මේක මේ ටික කාලෙකට ඉස්සෙල්ල වුන පොඩි කතාවක්.
මගෙ ඔසී යාලුවෙක් ඉන්නව වැඩිය ෆෙස්බුක් එහෙම එන්නෙ නෑ පොර. කොටින්ම සම්පූර්ණයෙනම් ලංකාවෙ නිවුස් ගැන කිසිම අදහසක් නෑ. ලංකාවෙ ක්‍රිකට් කැප්ටන් තාම අර්ජුන රණතුංග කියල හිතන් ඉන්නෙ පොර.
ඔන්න ඉතින් අපි සෙට් එක දවසක් ක්‍රිකට් ගැන ලොකු කතාවක්, චන්දිමාල් එක දිගට ෆේල් වෙන එක ගැන ඒ දවස් වල ඉතින් හැමෝටම මල. එක එකා චන්දිමාල්ට බනිනව, සමහරු ඌගෙ ඉස්කෝලෙට බනිනව, සමහරු ඌ බැන්ද කලින් හින්ද ෆේල් වුනා කියල බනිනව, ඒ අස්සෙ සමහරු ඌ IPL ගිය නැති එක ගැන හොඳ කියනව.
මේ කතාව අස්සෙ අපෙ කතා නායකයත් බියර් එකක් කඩාගෙන අපෙ පැත්තට එනව.
“මොනවද උඹල මේ කතා කරන්නෙ සද්දෙන්ම?”
“චියරස්!”
අපි බියර් බෝතල් ටික එකට හැප්පුව.
“නෑ බන් මේ චන්දිමාලය ගැන, බලපන්කො ඌ එක දිහට ෆේල් නෙ” එක යාලුවෙක් කිවුව.
” ඇයි ඌ ගෙ බිස්නස් වැටිලද?”
අර යාලුව ඇහුව.
” මොන බිසනස්ද ඕයි, ඌ ගෙ බිස්නස් ඉතින් ක්‍රිකට් ගැහිල්ලනෙ”
ඔන්න තව එකෙක් උත්තර දුන්න.
අර යාලුව උඩ බිම බලනව.
“ඇයි බන් ඌ දැන් මනාලියො අන්දන්නෙ නැද්ද??”
තත්පර කීපයක් සෙට් එකම නිශ්ශබ්දතාවකට ගියා…
“නොදකින් හු#$@ පුතා! යකෝ අපි කතා කරන්නෙ මනාලියො අන්දන චන්දිමාල් ගැන නෙවේ, ක්‍රිකට් ගහන චන්දිමාල් ගැන !!!”
සෙට් එකම බඩ අල්ලන් හිනා වෙන අතරෙ යාලුව හිමින්ම බිම බලාගෙන අයිනකට ශේප් වුනා.
උපුටා ගැනීම: ආශිර්වාද් බෝපෙආරච්චි