මේ සිද්ධිය වුනේ මීට මාස කිහිපයකට පෙරයි.ලස්සන සුදු තරුණ ගැහැණු ළමයෙක් තරුණ කාන්තාවක් එක්ක දවසක ආව මාව මුණගැහෙන්න .
“මිස් මේ මගෙ දුව මෙයා දැන් ටික දවසක ඉදන් පොඩ්ඩක් වෙනස් .ඒකයි මිස් හම්බවෙන්න ආවෙ “
“එහෙම වෙනසක් මට නම් පේන්නෙ නෑ ඔය ඉන්නෙ ලස්සනට ” මම කිව්වෙ ඒ දරුව මානසිකව වට්ටන්න හොද නැති නිසා.
මට ඔය වයසෙ දරුවන් ගැන ඕන තරම් අත්දැකීම් තියෙන නිසා ඒ දරුව අපේ දරුවන්ට හදුන්වල දීල අම්මව තනියෙන් තියන් ප්‍රශ්න කීපයක් ඇහුවෙ පොඩි පොඩි ගැටළු ටිකක් පෙනුන නිසයි .
“දුවගෙ යාළුවෝ කොහොම අයද ,ෆෝන් එක පාවිච්චි කරන්නෙ කොහොමද , වැඩියෙන්ම කතා කරන්නෙ කාටද ” වගේ දේවල්
“අනේ නෑ මිස් මෙයා එහෙම ෆෝන් එක ගන්නෙත් නෑ ඔන් ලයින් ක්ලාස් වෙලාවට විතරයි ගන්නෙ .එහෙම යාළුවෝ ඇසුරකුත් නෑ වැඩිය .ගොඩක්ම ගුරුවරුන්ට තමයි කෝල් එකක් හරි ගන්නෙ .කොහෙවත් තනියම යන්නෙත් නෑ .ගියත් යන්නෙ මාත් එක්ක .ටීචර්ගෙ බෝඩිමට යනව දන්නෙ නැති දෙයක් අහගන්න .මහත්තයා තමයි ගිහින් අරින්නෙ ඒත් .කියන්න තරම් දන්න තරමින් ප්‍රශ්නයක් නෑ ” කිව්ව .
“එහෙනම් අමුතුයි කියන්නෙ ඇයි ” “පොඩි දේටත් අඩනවා .තරහ යනව ,මාව පේන්න බෑ ” ඒ අම්ම කිව්ව .
හ්ම් සාමාන්‍යයෙන් ඔය වයසෙ ළමයි එහෙම තමයි .දරුවන්ගෙ එක එක අවදි තියෙනවා .අවුරුද්දෙ ඉදන් අවුරුදු පහක් විතර වෙනකල් දරුවො හිතන්නෙ
” අම්ම තමයි මගෙ මුළු ලෝකෙම කියල ” අවුරුදු පහේ ඉදන් දහය විතර වෙන අතර කාලෙ දරුවො හිතන්නෙ “අපේ ටීචර් තමයි හැමදේම දන්නෙ .ටීචර් අපේ අම්මට වඩා දේ දන්නවා කියල “
දහයත් පහලොවත් අතර කාලෙ හිතන්නෙ
“යාළුවෝ තමයි හැමදේම දන්නෙ අපේ අම්මල මොනවද දන්නෙ කියල ” ඉතින් මේ අවදියෙ දරුවන්ගෙ හෝමෝන වර්ධනයත් එක්ක කුතුහලය වැඩි වෙනව .අදහස් බෙදා හදා ගන්නවා .ඒ කාලෙට ටිකක් විතර අම්ම මොකුත් කිව්වම තරහ යනව .මේක සාමාන්‍යයි ” කිව්වට ඒ අම්ම ඒක පිළිගන්න කැමති වුනේ නෑ .
“හරි එයා එළියට යන්නෙ ඔය ටීචර්ගෙ ගෙදර විතරද ? “
” ඔව් මිස් ටීචර් කිව්වට එයා ඉස්කෝලෙ උගන්වන කෙනෙක් නෙමේ ප්‍රයිවට් ක්ලාස් කරන්නෙ .ළමයි පස් දෙනයි ඉන්නෙ ගෲප් ක්ලාස් එකක් ටීචර්ත් ගෑනුකෙනෙක් එන්නෙත් ගෑනු ළමයි මයි .එතන නම් ප්‍රශ්නයක් නෑ .”
” ඔයා පංතිය ඉවර වෙනකල් ඉන්නවද “
” නෑ එයාගෙ අප්පච්චි තමයි පංතියට දාන්නෙ .දාල එනව ඉන්නත් බෑනෙ ටීචර් තරුණ කෙනෙක් බැදලත් නෑ බෝඩිමේ ඉන්න නිසා කැමති නෑ පිරිමි එතන ඉන්නවට “
” අනිත් දවසෙ ඔයා ගිහින් පංතිය ඇරෙනකල් ඉදල එක්කන් එන්න ” මම කිව්වෙ කෝකටත් වැඩි හොදට
” ඉන්න නම් ඕන නෑ මිස් අනිත් ළමයි ගියත් ටීචර් මෙයාගෙ අප්පච්චි එනකල්ම මෙයා තියා ගන්නවා .”
අම්මට මොකුත් කියල වැඩක් නැති නිසා දරුව තනිකරල කතා කරා .
” පුතේ ඔයාට හොද අනාගතයක් තියෙනව ,ඩොක්ටර් කෙනෙක් වෙන්න වුනත් පුළුවන් .ඒත් ජීවිතේට හම්බවෙන සමහර මිනිස්සු නිසා ඔයාට ජීවිතේ වරදින්න පුළුවන් .මේ හම්බවෙන අය පිරිමි විතරක් නෙමේ ගැහැණු අය වෙන්නත් පුළුවන් . සමහර රහස් දේ කාටවත් නොකිය ඉන්නව ඔයා .තියෙනව නේද එහෙම ප්‍රශ්නයක් .මම ඇහැව්වෙ කවුරු මොනව කිව්වත් එහෙම දේ හදුන ගන්න පුළුවන් නිසා .හුගක් වෙලා කතා නොකර හිටිය ඇය .මමත් ඇයට ඉඩ දුන්න .මාව විශ්වාසයි කියල හිතුන නිසාද කොහෙද ඇය කටහඩ අවදි කලා .
“ඔව් මිස් මිස් කිව්වෙ ඇත්ත . අපේ ටීචර්ට මන් ආදරෙයි .මට එයාව ඕන .ටීචර්ත් මට ගොඩාක් ආදරෙයි .එයා කියනව පිට රටවල ගැහැණු ගැහැණු මැරි කරනව කියල .ඒක වරදක් නෙමේ කියල .මට අම්මට මේව කියන්න බෑනෙ එයාට ඒක තේරෙන්නෙ නෑ .පංති නැති දවසට මට අම්මව පේන්න බෑ මම හිතුනොත් ටීචර් එක්ක පැනල යනව කොහෙට හරි අම්මව නොපෙනෙන්න “
කිසිත් නොකියමි .
උපුටා ගැනීම: කාංචනා පෙතියාගොඩ