ඕනෑම දරුවකුගේ ක්‍රියාකාරී බව මධ්‍යම මට්ටමේ තිබිය යුතුය . ක්‍රියාකාරකම් වැඩිවීම හෙවත් අසාමාන්‍ය ලෙස ක්‍රියාකාරකම් වැඩිවීම නම් එය අධික්‍රියාකාරීබවයි. අධික්‍රියාකාරී යනු රෝගයකි.
අධික්‍රියාකාරී දරුවාගේ රෝග ලක්ෂණ නම් එක තැනක එක ඉරියව්වකින් වැඩක් කිරිමට නොහැකි වීමයි. මනස නිතරම එහෙමෙහෙ ගමන් කරයි. ඒ නිසාම අවධානය අඩු වේ. මේ නිසා යමක් ධාරණය කර ගැනීමේ හැකියාව ඉතාමත් අල්පය . මෙවැනි දරුවන් මුලින්ම හදුනා ගැනීමට හැකි වන්නේ පෙර පාසල් හා එක ශ්‍රේණිය ගුරුතුමිය ට ය.
නිවසේ කොතෙකුත් දගකාර කම් කලද පාසලේදී දරුවන් ගුරුවරුන්ගේ අනට කීකරුව සිටී. එහෙත් මෙවැනි දරුවන් තැන් තැන්වල ඇවිදීම, ගස් නැගීම, ගුරුවරුන් ට අකීකරු වීම , ළමයින් සමග නිතරම අඩදබර කර ගැනීම, පන්තියේ කිසිම වැඩක් නොකිරීම . ආදී ක්‍රියාකාරකම් වල අසාමාන්‍යකමක් දැකිය හැකිය . පන්තියේ කලුලෑල්ලේ තියෙන දෙයක් පිලිබඳව හෝ අවදානයක් නොමැති වුවත් බාහිර පරිසරයේ සුලු සෙලවීමකට පවා ප්‍රතිචාර දක්වයි. මෙවැනි දරුවන් පොතේ කිසිම වැඩක් කරන්නේ නැති අතර කිසිම දෙයක් මතකයේ නැත.
සමහර දරුවන් ට කොතෙකුත් ඉගැන්නුවද කිසිවෙක් මතකයේ නැත . අකුරු ලිව්වත් පිල්ලම් මතක නැත. කියවීම ඉතාමත් දුරුවල මට්ටමක පවතී. මේ දරුවෝ ඇතැම්විට වචන ආදේශ කර කියවයි. නැති වචන යොදා කියවයි. මෙවැනි දරුවන් ගේ මොලයේ අඩුවක් නැත. ඔවුන් බුද්ධිමත් ය. එහෙත් ලිවීම කියවීම වෙනස්‍ ය. එය මොළයේ එම කොටසේ ඇතිවන සුලු ගැටලුවකි.
ගුරුවරු විසින් මෙවැනි දරුවන් පිලිබඳ දෙමාපියන් දැනුවත් කලද දෙමාපියන් කරන්නේ දරුවා වෛද්‍ය වරයෙකු ලගට ගෙනියනවා ට වඩා අමතර ගුරුවරු ගෙන්වා අමාරුවෙන් දරුවා ට ඉගැන්වීමයි. දෙමාපියන් බැනවදිමින් දඩුවම් කරමින් ඉගැන්වීම තුලින් විස්වාස කරන්නේ මේ තත්ත්වය පහකර ගත හැකි බවයි.
අධික්‍රියාකාරී දරුවන් පාසල් යාමට අකමැති ය. එහෙත් එයට හේතුවක් නැත. මෙවැනි දරුවන් හදුනා ගැනීමට බොහෝ දෙමාපියන් ට හැකියාව නැත. ඔවුන් හිතන්නේ දරුවා ගේ දඩබ්බර ගතිය , අලසකම නිසා කරන දේවල් ලෙසය. කිසිවිටෙකත් මෙය රෝගයක් ලෙස නොසිතයි . මෙම රෝගීතත්වය වයස අවුරුදු 5 දී පමණ හදුනා ගත හැකිය .
මෙම රෝගයට ප්‍රතිකාර තිබේ . මුල් අවදියේ දී පහසුවෙන් හා ඉක්මනින් සුව වෙන බව මනෝවෛද්‍යවරුන් පවසයි . ඉක්මනින් සුවකර සාමාන්‍ය දරුවකු සේ සමාජ ගත කිරීමට හැකියාව ලැබේ…
උපුටා ගැනීම: ශාන්ති කුමාරි ජයනෙත්ති
ජ්‍යෙෂ්ඨ මනෝ විද්‍යා උපදේශිකා හා මනෝ චිකිස්සක
නවලෝක රෝහල -ගම්පහ
නවලෝක රෝහල – මීගමුව
0774071401. 0714827988