වර්තමාන ලෝකයේ ස්මාර්ට් ජංගම දුරකථන, ටැබ්ලට්ස් වගේ තියෙන කෙනෙක්ව තාක්ෂණික නව සොයා ගැනීම් ගැන කියලා පුදුම කරවන්න බැහැ. ඒ වගේම අද ලෝකය තාක්ෂණය කෘතිම බුද්ධිය ගැන පරීක්ෂණ කිරීමට තරම් දුරකට ගිහින් තියෙන්නේ. ඒ වුනත් දැනට සොයා ගෙන නොමැති අනාගතයේ දී එන්න පුලුවන් කියලා හිතන උපකරණත් වෙළඳපොලේ තියෙනවා.
ඔයා කන්න හදන කෑම එකේ කැලරි කොච්චරක් තියෙනවද කියලා දැනගන්න, ඔයාගෙ සෙල්ෆි එකට හරියටම හරියන ලයිට් කන්ඩිෂන් එක හදාගන්න, ආදී දේවල් වලට පහසු උපකරණ ගැන අපි අනාගතෙන්ම විස්තර හොයාගෙන ආවා.
01. බොන පානයේ උෂ්ණත්වය වෙනස් කළ හැකි කෝප්පයක්
Ember කියලා හඳුන්වන මෙම කෝප්පය මේ වෙනකොට ගොඩක් දෙනා අතර ජනප්‍රියයි. විශේෂයෙන් බ්ලොගර්ස්ල මේ ගැන ගොඩක් රිවීව් කරලත් තියෙනවා. මේ කෝප්පයේ ඇති ඕනැම පානයක උෂ්ණත්වය ෆෝන් එකක ඇප් එකකින් පවා පාලනය කරන්න පුලුවන්.
02. සෙල්ෆෝන් මුද්ද
Nokia Fit ලෙස හඳුන්වන මෙම මුදුව මගින් කන ගාවට ෆෝන් එක ලං කරන්නෙ නැතුව, ෆෝන් එක අතට වත් ගන්නේ නැතුව කෝල් එකක් ආන්සර් කරන්න සහ කතා කරන්න ඉඩ සළසනවා. මේ මුදුව සහිත ඇඟිල්ලෙන් කනට තට්ටුවක් දැමීමෙන් කෝල් එකට පිළිතුරු දෙන්න පුලුවන්. මෙය සාදා තිබෙන්නේ ඕනම කෙනෙක්ට පැලැඳිය හැකි වෙන පරිදි ප්‍රමාණය වෙනස් කර ගන්න පුලුවන්.
03. හෙලෝග්‍රැෆික් තාක්ෂණය
මේ තාක්ෂණය භාවිතා කරලා ඔබේ නිවසේ ලොක් එක විවෘත කරන්න පාස්වර්ඩ් එකගහන්න ඔබට විතරක් පෙනෙනෙ වර්චුවල් නම්බර් පෑඩ් එකක් ලබාගත හැකියි. ඒ වගේම මේ තාක්ෂණයම තමයි වර්චුවල් ගේමින් වලටත් භාවිඔතා කරන්නෙ. ඔබට ඔබේ කෑම මේසය පූල් ටේබල් එකක් ලෙස අරන් සෙල්ලම් කරන්න පුලුවන්.
04. ලේසර් කීබෝඩ්
මෙහි කිසිදු භෞතික බොත්තම් දක්නට නැහැ. කුඩා ඩිවයිස් එකක් මගින් ලේසර් ආධාරයෙන් කීබෝඩ් එකක ෲපය ඔබේ මේසය මත ප්‍රක්ෂේපනය කරනවා. මෙහි වාසිය වන්නේ ඉතා කුඩා ඩිවයිස් එක ඕනෑම තැනක රැගෙන යා හැකි වීමයි. ඒ වගේම මෙහි ඇති එක් අවාසියක් වන්නේ ආලෝකය හොඳින් ඇති තැන්වල මෙම බොත්තම් වල ඇති අකුරු හරියාකාරව පේන්නේ නැති වීමයි. මෙය ඔබට දැනටමත් මිලදී ගන්න පුලුවන්.
05. ස්මාර්ට් එලාම් එක
මෙම එලාම් එක මගින් ඔබට අවශ්‍ය වෙලාවට වඩා විනාඩි 30ක් කලින් ඔබව අවදි කරවනවා. එය එකපාර නෙවෙයි සිද්ධ වෙන්නේ, මේ උපකර්ණය සෙමෙන් හිරු එළියට සමාන ආලෝකයක් නිකුත් කරලා, කුරුල්ලන්ගේ ශබ්ධ ඇහෙන්න සළස්වලා සෙමෙන් ඔබකැමති ගීතය වාදනය කරවනවා. ඒ වගේම මෙහි ශබ්ධ ඔබට කැමති විදියට වෙනස් කරගන්නත හැකියාව තියෙනවා.
06. ලස්සන සෙල්ෆී එකකට ලයිට් රින්ග් එක
මෙය ඔබට ඔබේ ලැප් ටොප් එකේ හෝ ෆෝන් එකේ සවි කරගත හැකි කුඩා ආලෝක මුදුවක්. මෙය ඕනෑම ආලෝක තත්වයක් යටතේ ඔබගේ මුහුණ ලස්සනට පේන්න සෙල්ෆි එකක් ලබා දෙන්න ආලෝක තත්වය වෙනස් කරලා දෙනවා වගෙම තෝරා ගැනීමට මෝඩ්ස් විශාල ප්‍රමාණයකුත්තියෙනවා.
07. නින්දේ ගුණාත්මකභාවය වැඩි කරන රොබෝවෙක්
Somnox කියලා කියන්නේ නින්ද නොයාමේ රෝගයට ප්‍රතිකර්මයක් ලෙස නිපදවූ රොබෝවෙක්. මෙය තුරුල් කරගත හැකි කොට්ටයක් ආකාරයට නිර්මාණය කරලා තියෙන්නේ. මෙය නිදියන පුද්ගලයාගේ හුසම ගැනීමේ රටාව අධයනය කරමින් එය නියාමනය කරන අතර, උදෑසනට හිරු එළියට සමාන ආලෝකයක් නිපදවමින් අවදි වීම ද පහසු කරනවා. ඒ වගේම ඔබට කැමති සංගීතයක් තෝරා ගැනීමටත් හැකියාව තියෙනවා.
08. අංශක 360ක ෆෝන් කැමරාවක්
මෙම ජංගම දුරක්තන කැමරාව නිපදවා ඇත්තේ ජල ප්‍රතිරෝධක ලෙසයි. ඒ නිසා ඔබට මේ මගින් වතුර යට පවා වීඩියෝ කරන්න පුලුවන් වෙනවා. ඒ වගේම මෙහි වීඩියෝ කොලිටි එකත් වැඩියි. ඒ වගේම වයි ෆයි මගින් ඔබට මෙය එවේලේම ප්‍රචාරය කරන්නත් පුලුවන්.
09. ඇතුලත විනිවිද පේන ටෝස්ටරය
ටෝස්ටරය ඇතුලේ තියෙන පාන් කර වෙනවා ගොඩක් වෙලාවට. නමුත් මේ ටෝස්ටර් එකෙන් ඔබට පුලුවන් අවශ්‍ය වෙලාවට එය නතර කරලා කැමති ගානට කර වුණු පාන් කන්න.
10. කෝපි මත චිත්‍ර ඇඳිය හැකි පෑනක්
කෝපි වල චිත්‍ර අඳින එක වෙනම කලාවක්. නමුත් මේ පෑනෙන් ඕනම කෙනෙකුට ලස්සනට කෝපි මත චිත්‍ර අඳින්න හැකියාවක් ලැබෙන්නේ නැහැ.ඒ වගෙම ඔබට මේ සඳහා කුරුඳු කුඩු, සීනි, ක්‍රීම් ආදී ඕනම දෙයක් භාවිතා කරන්නත් පුලුවන්.
11. ආදරේ දනවන ලාම්පු යුවලක්
දුර ඉඳන් ආදරය කරන අයට මේක ඉතාම ආදරණීය නිර්මාණයක්. මෙම ලාම්පු දෙකෙන් එකක් කවුරුහරි දැල්වූවාම කොහේ තිබුණතනිත් ලාම්පුවත් පත්තු වෙනවා. ඒ වගේම පත්තු කරන සෑම වතාවකමවර්ණයත් වෙනස් වෙනවා.
12. කෑම වලට ස්මාර්ට් ස්කේල් එකක්
කැම පාලනය කරන අයට මේ උපකරණය හරිම වටිනවා. මේ උපකරණයේ ආහාර වර්ග 2000කට ආසන්න සංඛ්‍යාව කැලරි ප්‍රමාණයන් මතක‍යේ තිබෙනවා වගේම ඔබට අලුතින් එකතු කරන්න පුලුවන්. ඔබේ ආහාරයේ බර අනුව කැලරි ප්‍රමාණය මෙයින් ඉදිරිපත් කරනවා.
බෝනස් එකක්
බෙල්ල සහ මුහුණට ලෙඩ් මාස්ක් එකක්
මෙම උපකරණය මගින් වෙනස් තරංග ආයාමයන් සහිත ආලෝක තරංග නිකුත් කරමින් මුහුණේ සම වැඩි දියුණු කරනවා. රතු ආලෝකයෙන් කොලාජෙන් නිපදවීම වැඩි කරනවා, නිල් ආලෝකයෙන් කුරුලෑ සුවපත් කරනවා, දම් ආලෝකය වියපත් වීම සමඟ ඇති වෙන තත්වයන් වලට ප්‍රතිකාර කරනවා.
උපුටා ගැනීම: Ceylon journal