කාර්යාලයේ වැඩ කටයුතු අවසන්කොට කසුන් ගෙදර එන විට හොඳටම රෑ වී තිබුණි….
රෑ බෝ වී නිවෙසට පැමිණීම පිළිබඳ කසුන්ගේ බිරිඳට හොඳටම තරහා ගොස් සිටියේය….
නිවෙසේ වැඩ කටයුතු අවසන්කොට ඔවුන් නින්දට යන විට වෙනදාටත් වඩා කල් ගත වී තිබුණි….
රෑ මැදියෙමේ කසුන්ගේ දුරකථනයෙන් බීප්.. හඬක් නැඟුනි….
හොඳටම තෙහෙට්ටු වී සිටි කසුන්ට මේ හඬ ඇසුනේ නැති උනත් කසුන්ගෙ බිරිඳ එම හඬට ඇහැරී කසුන්ගෙ දුරකථනය ගෙන නිදි මතේම පරීක්ෂා කළේය.
ඉන්පසු කෝපයට පත් කසුන්ගේ බිරිඳ කසුන්ව අවදිකොට මෙසේ බෙරිහන් දෙන්න විය….
බිරිඳ :- ඔව්.. ඔව්.. මම දැනගත්තා.. හැමදාම රෑ වෙනකම් ඒකි එක්ක රෝන්දෙ ගහලා රෑ වෙලා ගෙදර එ‍නකොට.. මේ තියෙන්නේ.. මේ තියෙන්නෙ.. තව ඒකී ලැජ්ජා නැතිව මැසේජුත් එවනවා….
කසුන් :- මොකක් …. මොකක්ද ඔයාට වෙලා තියෙන්නේ.. කවුරු ගැනද ඔය කියන්නේ… පිං සිද්ධ වෙයි මට කනක් ඇහිලා නිදා ගන්න දෙනවකෝ….
බිරිඳ :- මේ තියෙන්නේ.. මේ තියෙන්නේ.. ඒකි දැන් මේ තමුසෙට මැසේජ් එකක් එවලා තියෙන්නේ බියුටිෆුල් කියලා…
කසුන් :- මොනවා…..කවුද…? කෝ දෙනවා බලන්න ෆොන් එක….
අම්මපා තමුසෙට විකාරද ඇත්තට….
මම ඇවිත් මේ ෆෝන් එක චාර්ජ් වෙන්න ගැහුවා…
මේ මැසේජ් එක තියෙන්නේ බියුටිෆුල් කියලා නෙමෙයි බැටරිෆුල් කියලා මීහරකියේ…
සැකය මිනිසා විනාස කරයි…..