අක්කලා (වැල් වටාරම්)

මන් කතාවට එන්නම්,මන් තමා පවුලෙ බාලයා,මට ඉන්නවා තාත්තයි අම්මලා තුන්දෙනයි,අම්මලා තුන්දෙනෙක් ,

ඔව් මගෙ අක්කලා දෙන්නත් එක්ක,

ලොකු අක්කා මට වඩා අවුරුදු 14ක් වැඩිමල් පොඩි අක්කා 12ක්. මන් තමා ඉතින් ගෙදර පොඩිම පොඩි එකා,පොඩි කාලෙ ඉඳන් අක්කලා දෙන්න තමා මගෙ ඔක්කොම වැඩ කරේ,මට කැව්වෙ පෙව්වෙ නෑව්වෙ,පස්ස හේදුවේ ඒ ඔක්කොම,

අපෙ අම්මම කියනෝ ඉස්සර උබට මාව මතක් වෙන්නෙ බඩගිනි හැදුනාම විතරයි කියල,

මන් තාත්තගෙන් පස්සෙ වැඩියෙන්ම බය පොඩි අක්කට,ඉස්සරත් ඒමයි දැනුත් ඒමයි,අක්කලා ඉන්න මල්ලිලා දන්නවා ඇති,අපි හැරෙනකොට කියනෝ අක්කලා මුගෙ මොකක්ද වෙනස කියල ,

මෑතකදී අපෙ අම්මා කිව්වෙ,ඉස්සර මාව නිදිකරවන්න අක්කලා දෙන්න රණ්ඩු වෙනවලු,මාව එයාලගෙ උකුල උඩ තියලා නිදිකරවන ගමන්ම එයාලටත් හොඳට නිදාගන්න පුලුවන් නෙ,අම්මගෙන් බැනුම් අහන්න ඕනිත් නෑනි එතකොට.

ලොකු අක්කා පොඩි අක්කා වගේ නෙමේ,එයා තරම් සැර නෑ,ඉස්සර මට මතකයි අක්කලා දෙන්නා අහනෝ මල්ලි අපි දෙන්නගෙන් වැඩියෙන්ම කාටද ආදරේ කියල,ඒක එදා දවස අනුව තමා තීරණය වෙන්නෙ,ගොඩක් දවස්වලට මන් පොඩි අක්කා එක්ක රණ්ඩු,ඉතින් වැඩියෙන්ම ආදරේ කියන්නෙ ලොකු අක්කට,

ඉස්කෝලෙ යන කාලෙ ඉතින් එයාල තමා මගෙ පොත්වලට පිටකවර දාන්නෙ,ලොකු අක්කා එක අවුරුද්දක දානවා,පොඩි අක්කා අනිත් අවුරුද්දෙ ,මාරුවෙන් මාරුවට,ඉස්කෝලේ වැඩ කියා දෙන්නෙත් එයාලම තමා,ඉතින් එදාටනම් මන් ගුටි කාලා අන්තිමට අඬ අඬ තමා වැඩ කරන්නෙ,

පොඩි කාලෙ මන් අර පරීක්ශනාගාරවල මීයෙක් වගේ අක්කලා පරීක්ෂණ වල මීයෙක්,එයාල සුදු වෙන්න ලස්සන වෙන්න කහ කෝමාරිකා අරව මේවා දාලා එක එක ඒවා හදනෝ,කරුමෙ කියන්නෙ මගෙ ඇඟේ ගාලා තමා test කරන්නෙ,මාත් මොනවා දන්නවද මාත් ගොනා වගේ ඔන්න ඔහේ ගාපු දෙන් කියල මූණ අල්ලන් ඉන්නවා,එක දවසක් නම් මොනාද ගාලා මගෙ පලු වගයක් දැම්මා,එදානම් තාත්තගෙන් අක්කලා දෙන්නා ගුටි කෑවා,

සාමාන්‍යයෙන් කොල්ලො කොණ්ඩෙ පීරන්නෙ පැත්තටනෙ,අක්කලා මගෙ කොණ්ඩෙ පීරන්නෙ මැද්දෙන්,එයාල සමහර දාට මට ගවුම් අන්දලා මාව කෙල්ලෙක් කරනෝ,මන් හිතන්නෙ එයාල ඒකෙන් අමුතු විනෝදයක් ගත්තා,

ඒත් අපෙ අම්මා බනිනෝ,ඉන්නෙත් එක කොල්ලයි,ඌවත් කෙල්ලෙක් කරන්නද හදන්නෙ කියල ,

අපෙ අක්කලා දෙන්නටම හොඳට නිවේදනය කරන්න පුලුවන්,කථික තරඟ වලට යනෝ,

ඒ දවස් වල මට තමා කියන්නෙ,මල්ලි ඔන්න ඔයා තමා දැන් ප්‍රේක්ෂකාගරයේ ඉන්නෙ,මගෙ කතාවෙන් පස්සෙ අත්පුඩි ගහන්න කියල,

කොහොමින් කෝමහරි අක්කලා දෙන්නම වගෙ මාත් පස්සෙ කාලෙ කථික තරඟ වලට ගියා,ඒත් ඉතින් එයාල ඉස්සරහ මන් තාම කතා කරල නෑ,

ඔන්න ඔහොම දවස් ගෙවුණා,මුලින්ම ලොකු අක්ක තමා ගෙදරින් ගියෙ,මන් හය වසර විතර ඇති,එයාගෙ මගුල් ගේ දවසෙ මට හොඳටම මතකයි,මන් බිම පෙරළි පෙරළි ඇඬුවෙ,ලොකු අක්කත් ගොඩක් ඇඬුවා,පස්සෙ පොඩි අක්කා හිටිය හින්දා ලොකු අවුලක් දැනුන් නෑ,දැන් අවුරුදු තුනකට විතර කලින් පොඩි අක්කත් කසාඳ බැන්දා,

එදා මන් පේන්න ඇඬුවෙ නැති උනාට ගෙදර ඇවිත් ඇඬුවා,

දැන් පොඩි මල්ලි විතරයි තනියම ගෙදර අම්මා තාත්තා එක්ක,මන් තාමත් සමහර දවස්වල රෑට අපේ ඉස්සර මතකවලට යනවා,ඒ කාලෙ මතක් වෙනකොට ඇත්තටම මට ඇඬෙනවා,ඒ මතක වලට මන් ඇත්තටම ආසයි,

ලොකු අක්කෙ පොඩි අක්කෙ මන් ඔයාගෙ පොඩි මල්ලි,මට පොඩි කාලෙ ඉදන් අම්මා කෙනෙක් උනාට ඇත්තටම පිං,

ලොකු ලොකු බලාපොරොත්තු නැ මගෙ පොඩි අක්කෙ ලොකු අක්කෙ,ලබන ආත්මෙත් මගෙම අක්කලා වෙලා ඉපදෙන්න ,ආදරෙයි දෙන්නටම ගොඩක්,

,

උපුටා ගැනීම: Masters Liyanage