අනතුර කියන්නේ කොයි මොහොතේ කොයි ස්ථානයක සිදුවෙන්න පුලුවන්ද කියන එක අපි කාටවත් කියන්න බැහැ. අපි මතක තබාගත යුතු දේ වන්නේ අපි සෑමවිටම කුමණ හෝ අනතුරකට නිරාවරණය වෙලා ඉන්නේ කියන එකයි. ලෝකයේ සිටින සෑම සත්වයෙකුටම පාහේ තමන්ට ආවේණික ආත්මාරක්ෂක උපක්‍රමයක් තියෙනවා වගේම මිනිසාට ලැබිලා තියෙන ආත්මාරක්ෂක උපක්‍රමය තමයි, නිර්මාණශීලී චින්තනය හා තර්ක බුද්ධිය. ඇත්තටම යම්කිසි අනතුරකට පත්වුණු වෙලාවක කලබල නොවී තමන්ට ඒ වෙලාවේ තිබෙන දේවල් භාවිතා කරලා එම අනතුරෙන් ගැලවීමට ඉඩකඩක් හදාගන්න පුලුවන්.
අපි අද ඔබට අරගෙන එන්නේ අන්න ඒ වගේ අනතුරකට පත්වෙලා ඉන්න වෙලාවක උපයෝගී කරගන්න පුලුවන් අපි එදිනෙදා භාවිත කරන උපකරණ හා උපාංග 10ක් පිලිබඳව.
01. චුවින්ගම් දවටනයක් හා බැටරි කැබැල්ලක් මගින් ගින්දර අව්ලා ගැනීම
මේ සදහා අවශ්‍යය වන්නේ එක් පැත්තක ඊයම් ඇති චුවින්ගම් හෝ චොකලට් දවටනයක් හා බැටරි කැබැල්ලක් පමණයි. චුවින්ගම් හෝ චොකලට් කොළය ඊයම් සහිත පැත්ත එලියට සිටින සේ දික් අතට කොලයේ උඩ වම් කෙලවරත් පහත දකුණු කෙලවරත් හරහා නමන්න. ඉන් පසු කොළයේ ඊයම් පැත්ත බැටරි කැබැල්ලේ ධන හා ඍණ කෙලවරවල් වල තබාගෙන ටික වෙලාවක් ඉන්න. ඊයම් කොළය ගිනිගන්නවා.
02. බ්‍රා කප් එකකින් ඉක්මනින් ආරක්ෂක මුව ආවරණයක් සකසාගැනීම
ඔබ හදිසි ගින්න ඇති වූ ස්ථානයක සිර වී සිටින අවස්ථාවකට මුහුණපෑමට සිදුවුනහොත්, ගින්න නිසා හටගන්නා වායු දූෂණය නිසා ඔබට ශ්වසන අපහසුතා වලට මුහුණදීමට සිදුවෙනු ඇත. එම අවස්ථාවට පිළියමක් ලෙසට ඔබ කාන්තාවක් නම් ඔබට ඔබගේ බ්‍රා එකේ කප් එක මුව ආවරණයක් සේ පහසුවෙන් [පරිවර්තනය කරගන්න පුලුවන්. එය හිස වටා බැඳගැනීම සදහා එහිම පටිය භාවිත කළ හැකියි.
03. අයිස් කැටයකින් ගින්දර අවුළුවා ගැනීම
ඔබ කොහේ හරි විනෝද ගමනක් හෝ කෑම්පින්ග් එකක්ට වගේ ගිය අවස්ථාවක ඔබට හදිසියේ ගිනි ගොඩක් දල්වා ගැනීමට අවශ්‍යය වූ විට, ඒ සදහා කිසිම උපකරණයකුත් නොතිබුණ අවස්ථාවක ඒ සඳහා අයිස් කැටයක් උපයෝගී කරගන්න පුලුවන්. හැබැයි මේක කරන්න පුලුවන් දවල් කාලයක විතරයි. පැහැදිලි අයිස් කැටයක් ගෙන එය ඉර එළියට අල්ලා ගෙන සිටීමෙන්, ඉර එළිය අයිස් කැටය හරහා යාමෙන් හැදෙන අලෝක කදම්බය වහා ගිනිගන්නා සුලු වියලි තණකොල වැනි දේවල් දෙසට එක එල්ලේ අල්ලාගෙන සිටීමෙන් ගින්දර ලබාගත හැකිය.
04. ඔබේ සිරුර ක්ෂණිකව උණුසුම් කරගැනීමට ටින්ෆොයිල් භාවිත කරන්න.
ඔබට ඉතා සීතල රාත්‍රියකට ගොදුරුවීමට සිදුවුන හොත් ඔබට පුලුවන් ටින් ෆොයිල් කැබැල්ලක් පොරවාගෙන සීතලෙන් ආරක්ෂාවීමට. ටින් ෆොයිල් වල ඇති ආලෝක පරාවර්තක පෘෂ්ඨය මගින් ඔබේ සිරුරේ තාපය රැකගන්නවා.
05. සනීපාරක්ෂක තුවා මගින් තුවාල වෙලීම
සනීපාර්ක්ෂක තුවා සදහා උපයෝගී කරගන්නේ පළමු ලෝක යුද්ධයේදී ඇමරිකානුවන් තුවාල වූ සෙබළුන්ට සැත්කම් කිරීම සදහා භාවිතා කල සෙලියුකොට්න් ය. එම නිසා හදිසි තුවාලයක් සිදු වූ අවස්ථාවක රුධිරය ගැලීම වළක්වාලීම සඳහා සනීපාරක්ෂක තුවායක් භාවිත කළ හැකිය, එය සාමාන්‍ය බැන්ඩේජ් එකකට වඩා පස් ගුණයක් ප්‍රථිපලදායක ය.
06. කෘමි සතුන්ගේ සපාකෑම් වලින් ඇතිවන කැසීම් වලට ටූත්පේස්ට් භාවිත කිරීම
කුඩා කුඩා කෘමි සතුන්ගේ සපාකෑම් වලට ලක් වූ විට පළු දැමීම් හා කැසීම් ඇතිවෙනවා. මේ වගේ සමහර වෙලාවට අපිට ඒ සදහා වෙන කිසිම ප්‍රතිකාරයක් කරගන්න අවස්ථාවක් නැති වෙන්න පුලුවන්. එම පළු හා කසන ස්ථාන වල ටූත්පේස්ට් ආලේප කොට තියන්න. ටූත්පේස්ට් වේලෙනකොට කැසීමත් නතර වෙලා තියේවී. ඒ වගේම ටූත්පේස්ට් සුළු පිච්චීම් වලටත් මේ විදියට භාවිත කරන්න පුලුවන්. මෙහිදී සුළු පිලිස්සුම් තුවාල වලට පමණක් ටූත්පේස්ට් ආලේප කරන්න මතක තබාගන්න.
07. අපිරිසිදු වතුර එකක් පානයට සුදුසුවන ආකාරයට ෆිල්ටර් කර ගැනීමට ඔබේ ටී ෂර්ට් එක භාවිතා කිරීම
ඔබට වතුර එකක් ෆිල්ටර් කරගන්න අද වන විට නොයෙකුත් ආකාරයේ උපකරණ තියෙනවා. හැබැයි ඔබට හදිසි අවස්ථාවක හෝ පානයට සුදුසු ජලය සොයාගැනීමට නොහැකි අවස්ථාවක ඔබට එවැනි උපකරණ ලඟ නැති අවස්ථාවක් එන්න පුලුවන්. ඒ වගේ වෙලාවක අපිරිසිඳු වතුර එක එක් භාජනයකට දමා එය උඩකින් තබන්න. ඉන්පසු ඔබේ ටී ෂර්ට් එකෙන් හෝ වෙනත් පිරිසිඳු රෙදි කැබැල්ලකින් තීරුවක් ඉරා අපිරිසිඳු භාජනයේ ගිල්වා එක් කෙළවරක් වෙනත් පිරිසිඳු හිස් භාජනයක් අපිරිසිඳු භාජනයට වඩා පහතින් තබා එයට දමන්න. ටික වේලාවකින් අපිරිසිඳු ජලය පිරිසිඳු වී බිංදුව බිංදුව අනෙක් භාජනයට පිරේවි.
08. ගෑරප්පුව ආත්මාරක්ෂක ආයුධයක් ලෙස භාවිතා කරන්න
අපි දන්නවා ගෙදරක වගේම අපිට කොහේ හරි යනකොට වුනත් පහසුවෙන් අරගෙන යන්න පුලුවන් දෙයක් තමයි ගෑරප්පුවක් කියන්නේ. ඔබ සිතනවා ඇති ගෑරප්පුවක් යන යන තැන අරගෙන යන්නේ මොකද කියලා. ඔබට පුලුවන් මේකෙන් සතෙක්ව බය කරන්න වගේම, සොරසතුරු කරදරේකින් බේරෙන්නත්. මොකද ගෑරප්පුවක තියුණු උල් තියෙන නිසා.
09. ඉණ පටිය ආධාරයෙන් දොර ඇරෙන්නේ නැතිවෙන්න වහගන්න
ඔබ සොරෙක්ගෙන් හෝ සතුරෙක්ගෙන් ආරක්ෂා වී කාමරය තුළ සැඟවී සිටින විට දොර පිටින් කාටවත් අරින්න බැරිවෙන්න වසාගැනීම සදහා රූපයේ දැක්වෙන ආකාරයට ඔබේ ඉන පටියකින් එහි සරණේරු වලට දමා තදකරගන්න.
10. සිප් ටයි එක්ක් කැඩීමට සපත්තු ලේස් භවිතා කරන්න
කවුරු හරි කෙනෙක් ඔබව පැහැරගෙන හෝ බලහත්කාරයෙන් රඳවාගෙන ඉන්නවා නම්. ඔවුන් ඔබේ දෑත් හෝ දෙපා බැඳ තබන්න පාවිච්චි කරලා තියෙන්නේ සිප් ටයි එකක් නම්, ඔබට පුලුවන් ඔබේ සපත්තුවේ ලේස් එක භාවිතා කරලා එයින් නිදහස් වෙන්න.
සපත්තු දෙකේ ලේස් ලෙහලා ඒ දෙක තද වෙන්න හොඳින් ගැටගහගන්න. ඔබේ දෑත් භාවිතා කරලා සිප් ටයි එක ෂූ ලේස් එක යටින් තියාගන්න. ඉන්පසු සිප් ටයි එකේ ලේස් එක තදින් ඇතිල්ලෙන පරිදි වේගෙන් ඔබේ දෙපා එහෙට මෙහෙට සොලවන්න. ඉක්මනින් සිප් ටයි එක බිඳී යනවා.
සාමාන්‍යෙන් ඔබේ දෑත් බැඳ තිබෙන විට ඔබේ ස්වාභාවික ශාරීරික ප්‍රතිචාරට වන්නේ දෑත් ඇඹරීමයි. මෙයින් ගැටය තද වෙලා අත් ඇඹරිලා කැපීම හෝ වේදනාවක් ඇති වීම වෙන්න පුලුවන්.
උපුටා ගැනීම: Ceylon journal