1970 සැප්තැම්බර් මස 15 වන දින වියට්නාමය පුරාම නාපාම් බෝම්බ වර්ෂාවක් එල්ල කල ඇමෙරිකානු හමුදාවන් දහස් ගණනක් ජනතාව මරා දැමීය. එම මහා සටනට නොබියව මුහුණ දුන් වීරෝධාර වියට්නාම් ජනතාව මෙන්ම වියට්කොන් ගරිල්ලන් , ඇමෙරිකානු ගුවන් ප්‍රහාර වලට නිසි ලෙස පිළිතුරු දුන්නේය. එම සටනට මුහුණ දුන් වියට්කොන් ගරිල්ලන් කිසිදු පහසුකමක් නොමැති ඉතා දුෂ්කර තත්වයන් මැද සටන් කල අයුරු සමස්ත ලෝකයම විශ්මයට පත් කල සිදුවීමක් විය. නවීන අවි ආයුධ , අතිශය භයානක බෝම්බ , ශබ්දයේ වේගය පරදවන ගුවන් යානා වලින් සමන්විත ඇමෙරිකානු හමුදාවලට දුගී බවේ පතුලේ ගිලී සිටි , බහුතර ගොවි ජනතාවක් විසු වියට්නාම් ජනතාව සතුව තිබුනේ එඩිබලයෙන් සවිමත් වූ සිත් පමණි. එම සටනේදී තුවාල ලැබූ ඩාන් සුන් හුල් නම් වියට්කොන් ගරිල්ලා නායකයා වෙඩි ප්‍රහාරයකට මුහුණ දීමෙන් පසුව , කා මවු අර්ධද්වීපයේ ගොඩනගා තිබු තාවකාලික රෝහලකදී සැත්කමකට රැගෙන එන අයුරු මේ චායාරුපයෙන් දිස්වේ. . වියට්නාම් යුද්ධය පුරාම සිදුවූ විශේෂිතම සිදුවීම වන්නේ සමස්ත ජාතියම එම යුද්ධයට දායක වී තම මාතෘභුමිය වෙනුවෙන් කැපවීමය. ලෝක ඉතිහාසයේ රන් අකුරුන් ලිවූ ජාතියක් ලෙස වියට්නාම් වරු හැඳින් විය හැක. එකී අසමසම කැප කිරීම් උදෙසාම ඇමෙරිකානුවන්ට කිසිදා අමතක නොවන පාඩමක් උගැන්වීමට ඔවුන් සමත් විය.
උපුටා ගැනීම:
සටහන හා ජායාරූපය : Russell CP Bandarawatta