උණ ගොබ (bamboo shoots) අපේ රටේ ආහාර ලෙස පිළියෙල නොකරන නමුත් චීනය, ජපානය, කොරියාව වැනි අනෙකුත් ආසියාතික රටවල මේවා ඉතාමත් ජනප්‍රිය ආහාර වර්ගයකි. මේවා උණ කිලිල් හෝ බොඩ ලෙස ද හඳුන්වයි.උණ ගොබ වල මෘදු බව සහ රසවත් මෙන්ම පෝෂණ ගුණ නිසා මේවා ආහාර පිණිස යොදාගන්නා අතර ඒවායේ ඇති ඖෂධ ගුණ නිසා ආයුර්වේද පිළියම් වලට ද යොදාගන්නා බව අසන්නට ලැබේ. මේවා එක් කෝප්පයක අඩංගු කැලරි අගය දැක්වෙන්නේ කිලෝකැලරි 14 ක් ලෙසයි. පෝෂ්‍ය පදාර්ථ අතර තඹ (10.89%),විටමින් බී 6 (9.08%),මැංගනීස් (5.91%),සින්ක් (5.09%) ප්‍රධානය. එමෙන්ම මෙවායේ ෆෙනොලික් අම්ල නම් ප්‍රබල ප්‍රතිඔක්සිකාරක අඩංගුය. තවද ඇමයිනෝ අම්ල, කාබෝහයිඩ්‍රේට, ප්‍රෝටීන් , සීනි, මේද සහ ඛනිජ හා තන්තු ද වේ.
- උණ බොඩවල අඩංගු ප්‍රතිඔක්සිකාරක, ප්‍රති-වෛරස්, බැක්ටීරියා නාශක, ප්‍රති-ප්‍රදාහක සහ පිළිකා නාශක ගුණ ඇති අතර ඒවා සෞඛ්‍යයට හානිකර ලෙඩ රෝග වළක්වා ගැනීමට උපකාරී වේ. ඉහළ මට්ටමේ පොටෑසියම් ප්‍රභවයක් නිසා හෘද ස්පන්දනය සහ රුධිර පීඩනය සාමාන්‍ය මට්ටමින් රඳවාගැනීමට උපකාර කරයි.මේවා නිතිපතා පරිභෝජනය කොලෙස්ටරෝල් දුරුකරවන බව සඳහන් වේ.
- මේවා පරිභෝජනයට ගැනීමෙන් බර අඩුකරගැනීමට හොඳ සහයක් ලැබෙන බව පැවසේ. එහි අඩංගුවන්නේ ඊට බාධාකාරි නොවන අඩු කාබෝහයිඩ්‍රේට, කැලරි සහ සීනි මට්ටමකි. ආමාශය බොහෝ වෙලාවක් පුරවා තබන නිසා නිතර කුසගිනි ඇති නොවීමෙන් බර අඩුකරගැනීම පහසුවේ.
- ඒවායේ අඩංගු ෆයිටෝපෝෂක සහ ෆයිටෝස්ටෙරෝල් මඟින් සිරුරේ ඇති හානිකර කොලෙස්ටරෝල් දුරුකිරීමට සහය දේ. එහි ප්‍රතිඵලයක් ලෙස සිරුරේ වඩාත් ක්‍රමවත් රුධිර ප්‍රවාහයක් ඇතිවේ.ග්ලූකෝස් මට්ටම සමතුලිත කරමින් අහිතකර LDL කොලෙස්ටරෝල් මට්ටම අඩුකිරීමට උණ ගොබ පරිභෝජනය ගුණ දේ.විකෘතිතා සහ පිළිකා වර්ධනය වීමේ අවදානම් අවම කරවන ඇමයිලේස්, ෆ්ලැවෝන් සහ හරිතප්‍රද වැනි ෆයිටෝස්ටෙරෝල් වලින් සමන්විතය.උණ ගොබ වල අඩංගු ඛනිජ සහ විටමින් පෝෂක සිරුරේ ප්‍රතිශක්තිකරණය වර්ධනය කිරීමට සහය දේ. ඒ සඳහා මේවායේ අන්තර්ගත ප්‍රතිඔක්සිකාරක ගුණ ද සක්‍රීය දායකත්වය සපයයි.
- උණ බම්බු වල ඇති තන්තු ආහාර ජීර්ණයට සහ බඩවැල් චලනය පහසු කරයි. තන්තු හා අඩු කැලරි ප්‍රමාණයක් තිබීම නිසා බර අඩු කර ගැනීමට මෙය උපකාරී වේ.
- ඒවායේ ඇති යුෂ වල නිර්වේදනික සහ ප්‍රති-ප්‍රදාහක ගුණ ඇති බැවින් වණ සහ බාහිර තුවාල සුවපත් කිරීමට භාවිතා කරයි.
- උණ ගොබ ඵලදායී ලෙස ශ්වසන රෝග සඳහා ප්‍රතිකාර කරයි. රිකිලි වලින් සාදන ලද කසාය පැණි සමඟ ගත යුතුය. රිකිලි දෙවරක් වතුරේ තම්බා කසාය ලෙස සකසාගත යුතුය
- ආයුර්වේද වෛද්‍ය විද්‍යාවේ උණ සාරයට විෂ නාශක ගුණ ඇති බවට විශ්වාසයක් ඇත. ගෝනුස්සන් හා සර්ප දෂ්ට කිරීම් වලට ප්‍රතිකාර කිරීම සඳහා එය යොදා ගනී.
- උණ ගොබ ආමාශ ආබාධ සඳහා ප්‍රතිකාර කිරීමට උපකාරී වේ. උණ කොළ බඩවැල් පණුවන් සහ ආමාශ රෝග තුරන් කිරීමට උපකාරී වේ.
- උණ ගොබ යුෂ තුවාල පිරිසිදු කිරීමට යොදා ගනී.ඇදුම, සෙම් රෝග, පිළිකා සහ ආතරයිටිස් වැනි සෞඛ්‍ය ගැටළු වලට ප්‍රතිකාර කිරීම සඳහා සාම්ප්‍රදායික චීන වෛද්‍ය විද්‍යාවේ උණ ගොබ භාවිතා කරයි.
- පූර්වාරක්ෂා
- ජීර්ණය කිරීමට අපහසු බැවින් උණ බම්බු අමු ලෙස පරිභෝජනය නොකළ යුතුය.
- සයනයිඩ් තුරන් කිරීම සඳහා උණ ගොබ පරිභෝජනයට පෙර තම්බා ගත යුතුය.
- භාවිතයට පෙර නිසි වෛද්‍ය උපදෙස් ලබාගැනීමට සැලකිලිමත්වන්න.
උපුටා ගැනීම: The Lanka Post