අති දක්ෂ රුසියානු චායාරූප ශිල්පීන් දෙදෙනෙකු වන වඩීම් මකොරොව් හා විටාලි රස්කොලොව් උස් ස්තානවලට නඟිමින් භයානක හා චමත්කාරජනක චායාරූපකරණයට සමත්කම් දැක්වූ මිතුරන් දෙදෙනෙක්. ඒ බව ලොවට පෙන්නුම් කිරීමට ඔවුන් දෙදෙනා ලෝකයේ විවිධ උස ස්තාන හා උස ගොඩනැගිලි මතට නඟිමින් චායාරූප ගෙන ප්‍රසිද්ධ කලා. ඒ අතරින් එක් වැදගත් සිදුවීමක් මොවුන්ගේ ජීව්තයේ පෙරලියක් කලා. ඒ චීනයේ උසම ගොඩනැගිල්ල වන ෂැංහයි කුළුන තරණය කිරීම. මොවුන් මේ ක්‍රියාවේ නිරත වෙන්නේ කිසිවකුගේ අවසරයකින් තොරව හොර රහසේ. කෙසේ නමුත් දෙමිතුරෝ තම ජීවිතය පවා අවදානමේ හෙලමින් මෙම ක්‍රියාවේ නිරත වන්නේ අවම ආරක්ෂක උපකරණ භාවිත කරමින්. ඒ වගේම මොවුන් මෙම ගොඩනැගිල්ල තරණය කරන අවස්ථාවේ එම ප්‍රදේශයේ කාලගුණ තත්වය ගැන පවා තැකීමක් මොවුන් සිදුකරන්නේ නෑ. කෙසේ නමුත් ගොඩනැගිල්ල තරණයේ පටන් පැය දෙකකින් පමණ පසු අයහපත් කාලගුණය හා වලාකුළුවල බලපෑම නිසා මොවුන්ට නොසිතූ කරදරවලට මුහුණ පාන්නට වුණා. ඔවුනට පැය 18 පමණ කාලයක් එකම තැනකට වී රැදී සිටින්නට සිදුවුනේ කාලගුණ තත්වය යහපත් අතට හැරෙන තෙක්. කොහොම නමුත් තම ත්‍රාසජනක ගමන මඟදී අත් නොහළ මිතුරන් දෙදෙනා තවමත් වැඩ අවසන් නොකල ගොඩනැගිල්ලේ මුදුනේ ඇති යාන්ත්‍රික උපකරණය මතට ලඟාවී චායාරූප ගන්නට සමත්කම් දැක්වූවා. ඔවුන් ලබාගත් චායාරූපවලට ඉමහත් ප්‍රසිද්ධියක් ලැබුනත් මොවුන් දෙදෙනා සිදුකල නීතිවිරෝධී ක්‍රියාව නිසා චීන නීතිය යටතේ දඩුවම් හිමිවු අතර මොවුන්ගේ ගමන් බලපත්‍ර පවා අවලංගු කෙරුනා….
මෙම සිද්ධිය ලොව පුරා කතාබහට ලක්වූයේ මොවුන් ලබාගත් පහත චායාරූප ලොව පුරා ප්‍රසිද්ධ වීමත් සමඟයි…
උපුටා ගැනීම: විපරම