ නෑනේ කියලා මාත් හැරිලා බැලුවා පිටිපස්ස. හම්මට බත් පිට උගුරේ ගිහිං නහෙයෙං හොටු දාං පුටුවෙං නැගිට්ටුනා. පට්ට තකයා මගෙ පිටිපස්සේ ටවල් ඕර්ඩර් එකෙං අත් දෙක බැදං මං දිහා බලං ඉන්නවා.
මියුසික්….
අනුශ්කපලී.
උංදෑ කාලා රන් දෙපැය එහෙම ගහලා මං බනින්න පටං ගන්නකොටම ඇහැරිලා කාමරේ ඉදං ඔක්කොම අහං ඉදලා බැරිම තැන තමා ඇවිත් තියෙන්නේ. මං හිතුවේ උංදෑ නෑ කියලා ඒ නිසා ලව්ඩ්ස්පීකර් දාලාම මාත් කෑ ගැහුවා.
උපුටා ගැනීම: Anushka Mudalige