අමීර් ඛාන් දුප්පත් මිනිස්සුන්ට ආධාර දෙන්න ගියා. හැබැයි අමීර් ඛාන් අනිත් අය වගෙ බඩු මලු දුන්නේ නැහැ. එයා කරා අපූරු වැඩක්. එයා දුන්නේ ආටා පිටි කිලෝ එක ගානේ. එයා මිනිස්සුන්ට කිව්වා ආටා පිටි කිලෝ එක ගානේ බෙදනවා අවශ්‍ය අය එන්න කියලා. ඉතිං හරියට කෑමක් නැතුව හිටපු ඇත්තටම දුප්පත් මිනිස්සු පෝලිමට ඇවිත් අර පිටු කිලෝ එක අරගෙන ගියා. අමීර් ඛාන් පිටි බෙදලා බැනුම් අහගෙන ගෙදර ගියා. ගොඩාක් අය හිනා වුණා. එච්චර සල්ලි තිබිලත් පිටි කිලෝවක් බෙදුවා කියලා.
හැබැයි මෙන්න මේ කට්ටිය ගෙදර ගිහින් අර පිටි මල්ල ලිහලා බලන කොට ඒ පිටි ඇතුලෙ තිබුණා සල්ලි. රුපියල් පාළොස් දාහක්. ලංකාවෙන් රුපියල් පනස් දාහක් විතර. ඒ මිනිස්සු පුදුම වුණා. ඒ වගේම ඒක අර දුප්පත් මිනිස්සුන්ට ලොකු ශක්තියක් වුණා.
මෙන්න මේ ගැන මුලු ඉන්දියාවම කතා වුණා. මිනිස්සු ඇහුවා
” ඇයි ඔබ මෙච්චර මුදල් බෙදලා දීලත් ඒ ගැන මිනිස්සුන්ට නොකියා දුන්නේ ..” කියලා.
මිනිස්සුන්ට නොකියා මෙහෙම කරපු උදව් ගැන ලෝකෙම කතා වුණා. අමීර් දුන්නා නියම උත්තරයක්. එයා කියනවා
” මං සල්ලි බෙදනවා කිව්වොත් මිනිස්සු පෝළීමේ එන්න පටන් ගන්නවා. සල්ලී තියෙන අයත් එන්න ගන්නවා. සල්ලී නැති අයත් එන්න ගන්නවා. ඒත් මට අවශ්‍ය වුණේ ඇත්තටම අමාරුවෙන් ජීවත් වෙන මිනිස්සුන්ට උපකාර කරන්න. මගෙන් පිටි මල්ල ගන්න පෝලිමේ ආවේ රොටියක්වත් කන්න වත්කමක් නැති මිනිස්සු. අන්න ඒ නිසයි මං පිටි මල්ලක් ඇතුලෙ දාලා ඒ මුදල් බෙදුවේ…ඉතිං මම සාර්ථක වුණා…” අන්න එහෙම කිව්වා.
ඇත්තටම මේ කතාවෙ තියෙනවා විශාල අර්ථයක්. මේ කතාව බුදු දහමෙහි කියවෙනවා ” අපි දෙයක් දිය යුත්තේ ඇත්තටම අවශ්‍ය අයට “කියලා. මේ ලෝකේ මිනිස්සුන්ගෙ ස්වභාවය තමයි තමන්ට ලැබෙන ඕනෑම දෙයක් භාර ගන්න සූදානම් එක. ඒ දෙය තමන්ට අවශ්‍ය වුණත් නැතත් අපහසුවකින් තොරව නම් ලැබෙන්නේ මිනිස්සු ඒ දේවල් රැස් කර ගන්නවා. නමුත් අපි ඇත්තටම දෙයක් දිය යුත්තේ අත්‍යාවශ්‍යම කෙනෙක්ට විතරයි.
උපුටාගැනීමකි.
මූලාශ්‍රය: Chamini Wijesiri