ඇමරිකා එක්සත් ජනපද ආරක්ෂක අංශ විසින් එරටදී සොයාගත්, පෞරාණික බුද්ධ ප්‍රතිමා යුගලයක් යලි මෙරට ආරක්ෂක අංශ වෙත ලබාදී ඇත. එක්සත් ජනපද ආරක්ෂක අංශ නිලධාරීන් විසින් සොයාගත් මෙම පුරාවස්තු, 2011 සිට 2020 දක්වා සුභාෂ් කපූර් නම් අපරාධ කල්ලි නායකයා ඇතුලු පිරිස සොරාගත් ඒවා යැයි සැලකෙයි.
මේ ප්‍රතිමා යුගලයට අමතරව ඉන්දියාවේ, පාකිස්තානයේ ශ්‍රී ලංකාවෙන් සංස්කෘතික හා ආගමික උරුමයන් ලෙස සැලකිය හැකි මිල කළ නොහැකි කෞතුක වස්තු 2500 කට වැඩි ප්‍රමාණයක් ඒ සමඟ සොයාගෙන ඇත .
ඇෆ්ගනිස්ථානය, කාම්බෝජය, තායිලන්තය, නේපාලය, ඉන්දුනීසියාව සහ ආසියාවේ සහ මැද පෙරදිග වෙනත් රටවලින් සොයාගත් කෞතුක වස්තු වල මුළු වටිනාකම ඩොලර් මිලියන 143 ඉක්මවයි.
අභය මුද්‍රාවෙන් හා විතර්ක මුද්‍රාවෙන් යුත් බුදුරජාණන් වහන්සේගේ ප්‍රතිමා දෙක මහනුවර යුගයට අයත් වන අතර එහි උස අඟල් 14 කි. එක්සත් ජනපදයෙන් ශ්‍රී ලංකාව කෞතුක වස්තු නැවත ලබා ගත් පළමු අවස්ථාව වන්නේ මෙයයි.
උපුටා ගැනීම: Kokila Gihan Withanathanthri