” මේ බලන්නකෝ අර දසුනි දැන් මැරි කරලා අවුරුදු හතරක් විතර. ළමයෙක් හදන්නෙත් නෑ. ඔහේ දෙන්නා එක්ක රට වටේ ඇවිද ඇවිද ඉන්නවා.ළමයින්ට ආසා නැතුව ඇති අනේ “
ඒත් ඇත්තටම ,
දසුනියි එයාගෙ මහත්තයයි දෙන්න ළමයෙක්ට ගොඩක් ආසාවෙන් නම් ඉන්නේ. ඒ උනාට මොනවාහරි එයාලගේ පෞද්ගලික කාරණාවකට ළමයෙක් හදන එක පරක්කුවෙලා නම්.
” අහන්නකෝ නවීන් දැන් සතියක් විතර කඩෙන්මයි කන්නේ. ෂුවර් එකට ගෑණියි මිනිහයි වලි වෙන්න ඇති”
ඒත් ඇත්තටම ,
නවීන් කඩෙන් කන්නේ එයාගෙ වයිෆ් මේ දවස්වල අසනීපෙන් ඉන්න නිසා නම්.
” අනේ මන්දා අර ජෝඩුවටනම් සල්ලිම තමයි ලොකු. අර අවුරුදු එක හමාරෙ පොඩි දරුවව ඩේ කෙයාර් දාලා යනවනේ. සල්ලි වටිනවද තමන්ගෙ ළමයින්ට වඩා. අඩුම තරමෙ තමන්ගේ දෙමව්පියෝ ලඟ හරි පොඩි එකාව දාලා යන්න පුළුවන්නේ “
ඒත් ඇත්තටම ,
පවුලේ එක්කෙනෙක්ගෙන් විතරක් එන පඩියෙන් එයාලට ජීවත් වෙන්න අමාරුයිනම්, දෙන්නම මහන්සි වෙලා වැඩ කරන්නේ තමන්ගේ දරුවගේ ඉදිරි අනාගතය වෙනුවෙන්නම්, එහෙමත් නැත්නම් තමන්ගේ දෙමව්පියන් අසනීපෙන් ඉන්න නිසානම් එයාලට දරුවා බලාගන්න බැරිවෙන්නේ.
” අර නිමානි දැන් රස්සාවෙන් අයින් වෙලා නේහ්. ෂුවර් එකටම මිනිහා කියන්න ඇති අයින් වෙන්න කියලා. දැන් ඉතින් හැමදේටම මිනිහගෙන් සල්ලි ඉල්ලන්න එපැයි. පිටට පේන්න හිනාවෙලා හිටියට ගෑණි ඉන්නවා ඇත්තේ අවුලෙන් “
ඒත් ඇත්තටම ,
නිමානි රස්සවෙන් අයින් වෙන්නේ එයාගෙ කැමැත්තෙන්නම්, නැත්නම් දෙන්නම එකතු වෙලා ගත්ත තීරණයකටනම්, ඇත්තටමත් නිමානි ඒ ගත්ත තීරණේ නිසා ඉන්නේ සතුටින්නම්.
” ශෙහානියි , අශේනුයි බ්‍රේක් අප් වෙලා නේහ්. දෙන්නගෙන් කාටහරි වෙන එෆෙයාර් එකක් තියෙන්න ඇති “
ඒත් ඇත්තටම ,
ඒ දෙන්නා සම්බන්ධෙ නැවැත්තුවේ එහෙම දේකට නෙමෙයි අදහස් නොගැලපෙන නිසා දෙන්නම සුහදව කතා බහ කරලා එක් තීරණේකට ඇවිත් නිසා නම්.
වටපිටාවේ අය හිතපු විදිය කොච්චර වැරදිද නේද ?
අද ඉන්න ගොඩක් දෙනා කරන්නේ මේ දේ. ඒ තමයි අනිත් අයව විනිශ්චය කරන එක. එහෙම විනිශ්චයක් දෙන්න අපි සීයට සීයක් අනිත් කෙනා ගැන දන්නවද ? පිටින් පේන්න තියෙන දේවල් අල්ලගෙන තව කෙනෙක්ව විනිශ්චය කරන එක හරිද ? ඒ වගේම තවත් අය සමාජ මාධ්‍ය වලදීත් මොනවාහරි පිටින් දකින්න තියෙන දේවල් අල්ලගෙන ඉතාම නින්දාසහගත විදියට අනිත් අයව විනිශ්චය කරනවා.
ඒ දේම අපිට උනොත් කොහොමද දැනෙන්නේ. අපි ගැන වැරදි විනිශ්චයක් තව කෙනෙක් දෙනකොට අපිට සතුටු හිතෙනවද ?
ඉතින් තව කෙනෙක් ගැන විනිශ්චයක් දෙන්න කලින් මේ දේ නැවත නැවත හිතන්න,
අපි හරියටම දන්නවද ?
උපුටා ගැනීම: Buddhi Jayaweera