ආත්මීය සගයා (soulmate) (වැල් වටාරම්)

තමන්ගෙ විරුද්ධ ලිංගිකයාව හදුන්වන්න මේ වචනෙ භාවිතා කරනව..ඉතින් කොහොමද මේ වචනෙ හැදුනෙ??

මේක එන්නෙ ග්‍රීසියෙන්…

කලෙකට ඉහත මිනිසා පරිපූර්ණත්වයෙන් නිම කිරීමට මහ දෙවියා වූ සියුස් කටයුතු කලා.. ස්ත්‍රී ශරීරය හා පුරුෂ ශරීරය එකට එකතු වෙලා තිබුණු නිසා මිනිසා හිටියේ ලොකු ආඩම්බරයකින්..

ඉතින් මිනිසා තුළ ගැටලු තිබුනේ නෑ.. ප්‍රීතිය, සොම්නස සහ බලය අතින් ඔවුන් ඉතා ප්‍රබල තැනක හිටියා..

කලක් යද්දී මේ තත්ත්වය දෙවිවරුන්ටත් අභියෝගයක් වෙන තැනට ආව..මිනිසා දෙවිවරු ගණන් නොගන්නා තත්වය දක්වා මේක ප්‍රබල උනා..

ඉතින් දෙවිවරු එකතු වෙලා මිනිසුන්ව මෙලොවින් තුරන් කිරීමට පෙළ ගැසුනා..ඒත් එක පරහක් තිබ්බා..තමන්ට පුද පූජාවන් පවත්වන කිහිප දෙනා හෝ නිසයි දෙවිවරු පැවතුනේ..ඉතින් ඔවුන් සියල්ලන්ම මරා දැම්මම දෙවිවරුත් නිකන්ම නැතිවෙලා යනව..

මේකට උත්තරේ දෙන්න සියුස්ම ඉදිරිපත් උනා…

ඔහු මිනිසාව හරි මැදින් කොටස් දෙකකට කැපුවා..කපල ලෝකෙ පුරා විසුරුවා හැරියා..

එදා ඉදල මිනිසා කියන ප්‍රපංචය නැති වෙලා ගැහැණිය සහ පුරුෂයා කියන ප්‍රපංච බිහි උනා..

එදා ඉදල ප්‍රශ්න ඇති උනා…ඉජ්ජාභංගත්වය, බලාපොරොත්තු නොමැති වීම, දුක, භය ආදී සෘණ ආකල්ප මෙලොවට ආවා..

කෙනෙක් සම්පුර්ණ වෙන්න මේ ප්‍රපංච දෙක එකට එකතු වෙන්න ඕන උනා..හැමෝම තමන්ගේ නැතිවූ භාගය හොයන්න ගත්තා..සමහරු ඒක තමන්ගෙ ‍රටෙන්ම හොයාගත්ත..සමහරු වෙන රටවල් වලින් හොයාගත්ත..සමහරු මේ මගේ භාගෙ කියල හිතාගෙන ඉන්න කෙනා සමග කාලය ගතකරනකොට පසු කලෙකදී ඇත්තටම ඔහුගේ හෝ ඇයගේ ආත්මීය භාගය වෙනත් අයෙකු සමග හෝ තනිවම සිටියදී හෝ හමුවී තිබුණා..ඉතින් ප්‍රශ්න ඇතිවෙන්න ගත්තා..

මිනිස්සු ආයෙමත් දෙවියන් යදින්න ගත්තා..

ඉතින් මින් සමහරු තමන්ගෙ කපල දාපු අනිත් කොටස හොයාගත්ත එවිට තමන් සම්පූර්ණයි කියන සිතුවිල්ල ඇති වෙන්න පටන් ගත්තා.. තවත් සමහරුන්ට බැරි උනා..

තමන්ගෙ ආත්මීය සගයා නැතිනම් soulmate කියන්නෙ අර නැතිවූ ප්‍රපංචයට..

සමහරු ඇත්තටම තමන්ගෙ soulmate හොයාගත්ත තවත් සමහරු මේ තමන්ගෙ soulmate කියල වෙන අයෙකුට රැවටුනා..

ඇත්තටම තමන්ගෙ soulmate තමන්ගෙ ඉදිරිපිටට ආවම තමන් කරන්නෙ මොකක්ද කියල දෙදෙනාටම වැටහීමක් නැහැල්ලු..

ස්වාභාවිකවම අර ශරීර දෙක එකතු වෙලා පරිපූර්ණත්වයට පත් වෙන්න උත්සාහ කරනවලු..

මේක ගැන අත්දැකීම් ඇති අය වගේම නැති අයත් ඇති..

හැබැයි මෙය සංකීර්ණ මිනිස් හැසිරීම් හා ලිංගිකත්වය මත ඇතිවන ආකර්ෂණය මෙන්ම ඒ හා සම්බන්ධ ගැටලු පෙර දවසේ පඩිවරයකු විසින් උත්කර්ෂණයට නැගූ ආකාරය වෙන්නට ඕන..

කතාව රසවත් සහ මොකක්දෝ ගුප්ත හැගීමක් එන නිසා එය ඔබ සමග බෙදාගැනීමට සිතුනා..

උපුටා ගැනීම:  Mahesh Neranjan Palliyaguru