මේකත් මේ මටම උන චාටර් සීන් එකක්. කොහේ ගියත් මොනව කලත් පොඩ්ඩක් හරි නෝන්ඩි වෙන ග්‍රහ පිහිටීමක් තමයි මට තියෙන්නෙ. අපේ අලුත් බ්‍රාන්ච් ඕපනිං එකක් කරද්දි ඊට කලින් වටේම ටවුන් වල ඕපනිං එක ගැන කියල කැන්වසිං යනව අනිවාර්යයෙන්. ස්පීකර් සෙට් කරපු වෑන් එකක් තියනව මේවගේ කැම්පේන් වලට යන්න. අපේ
දැන් බ්‍රාන්ච් ඕපනින් එකේදිත් දවස් තුනක කැම්පේන් එකක් කලා. ඒකෙන් එක දවසක එනවුංසිං පාට් එක මට කරන්න කියල බාරදුන්න. මමත් ඉතිං ඕන මගුලකට හාං කියන නිසා මේකත් පැනල බාරගත්ත. කොලේ බලං කියවන්නනෙ තියෙන්නෙ. මුලදි මයික් පොල්ල ගත්තම වොයිස් එක වෙව්ල වෙව්ල තමා පිට උනේ. මෙහෙම දෙයක් කරන පලවෙනි පාරනේ මේ. අනික මගේ කටහඬ සද්දෙට ලවුස්පීකර් එකකිං මටම ඇහෙද්දි මට දැනෙන අප්පිරියාව. පුදුම ලස්සන වොයිස් එකක්නේ මට තියෙන්නෙ. වටපිටාවෙ ඉන්න බල්ලොත් උඩුබුරලනව නෑයෙක් කෑගහනව කියල හිතං. මෙච්චර කාලයක් අනිත් මිනිස්සු කොහොම අහං හිටියද මන්ද, හැබැයි ටික වෙලාවක් යද්දි ගේමක් නෑ වගේ දැනුන. දැං ප්‍රොපෙසනල් එනවුංසර් වගේ වොයිස් එකත් බර කරල උගුරෙ පතුල හරියෙං සවුන්ඩ් එක අරං මයික් එක උඩට අතාරිනව. මියුසිකල් ශෝ එකක ලයින් එකට එනවුන්ස් පාර දීගෙන යනව. ස්ටාෆ් සෙට් එක පිටිපස්සෙ. මම ඩ්‍රයිවර්ට අනිප්පැත්තෙ සීට් එකේ ඉඳගෙන ලෙසටම නිවේදනේ දීගෙන යනව. හති වැටුනම අතරමැදදි ඇඩ් එකක් දාල අපි කයියක් ගහං යනව. ඩ්‍රයිවර් බුවා තමයි කියල දුන්නෙ සවුන්ඩ් සිට්ටම් එක ඔපරේට් කරන විදිය. මතක ඇතුව ඇතුලෙ කතාකරද්දි මයික් එක ඕෆ් කරන්න නැත්තං ගමටම ඔක්කොම ඇහෙනව කියල මෑන්ස් මට මුලිංම කියලදුන්න. අනික ඕන ගොනෙක්ට තේරෙනවනෙ වෙන දෙයක් කියද්දි මයික් එක ඕෆ් කරන්න ඕන කියල.
ඔහොම එනවුංස් පාර දීගෙන යද්දි පාර අයිනෙ ගෙදරක මළගෙයක්. ඒක දැකල සෙනික මයික් එක ඕෆ් කරල මම අපේ සෙට් එකට ඇහෙන්න විතරක් “ඔබට නිවං සුව ලැබේවා….” කියල කිව්ව. ඩ්‍රයිවර්ගෙ කටිං කුනුහර්පයක් පිට උනා. හුටා ඕෆ් වෙලා කියල හිතුවට මයික් එක ඕන් එකේ. ඇතුලෙ අපේ සෙට් එකට විතරක් ඇහෙන්න මම කියපු එක එකෝ සවුන්ඩ් එකක් එක්ක ගම දෙදරන්න ඇහිල. මලගේ ඉස්සරහම. ඩ්‍රයිවර්ට සිහිනෑ. අපේ අම්ම රෙදි මහන මැසිමෙ පැඩල් එක පාගන්න වගේ ඩ්‍රයිවර් ඇස්ලේටරේ පාගනව යටතොල හපාගෙන නියවගෙන ඇස්ලේටරේ උඩ නැගගෙන. පාස්ට් ඇන්ඩ් පියුරියස් එකේ වගේ පිකප් වෙන වාහන නෙවේනෙ මේව. කොච්චර පෑගුවත් වාහනේ යන්නෙ එකට පුලුවං ගානට. මම බය වැඩිකමට මයික් එකේ ගෙඩිය පැත්ත කිහිල්ලෙ ගහගත්ත. දත්මිටි කාගෙන්ස් ඩ්‍රයිවර් පාගනාව ඕන අහක පල කියල වාහනේ. ටික දුරක් ගිල්ල නවත්තල මට කුනුහර්පෙං බනින්න බැරිකමට වෙව්ල වෙව්ල ඩ්‍රයිවර් කියනව ඇයි හත්තලාමේ එච්චර කියලත් මයික් එක වැහුවෙ නැත්තෙ යකෝ මහත්තයෝ. ගුටිකන වැඩ කරන්නෙපා කියල. පිටිපස්සෙ හිටිය එවුං කඳුලු බේරි බේරි හිනාවෙනව.
එක අතකට බැලුවාම නෑ එක්කො අත් දෙකෙංම බලමු ඇයි එක අතක් විතරක්. මම කරපු වැඩේ වැරැද්දක් නෑත් වගේ. නරක දෙයක් නෙවෙයිනේ කිව්වෙ. මියපරලොව ගියපු කෙනාට නිවන්සුවනෙ මම පැතුවෙ. ප්‍රස්නෙ උනේ අපි හිටපු විදියෙයි මං පතපු විදියෙයි අවුල විතරයි. කරුමෙටවත් වාහනේ මළගේ ඉස්සරහ නැවතුනානං මිනිය බිම තියල මාව පෙට්ටියෙ තියල භූමදානය කරනව සුවර් මළගෙදර සෙට්එක එකතුවෙලා.
(පොටෝ එකට මේක ගත්තෙ ඒවෙලාවෙ ඩැයිවර් අයියගෙ මූම මෙහෙක් උන නිසා)
උපුටා ගැනීම: Kasun Gimhana