20 වන සියවසේ ඊජිප්තු විද්‍යාඥයෙකු වන ඩොරති ඊඩිගේ කතාවයි. ඇගේ මුළු ජීවිත කාලය පුරාම ඇය කියා සිටියේ ඇය අයිසිස් වන්දනාවේ පූජකවරියකගේ පුනරුත්පත්තිය බවයි.එය තහවුරු කිරීමට තරම් දැනුමක් ද ඇයට තිබුණි. කිසි දිනෙක ප්‍රකාශයට පත් නොවූ තොරතුරු පවා ඇය දැන සිටියාය.
1904 දී අයර්ලන්ත පුරවැසියන් වූ දෙමව්පියන්ට දාව ලන්ඩනයේ උපත ලැබූ ඊඩිගේ අපූරු කතාව ආරම්භ වූයේ වයස අවුරුදු තුනේදීය. ඒ ඇය සිය නිවසේ පඩිපෙළකින් පහළට ඇද වැටී සිහිසුන් වීමෙනි. සමහරු පවසන්නේ හදිසියේම පුනර්ජීවනය වීමට පෙර ඇය ඇද වැටීමෙන් මියගිය බවයි. තවත් සමහරු කියා සිටින්නේ ඇය හුදෙක් විදේශීය උච්චාරණ සින්ඩ්‍රෝමය වැනි කිසියම් ආකාරයක මොළයේ ආබාධයකට ලක්ව ඇති බවයි.
කුමක් වුවත්, එම ඇද වැටීම ඇයව වෙනස් කළේය. එක් දෙයක් නම් ඇය කතා කරන විලාශය සැලකිය යුතු ලෙස වෙනස් වී තිබීමයි. තවත් විටෙක ඇය තම දෙමාපියන්ගෙන් ඉල්ලා සිටියේ ඇයව ගෙදර ගෙන යන ලෙසයි. දෙමාපියන් ‘නිවස’ කොහේදැයි ඇසූ විට, ඇය කියන නිවස කොහේදැයි ඇයවත් දැන සිටියේනැත. එම නිසා ඇගේ මව සහ පියා තේරුම්ගත නොහැකි ලෙස අවුල් විය.
ඩොරතිගේ දෙමව්පියන් ඇයගේ අනතුරෙන් පළමු වසර තුළදී බ්‍රිතාන්‍ය කෞතුකාගාරයේ ඊජිප්තු ප්‍රදර්ශනයකට ඇයව ගෙන යන ලදී. ඒ අවස්ථාවේදී ඇගේ කතා විලාශය තවත් අමුතු වී තිබූ අතර කෞතුක වස්තු අතර සැරිසරමින් සිටින ඇය හදිසියේම ඡායාරූපයකට ඇඟිල්ල දිගු කර “මගේ නිවස තිබේ” කියා කෑගැසුවාය. රූපය වූයේ මහා රැම්සේගේ පියා වූ සෙටි I ගේ දේවාලයයි. ඇය එම ගොඩනැගිල්ලේම වාසය කර ඇති බව දැඩි ලෙස කියා සිටී අතර එක්වරම “ගස් කොහෙද? උද්‍යාන කොහෙද? කියා අසන්නට විය
එහිදී ඩොරති කෞතුකාගාරයේ ඇති ඊජිප්තු කාමර වටා ප්‍රීතියෙන් දුව ගොස් පිළිමවල පාද සිප ගනිමින් ඇය පවසා ඇත්තේ ඇය“ඇගේ ජනතාව අතර” සිටින බවයි. ඇගේ දෙමාපියන් මෙම කතාව සමග ව්‍යාකූල වී ගොස් තිබිනි. නමුත් ඇය වයසින් වැඩෙත්ම, හැකි සෑම විටම ප්‍රදර්ශන නැරඹීමට ගොස් තිබිනි.
වරක් ඇය ක්‍රිස්තියානි ධර්මය ඊජිප්තු දෘෂ්ටිය සමඟ සංසන්දනය කිරීම නිසා ඇගේ දෙමාපියන්ට ඇයව නිවසේ තබා ගන්නා ලෙස ඇගේ පාසලෙන් ඉල්ලීම් කර ඇත. පසුව ඊජිප්තුවරුන්ගේ ශාප කිරීමේ ගීතිකාවක් ගායනා කිරීම නිසා ඇය අධ්‍යාපනය ලැබූ බාලිකා පාසල ඇයව නෙරපා හැරියා. පංතියෙන් පිටතට යාමට පෙර ඇය තම ගුරුවරයාට ශාප ගීතිකා ගායනා කළ බව කියනු ලැබේ.
කතෝලික දහම අතහැර දැමීමට පවා ඇයට සිදු විය. පාරාවෝවරුන්ගේ “පැරණි ආගම” ගැන විශ්වාස කරන බවට ඇය කළ ප්‍රකාශය නිසා කෝපාවිෂ්ට වූ පූජකයෙකු ඇගේ නිවසට පැමින තවදුරටත් තම සභාව තුළ ඇයව පිළිගන්නේ නැති බව ද පවසා තිබේ
පුරාණ ඊජිප්තුව පිලිබදව ඇයගේ ඇල්ම ඇය පරිණත වන විට ගැඹුරු වූ අතර වයස අවුරුදු 14 දී පමන, අවුරුදු 3000කට පෙර ඇගේ පෙර ආත්මයේ පෙම්වතා වූ පලමුවන සෙටි රජු සමඟ පැවතිි ලිංගික සම්බන්ධතා විස්තර කිරීමට පටන් ගත්තාය. ඇයගේ පෙර ජීවිතයේ ඔහුගේ පෙම්වතා ඇය රාත්‍රී කාලයේ සංචාරයන් පවා විස්තර කළාය.
ඇය එම ආත්මයේදී බෙන්ට්‍රෙෂයිට් නම් දැරියක් වූ බවත් එහිදී ඇයව වයස අවුරුදු තුනේදී අතහැර දමා ඇති බවත් ඉන් පසුව හැදී වැඩුණු අබිඩෝස් හි සෙටි I දේවාලයේ බවත් පවසා ඇත. ඇය මුල්වරට කෞතුකාගාරයේ දී සිව් හැවිරිදි දරුවෙකු ලෙස පෙන්වා දුන් ගොඩනැගිල්ල එයයි. ඇය අයිසිස්හි පූජකවරියක් ලෙස සේවය කරමින් සිටියදී පන්සල් උද්‍යානවල දී පාරාවෝ රජු හමුවීම ඇය සිහිපත් කළාය. අයිසිස්හි පූජකවරියකට කන්‍යාභාවය අහිමි වීම මරණීය දණ්ඩනයකි. ඇය සෙටී නිසා ගැබ් ගත් පසු, බෙන්ට්‍රීෂ්ට නඩු විභාගයට පෙනී සිටින ලෙසට නියෝග කර ඇයව මරා දැමීමට තීරනය කර ඇත
ඊළඟ වැදගත් අදියර පැමිණියේ වයස අවුරුදු 27 දීය. ඇය ලන්ඩනයේ ඊජිප්තු සඟරාවක් සඳහා ලිවීමට පටන් ගත් අතර ඇය විවාහ වූ එමාම් අබ්දෙල් මෙගුයිඩ් මුණගැසුණේ මෙහිදීය. කයිරෝවේ පදිංචිව සිටි ඇය පුතෙකු ලැබුවාය. දරුවාට තම පෙර ආත්නයේදී අහිමි වූ පාරාවෝ පෙම්වතාගේ නම වූ සෙටි ලෙස නම් කළ අතර අරාබි භාෂාවෙන් ඔම් සෙටි නම් “සෙටිගේ මව” යන්නයි.
පසුව දික්කසාද වූ ඇය කයිරෝවේ නැවතී සිට පුතා ඇති දැඩි කරමින් ජාතික පුරාවස්තු දෙපාර්තමේන්තුවේ කෙටුම්පත් කාන්තාවක් ලෙස සේවය කළාය. ඇය එහි සේවය කළ කාලය තුළ පොත්පත් හා ලිපි රාශියක් ප්‍රකාශයට පත් කළාය.
නමුත් බොහෝ ප්‍රදේශවාසීන් ඇයට බිය වූහ. ඇය ගීසාහි මහා පිරමීඩය තුළ තනිවම රාත්‍රිය ගත කිරීමට හා ස්පින්ක්ස් පාමුල පූජා තැබීමට පටන් ගත් ගෙන තිබිනි.
ඇයට අවුරුදු පනස් ගනන් වන විට ඇගේ පුතා ඕම් සෙටි ඇබිඩෝස් හි කැණීම් යන්ත්‍ර සමඟ වැඩ කිරීමට අවස්ථාව ලැබුණි. බ්‍රිතාන්‍ය කෞතුකාගාරයේ සිව් හැවිරිදි දැරියක් ලෙස ඇය පෙන්වා දුන් ස්ථානය ද එයයි. එනම් පෙර ආත්මයේදී සෙටි අයි සහ බෙන්ට්‍රිෂ්ට් පෙම්වතුන් බවට පත්වූ ස්ථානය අබිඩෝස් ය
ඇබිඩෝස්හිදී ඇය පර්යේෂකයන්වද පුදුම කල අතර ඇය බොහෝ කලකට පෙර විස්තර කළ උද්‍යානවල නටබුන් සොයා ගැනීමට එහිදී හැකි විය. ඒ ඇයගේ උදවුවෙනි.
වරක් ඇය ඊජිප්තුවේ පුරාවස්තු දෙපාර්තමේන්තුවේ ප්‍රධාන පරීක්ෂක සමඟ සෙටිගේ දේවාලයට ගොස් පුදුම හෙලිදරව්වක් කලාය. අන්ධකාරයේ සිටගෙන ඔහු ඇයට බිත්ති සිතුවම් මාලාවක් විස්තර කළේය. සෑම විස්තරයක් තුලදීම එම බිතුසිතුවමේ දිශාවට ගමන් කරන ලෙස ඇයගෙන් ඉල්ලා සිටි අතර ඇය සියල්ල කළේ එක් වරක් වැරදීමකින් තොරව ය. පරීක්ෂක වරයා පුදුමයට පත් විය. ඒ මෙම සිතුවම් ඇති ස්ථාන කිසි විටෙක ප්‍රකාශයට පත් කර නොතිබූ බැවිනි
ඇයගේ පෙර ආත්මය වූ බෙන්ට්‍රයිෂ්ට්ගේ පව්වලට සමාව ලබා දෙන බව ඇය විශ්වාස කළාය. ඊජිප්තු විද්‍යාවට ඇය දැක්වූ දායකත්වය අවිවාදිත ය. ඇය හයිරොග්ලිෆික්ස් පිළිබඳ පූර්ව කාලීන අවබෝධයක් ඇති අතර දේශීය නටබුන් පිළිබඳව ඉහළ දැනුමක් ඇති අයෙකි. 1981 දී, ඇය මියගිය වසරේදී, ඇය ඊජිප්තුව: සදාකාලික ගවේෂණය සඳහා වූ ජාතික භූගෝලීය වාර්තා චිත්‍රපටයක පවා පෙනී සිටියාය.
අවුරුදු හතළිහකට පසුවත් අදත් ඇයගේ ප්‍රකාශයන් සනාථ කිරීමේ උත්සාහයන් සිදුවෙමින් පවතී
…………………………………………………………………….
Post එක හොදයි නම් තව කෙනෙක්ට දැනගන්න share කරන්න.
උපුටා ගැනීම: රාම් වණා