“ඇසිලින් නැන්දේ මොනවද අද තොරතුරු ?” නන්දෙ කෑ ගැසුවේ ඇතින් එන ඇසිලින් දැකලාය .
“නැන්දේ අද කොයි ගෙදරද කෙල්ල ගෙට වෙලා තියෙන්නේ කොයි උන්දද පැනලා ගියේ ” සිරිපාලද කෑ ගැසුවේ කොල්ලන්ගේ හිනා හඩ මැද්දේය .ගමේ කොල්ලන් එකතු වී වෙසක් කුඩු හදමින් සිටියේ පෝයට පන්සල සරසිමටයි .
“මොකද බෝලාල කෑ ගහන්නේ ” කේන්තියෙන් මෙන් ලගට පැමිණි ඇසිලින් ඇසුවාය .චිත්ත රෙද්දේ ගැටය නැවත තදකරගත් ඇය බුලත් කෙල පාරක් ගැසුවාය .
“නෑ නැන්දේ අද මොනවද නැන්දගේ පත්තරේ අලුත් තොරතුරු ” නන්දෙ ඇසුවේය .
“උබලා මාව විහිලුවකට ගත්තද ? ” පන්මල්ල නැවත නවා අතයට රදවාගත් ඇය කේන්තියෙන් චිත්තයේ ගැටය තද කරගෙන ඇසුවාය .චිත්තයේ ගැටය තද කරගැනීම ඇගේ පුරුද්දකි .
“නැහැ නැහැ නැන්දේ ඉතින් නැන්දා ලග නැති විස්තර ග්‍රාමසේවක උන්නැහේ ලග වත් නැහැ නෙව ” නන්දෙගේ කතාවට උණ පදුරු සුද්දකරමින් සිටි කොල්ලෝ ටික නැවත සිනා විය .චිත්තයේ ගැටය තදකරගත් ඇය ගස්සාගෙන ගොස් නැවතී හැරී බලා බිමට බුලත් කෙල පහරක් ගැසුවාය .
“නන්දෙ බොලා හිනා වේවි කූඩු හද හදා හිටපන් අන්න කුමාර කොල්ලා බොලගේ ගෙට රිංගුවා ” චිත්තයේ ගැටය තද කරගත් ඇය ගස්සාගෙන යන්නට ගියාය .කප කපා හිටි උණ ලීය බිම දැමු නන්දෙ මන්නයද රැගෙන කේන්තියෙන් ගෙදර යන්නට පිටත් විය .
“ඒ අඩේ මන්නේ දීල පල ” පස්සෙන් දිව ගිය කුසුම්සිරි මන්නය උදුරාගත්තේය .
“අද මම ඕකිව තියන්නේ නැහැ ” නන්දෙ බැන බැන යන්න ගියේය .
“ඕකි කියන ඔක්කොම හරි නෑ බන් ….” සිරිපාල කෑ ගැසුවේ කේන්තියෙන් යන නන්දෙ දැකය .
“ඉල්ලගෙන කැවද මන්ද ?” උණ පදුරට මන්න පාරක් ගැසූ කමල් කියුවේය .
“එකනේ අද ඉතින් අර ගැනීට තඩි බවි” සිරිපාල කීය.
“බොරු මොකටද ඇත්තටම නන්දෙගේ ගෑනිට ඔය කුමාර එක්ක කුසු කුසුවක් තියනවා මමත් දැක්ක දවසක් පාරේදී මනමාල හිනාව දා දා හිටියා “
“පද හදන්න එපා බන් හරියට දන්නේ නැතුව “
“කොහොම වුනත් ඇසිලින් නැන්දා බොරුවට කියන්නේ නැහැ “
” හ්ම්ම්ම් “
ඇසලින් යනු ගෙදර වැඩ අහවර වී තිබ්බත් නැතත් ගම පුරා ඇවිදිමින් ගෙවල් ගානේ යන්නියකි. ඉන් හොයාගන්නා තොරතුරු ගම පුරා බෙදාහැරින්නිය .පුරුද්දක් විදිහට විටක් විට කා සිටින ඇය කතා කරන විට කිහිප වතාවක් බුලත් කෙල ගසයි .නිතර චිත්තය තද කරගන්නා ඇය කටකාර ගැහැණියකි .ඇය සමග කට ගසා බේරීමට කාටවත් බැරිය .ඇය ලග ඇති තොරතුරු ග්‍රාමසේවක මහතා ලගවත් නැත .ගමේ වඋන් කියන්නේ එලෙසයි .කොහෙද කෙල්ලෙක් ගෙටවන්නේ ඒකිගේ අම්මටත් කලින් ඇය එය දනී .ඇගෙන් වහන්වී ගමේ කොල්ලෙකුට කෙල්ලෙකුට ආලය කල නොහැක .ඇසිලින් ඉක්මනින් ඔවුන්ගේ ගෙවල් දැනුවත් කරයි . හොර අබුවක් සැමියෙක් ට රහසේ වචනයක් දෙඩීමට ඇයත් සමග නොහැකිය .දකින දකින අය අලුතින් තොරතුරක් වේද දැනුවත් කිරීමට ඇය අමතක නොකරයි .ඇගේ පන්මල්ල ඇය සමග අත්මගනනක බැදීමක් ඇත. ඇය කොතනද එය එතැනය .වැඩිපුර ටිකක් යොදා කිවීම හැරුණු කොට ඇගේ වරදක් නැත .ගමේ කාට හෝ කරදරයක් වූ විගස මුලින් දුවන්නේ ඇයයි .කෙසේ වෙතත් නිතර කියවන ඇගේ කටවහක් නම් නැතැයි ගම්මුන් කියති .
ඇය විවාහ වී මාසයක් යන්නට මත්තෙන් ඇගේ ස්වාමියා පරණ පවුලට එකතුවන්නේ ඇය තනිකර දමාය .මුළු ගමේම තොරතුරු හොයනා ඇයට හොයාබලා විවාහ වන්නට බැරි විය.ඇයට කියලා දරුවෙක් මල්ලෙක් නෑයෙක් නොමැත .දැන් වයස හැටකටත් ලගය.තමන්ට කියා දරුවෙක් නැති ඇය ගමේ කුඩා පැටවුන් නලවන්නේ තමන්ගේ මෙනි .ගැහැනියක් ගෙදර වැඩපොළ කරගන්නා තෙක් දරුවා වඩාගෙන හුරතල් කර උදව්වක් පදව්වක් කරන්නට ඇය පසුබට නොවේ .දරුවා බලාගන්නා තෙක් අම්මට ගමේ තොරතුරු කියන්නටද ඇය අමතක නොකරයි .දරුවන් සමග ගෙදරට සිරව සිටින අම්මට ඇගේ කතා මසුරන් වටී.
“ඉතින් නැන්දේ නන්දෙට කියුවේ නැද්ද ?”
“නොකියා කොහොමද බන් නන්දෙ හොද කොල්ලා මොනවා වුනත් හැබැයි ඒ අම්මන්ඩිනම් අන්තිමයි පොත්තේ රත විතරයි .”
“ඔව් ඔව් එක ඇත්ත” ය ඇසිල්ලෙන් එය අනුමත කරන්නේ ඇසිලින් ඇයට උදව් කරන නිසාය .
“අද එහෙනම් හොද ගෝරියක් ඇහේවි “
“අපිට මොකටද බන් අනුන්ගේ එව්වා ..දීපන් ඔය රෙදි කෑල්ලක් මේකා චු කරා “
දවසම ඔප දුප හොයන ඇය අපිට මොකටද අනුන්ගේ ඒවා යයි පවසන්නේ පත්තිනි අම්මා කෙනෙකු ලෙසයි .
“චන්ඩියා චු කරා නේද ?” ඇය බුලත් කෙල චිත්තයෙන් පිසගෙන දරුවා සිපගනී .”ආච්චිගේ චිත්තේ හෝදලා දීපන් කොල්ලෝ අම්මට කියල” පොඩි එකා කිරි දත පෙන්වා සිනාසෙයි .
“මුදලාලි දෙන්නකෝ පරිප්පු දෙසිය පනහක් ” ඇය ඉනේ ගසාගෙන සිටි සල්ලි කොලයක් මුදලාලිට දික් කරාය.
“මොනවද ඇසිලින් ඉතින් විස්තර “
“කුමාරිගේ ලොකු කෙල්ල ගෙට වෙලානේ මුදලාලි යන්න ඕනේ පිටි ටිකක් වත් කොටලා දීලා යන්න “
“එව්වා හොද වැඩ “
“ඔය කුමාරිගේ ලොකු එකී ඉන්නවා නේද මුදලාලි අවුරුදු දහතුනයි .පුදුම දන්ගලයක් තියෙන්නේ .පොඩි සුරිය ගේ බාල කොල්ලා එක්ක හරි හරියට මනමාල කොම .කාට කියන්නද ඕවා “
“අම්මප ඇසිලියෝ”
“මම මොකටද බොරු කියන්නේ මුදලාලි බලන්නකෝ හෙට අනිද්දා දිහාට ඕකි පැනලා නොගියොත් “
“මේකි මරන්න එපයි “
“ඒකනේ මුදලාලි අපිට මොකටද ඔය අනුන්ගේ එව්වා .දෙන්නකෝ මුදලාලි ඉතිරි සල්ලිවලට විටක් “
බඩු ටික අර ගත් ඇය යන්නට යයි.මුදලාලි නම් තවමත් හිතන්නේ ගමේ පොඩි උන්ට ගිය කල ගැනය .ඇසිලින් කඩෙන් එලියට බහින විට බසයෙන් බැස්සේ සිරිමලී ය .
“අ නැන්දේ කොහෙද මේ “
“කඩේට ආවා “
“අහ් ඇත්තද. දැන් එන්නේ .හවස් වුනා අද ටිකක් වැඩ වැඩි “
“වැඩනම් ඉතින් උබට නැතැ කෙල්ලේ පරක්කු වෙන්න .අර මෝටර් බයිසිකල් කාරය ගම වටේ කැරකෙන්නේ උව මුනිච්චි වෙන්නත් ඇතිනේ ” චිත්තය ගැට ගසාගත් ඇය බුලත් කෙල පහරක් ගැසුවාය .මුහුණ කළු කරගත් සිරිමලී යන්නට ගියාය .
“මොකද බොලා මට පුප්පන්නේ .ලොකු අතු අල්ලලා බලපන්කො වෙනදේ ” බුලත් කෙල පහරක් ගසා චිත්තය තද කරගත් ඇය “අපිට මොකෝ අපේ උන් නෙමේනේ මහා උන් දැනගන්න එපයි ” කියමින් යන්නට ගියාය .
කිවත් වගේ පෝය දෙකක් යන්නට මත්තෙන් කුමාරිගේ ලොකු එකී පොඩි සුරියගේ බාල එකා එක්ක පැන ගියාය .ඇගේ අනාවැකි කවදත් ඇත්ත වේ . සිරිමලිද නොබෝ දිනකදී හඩමින් බසයෙන් බැස ගෙදර යනවා මුදලාලි දැක තිබුණි .
“අය්යෝ අපේ ලොකු හාමුදුරුවෝ “
පන්සලේ ගන්ටාරෙටත් කලින් කෑ ගසමින් ඇසිලින් ගම වටේ දියුව නිසා හදිසි පපුවේ අමාරුවක් හැදුනු හාමුදුරුවන්ගේ දිවි ගලවාගත හැකි විය .ඇසිලින් හතර පෝයටම සිල් ගනී .පන්සලට ලැදි උපාසිකාවකි .
වෙසක් දවසේ පන්සලේ වෙසක් කුඩු එල්ලා සරසා තිබුණි .නන්දෙ පමණක් සහබාගි නොවුනුනේ එදා වෙච්ච සිද්ධියට ඇති වූ ලැජ්ජාව නිසාය .
සිල්ගත් ඇසිලින් බොහෝ සැහැල්ලු මුහුණින් බන අසයි .
“මේ උපාසක නෝනලා මහත්තුරු මොකටද අනුන්ගේ දේවල් හොයන්නේ ඒ ඒ අය තමන්ගේ ගැටළු විසදගනී .නෙව ” අනුන්ගේ දේවල් සෙවීම ඕපාදුප කිවිමේ අදිනවා ගැන හාමුදුරුවෝ දීර්ග බණක් කියුවේය .ඉස් ඉස්සෙල්ලම සදු කාර දුන්නේ ඇසිලින්ය .
සුදෝ සුදු වතින් සැරසී සිල් සමාදන් වී සිල්වත් ගමනින් ඇසිලින් කඩයට ගොඩ වුයේ යනින් ගමන් අඩුම කුඩුම ටිකක් ගැනීමටයි .
“මොනවද ඇසිලින් අද බනට කිවේ කොහේ එන්නද බන් මේ කඩේ වැහුවොත් ගමම බඩගින්නේ “
“අනුන්ගේ දේවල් හොයන්න එපා කියුවේ ඔපදුප හොයන එකේ ආදීනව කියුවා .හොද වැඩේ මේ ගමේ එකිලට ඕන්නැති මගුල් මනේ හොයන්නේ “
“එහෙනම් එහෙනම් ” මුදලාලිට කට කොනකට ආපු හිනාව වලක්වගත්තේ ඇසිලින්ගේ කට හොද නැති නිසාය .
“විටකුත් දෙන්න මුදලාලි” බඩු ඇසිලින් මුදල් ගෙවා චිත්තය තදකරගෙන යන්නට පිටත් විය .
“එහෙනම් අපි ගොහින් එන්නම් මුදලාලි “
“හොදා හොදා “
“අහ් තව ටිකෙන් අමතක වෙනවා නෙව “
“මොකද්ද ඇසිලින් “
“මුදලාලිගේ ලොකු එකා අපේ සුරනිමල් මහත්තයා”
“ඔව් ඔව් ඉතින් “
“අර කමලානි “
“කවුද”
“ටිකිරි බණ්ඩා කසිප්පු පෙරන්නේ එකාගේ මද්දුමී “
“ඔව් ඔව් අර සුදුවට ඉන්න කෙල්ල ඉතින්”
“පෙරේදා හැන්දෑවේ නාන්න ආවා ඒකිගේ පිට කුණු අතුල්ල අතුල්ල හිටියේ “
“අපේ එකා “
“නැතුව නැතුව .පැහෙන්නේ නැනේ මුදලාලි ඒකිට අහු වුන කියන්නේ කොඩිවිනයක් හුනියමක් වගේ තමා”
චිත්තය තද කරගෙන බුලත් කෙල පහරක් ගැසූ ඇසිලින්
” අනුන්ගේ දේවල් එත් ඉතින් නොකියා බැනේ මුදලාලිට “
මුදලාලි හිසේ අත ගසගත්තේය .
කඩේ වැඩකරන කොලුවා බණ අසා ගෙදර යන උපාසක ඇසිලින් හා කඩේ මුදලාලිගේ මුණ මාරුවෙන මාරුවට බලා එලියට පැනීමට ආපු කිචි බිචිය අතින් වසාගෙන කඩේ පිටපස්සට දිව ගියේය .
-නිමි .-
පසු වදන
__________
“උණ පුරුකේ බලු වලිගෙ දැම්මත් ඇද ඇරෙන්නේ නැහැලුනේ ” ජිවිතේ ගොඩක් පැරදුන මිනිස්සු තමා ගොඩක් අනිත් අය ගැන හොයන්නේ .නමුත් ඇසිලින් වගේ හිත හොද කට හොදනැති මිනිස්සු මේ ලෝකේ ඕන තරම් .යම් කෙනෙකු තමන්ට කරන කියන දෙයක් මත තමන්ගේ ජිවිතේ අරමුණු දුර්වල කරගන්න එපා .තමන් නිවැරදිනම් නිහඩව ගමන යන්න.පිළිතුරු දීමට කලබල නොවන්න .ක්‍රියාවෙන් පිළිතුර පෙනෙන්නට හරින්න .ස්තුතියි
කතාවක් දෙන්න ටිකක් පරක්කු වුනා එකට සමාවෙන්න මේ දවස් වල විභාගයක් තියනවා රැකියාවත් එක්කත් ටිකක් කාර්යබහුල වුනා . කතාවක් පරක්කු ඇයි යයි සොයා බැලු රසික හදවත් වලට ස්තුතියි .විභාගේ ඉවර වෙනකම් ටිකක් හෙමින් තමා කතා දෙන්න වෙන්නේ එකට සමාවෙන්න .
ඔබ කියවා ඇත්තේ කතාව පමණක් නම් “ආදරණිය ලියුම ” “තිබිරිගේය ” “කතුවරයා ” “ළමා ලියක් ” “අප්පච්චි ” “සිරකරු” “සිස්ටර් මරියා” ” කඩුල්ල අද්දර” “දුගේ දීගේ” යන කතා කියවා ඔබගේ අදහස් දක්වන්න .ඔබගේ අදහස් මට මහත් වූ දිරියක් වේ .
උපුටා ගැනීම: උපේකා රුවන්ති අතපත්තු