දවසක් අපේ යාළුවො කීප දෙනෙක් පොඩි ට්‍රිප් එකක් ගියා..පොඩි වුනත් ට්‍රිප් එක හොඳටම තිබුණා.ඇති වෙනකම් කාලා බීල විනෝද වෙලා.. තේරෙන සිංහලෙන් කිව්වොත් සුපිරිම ෆන් එකක් ගත්තා.
දැන් ආපහු එන ගමන්.කට්ටිය සිංදුවක් එහෙම කියාගෙන එනවා.ඒ වෙනකොටත් කාපු බීපුවාගෙ සැර එහෙම කියන්න තරම් අඩුවෙලා තිබුණෙ නෑ..
ට්‍රිප් එකක් ගියාම හිස් අතින් ගෙදර යන්නත් බෑනෙ..අතරමගදි වාහනේ නතර කලා කඩයක් ලඟ..ගෙවල්වලට මොනවහරි ගන්න ඕන කියල කට්ටියම බැස්සා.. අපේ මේ කියන යාළුවත් ටිකක් වැඩිපුර කාල බීල හිටියෙ..නැගිටගන්න අමාරු වුනත් හැමෝම බහින එකේ මමත් බහින්න ඕන කියල වටපිට බලල ,වාහනේ අල්ලගන්න පුළුවන් තැන්වලිනුත් අල්ලගෙන වාහනෙන් බැහැල කඩේ පැත්කට ගියා…
කඩේට ගියාම මොනවද ගෙනියන්නෙ කියල හිතාගන්න බැරි තරමට හැමදේම තිබුනා.. ඉස්සරහම පැත්තක දොදොල් ,මස්කට්, බූන්දි ,පැණි කජු වගේ සුපුරුදු කෑම ටික..අනිත් පැත්තෙ පළතුරු .. ඇතුලට වෙන්න සෙල්ලම් බඩු, ටෙඩියො වගේ අනම් මනම් ඔක්කොම ටික .කට්ටිය තෝර තෝර එක එක දේවල් ගත්තා..
අපේ යාළුවත් කඩේ කණුවකුත් අල්ලගෙන සෑහෙන වෙලාවක් කල්පනා කලා මොනවද ගෙනියන්නෙ කියලා..හොඳටම හිතලා තීරණයක් අරන් පළතුරු පැත්තට හැරුණා..
“මුදලාලි…මට දෙන්න අලි පේර…”
“කීයක්ද මහත්තයා..”
“ඔය ඔක්කොටම දෙන්න…”
මිනිහ සල්ලි වගයක් දුන්න මුදලාලි අතට..මුදලාලිත් ලෝභ නැතුව උරයක් පිරෙන්නම අලිපේර පුරවල දුන්නා..යාළුවා ඒ ටිකත් අරන් ආයෙත් බස් එකට නැග්ගා..
රෑ මැද්දෙ වගේ යාළුවා ගෙදර ආවා…කාපු බීපු සැරත් තාමත් තිබ්බ නිසා අලිපේර ටිකත් ගෙදර මේසයක් උඩින් තියල මිනිහ ඇඳට වැටුණා…
උදේ ඇහැරෙනකොට යාළුවාට සද්දයක් ඇහෙනවා….අම්මා කාට හරි හොඳටම බණිනවා.මේ උදේම කාටද යකෝ බණින්නෙ… මොකක්ද සිද්ධිය කියලා බලන්න මිනිහත් වැනි වැනී ඒ පැත්තට ගියා..සද්දෙ ඇහෙන හරියට කිට්ටු වෙනවත් එක්කම මේසෙ උඩ තිබ්බ මොකක් හරි සරා..ස් ගාල ජනේලෙන් එළියට පාවුණා….හොඳට ඇස් දෙක ඇරල ඒ දිහා බලද්දි ඒ අලිපේර උරයක් කියලා පොරට තේරුණා….
ඊලඟට අම්මගෙ කටහඩ ඇහුණා..
“මොකටද බූරුවෝ මේ අලිපේර ගැට ගොඩක් උස්සන් ආවෙ…අර ගස්වල පිරිල තියෙන අලිපේර කාල මදි වෙලාද….”
බීපු තරම කොච්චරද කියනවනම්… ඒ වෙනකොටත් හොඳටම ගෙඩි පිරුණ අලිපේර ගස් දෙක තුනක්ම ගෙදර තියෙනවා කියන එකත් මේ දවස්වල ගෙදර ඔක්කොම එපාවෙනකම් අලිපේර කාල ඉන්නෙ කියන එකත් යාළුවාට අමතක වෙලා තිබ්බා..
උපුටා ගැනීම: Saman Athapattu