ඔන්න අලුත වෙඩින් එක බැන්ද ජෝඩුවක් තමන්ගේ විවාහයෙන් පස්සෙ හා හා පුරා කියලා කුලී නිවෙසක පදිංචියට ගියාලු. කුලී නිවසක් කිව්වට ඒක බොහොම නිස්කලංක පැත්තක නඟරයට මෑතින් තිබුණ නිවසක උඩුමහලක්. උඩ තට්ටුවේ අලුත බැන්ඳ ජෝඩුව. යට තට්ටුවේ ගෙදර අයිතිකාර නෝනයි , එයාගේ ලොකු දුවයි බබාලා දෙන්නයි. ලොකු දුවගේ හස්බන්ඩ් පිටරටක ලු.
ඔන්න දැන් ඔය විදියට කල දවස දැහැමෙන් සෙමෙන් පෙමෙන් අඩු නොමැතිව කෙමෙන් කෙමෙන් ගෙවෙද්දි මේ කපල් එකේ තරුණ ගෑල්ලමයා හැමදාම හවසට ඉන්නේ මූණ මෙන්න මෙහෙක් කරගෙනලු. මේක අපේ අලුත බැන්ද මනමාල මහත්තයා ට පුදුම ප්‍රශ්නයක් උනාට ඇහුවට ඇහුවට මේ ගෑණි කියන්නෙම
” මොකුත් නෑහ් අනේ…” කියලා විතරමලු. ගැහැණු මොකුත් නෑ අනෙව් කිව්වොත් ඒ කියන්නේ පරමාණු බෝම්බ අසුපහක විතර බලය සහිත ලොකු බෝම්බයක් පිපිරෙන්න ඔන්න මෙන්න කියලා දන්න අපේ මිත්‍රයා එක දවසක් උදේ යද්දි වයිෆ්ට කිව්වලු… මං ඔෆිස් ඇරිලා එද්දි සැන්දෑ අහස වගේ සැරසිලා ඉන්න මං ඔයා ස්වර්ග රාජ්‍යට රැගෙන යන්නම් කියලා හැන්දෑවේ එක්කරන් ගියාලු බත්තරමුල්ලේ සෙන්සාල් එකට. අන්න එතනදි පොඩ්ඩක් නිදහසේ කතා කරද්දි වයිෆ් කිව්වලු විස්තරේ.
” අනේ බබා ගෙදර ඇන්ටි උදේ ඉදන් හවස් වෙනකන් මට හින්ට් පාස් කරනවා , ප්‍රශ්න අහනවා ප්‍රෙග්නන්ට් නෑනේද තවම කියලා…”
ඒ විතරක් නෙමෙයිලු. උන්දාගේ දුවත් හවුල් කරන්, තව අහල පහල ගොසිප් ලංකා සංසඳේ අයත් ,ගෙදරට යන හැමෝමත් හවුල් කොරන් මේ දවල් දවසේ තනිපංගලමේ ඉන්න ගෑල්ලමයට සං sir ගේ කරන ආකාරයේ ඉඳලා වින්නඹු වැඩේ වෙනකන් විස්තර කරනවලු, අත්බේත් කියනවලු, දොස්තර වරු ගැන, දරු පල ලබාදෙන කට්ටඬියෝ, රුක් දෙයියෝ….පල් ගස් යට දෙයියෝ ගැන හෙම හෝඩුවාවල් කියනවාලු. ඒ විතරක් නෙමේලු
දුව දවල්ට නිකන් ඉන්න එකේ අපි ඒ දේවාලේට ගොහින් කපු මහත්තයා හම්බේලා එමු කියලා යන්නත් අඬගහනවලු. මලම මඟුලක් ලු.
හුටාපරි ජාලා…කිව්වලු.අපේ බුවාටත් මල හොඳම එකෙන් පස් පාරක් විතර පැන්නලු. ඒත් මේ හදිස්සියේම ආපහු ගෙවල් හෙවිල්ලේ ආදීනව දන්න නිසා දහසක් හේතු සාධක දේශනා කරලා මෑන්ස් වයිෆ් ගේ හිත හදලා ශේප් කරලා ආපහු ගෙදර එක්කරන් ගිහින් වාහනෙන් බිමට බැස්ස විතරයි ගෙදර ඇන්ටි ඇලඩින්ගේ පහනේ බූතයා වගේ පුහෑහෑහෑ හඬක් නඟාගෙන මහ විසාල බතික් නයින්ටියකින් සැරසිලා අපේ ජෝඩුව ඉස්සරහා ප්‍රාදුර්භූත උනාලු.
” ආහ් පුචාලා…. කොහෙද මේ රෑවෙලා ?”
” අපි ආන්ටි මේ පොඩ්ඩක් එලියට ගියා….”
ඇන්ටිගනී එකපාරටම ඇහුවලු මහ සද්දෙන්
” ඩොක්ටර් කෙනෙක් හම්බෙන්න ද පුචා?”
අපේ බුවත් ඉක්මනට ගැලවිලා යන්න ඕනෑ නිසා ඔලුව හොලවලා ඔව් කිව්වලු මොන ගැලවිල්ලක්ද එතනින් පස්සෙ නාකි ලෑන්ඩ්මාස්ටර් එක ෆෝම් වෙලා පස්න අහනවලු
” ඒ කියන්නේ පුචා මොකුත් වෙනසක් ද?… මං ඒකනේ පුචා දුවාට කියන්නේ ඔයාලා දැනටමත් පරක්කු වැඩී. අපේ ලොකු බබා…. එයා හනිමූන් ගිහින් ටූ වීක්ස් වලින් ප්‍රෙග්නන්ට්. එතකොට අපේ ලොකු බබාගේ හස්බන්ඩ් ගේ නංඟි එයා බැන්දේ ප්‍රෙග්නන්ට් වෙලා මාසෙන්…ඒ විතරක් ද පුචා මගේ නංඟිගේ ලොකු දුව…එයා ඩිරෙක්ටර් කෙනෙක් එයා බඳින්නේ නැතුවම ප්‍රෙග්නන්ට් “
අන්න ඒවිදියට ඒ ගෙදර හිමිකාර නෝනාමහත්තයා තමන්ගේ සනුහරේ ඈයන්ගේ නිදි පැදුරේ හපන්කම් මහ ඉහලින් වරුණනා කොරලා අපේ එකාට පොඩි කින්ඩියක් , නෝන්ඩියක් දැම්මලු. ඌත් එලුවගේ ඇtee දිහා බලන් උන්න නරියා වගේ නෝන්ජල් හිනාවක් දාලා ඔලුව කහලා හෙමීට ඇන්ටිගේ ලඟට ගිහින් මෙහෙම කිව්වලු .
” ඇන්ටි.. මං මට ඕන වෙලාවට මං කැමති වෙලාවට මගේ වයිෆ් කැමති වෙලාවට ඒක කරගන්නම්. ඊට කලින් ඇන්ටිට මොකක් හරි වෙන්න ඕන නම් නාගෙන උඩට එන්න”
එදයින් මතු ඒ ඇන්ටි අපේ ජෝඩුව මුලිච්චි වෙන්න ආවේ ගෙවල් කුලී ගන්න දවසට විතරමලු.
——
අප ජීවත් විය යුත්තේ සමාජයේ මිනිසුන්ට උවමනා ,මිනිසුන් දකින්නට කැමතිම මිනිසුන්ට පහසුම ආකාරයට නොව, අපට පහසුම සහ අපගේ සතුට උපරිම වන ආකරයට ය. ඒ වෙනුවෙන් නොපැකිලව වචන බාවිතයට ගැනීමට පසුබට නොවන්න.
එඤ්ඤං
උපුටා ගැනීම: කුෂාන් ප්‍රේමසිරි