අපි අසා ඇති ආකාරයට පෘථිවිය මහද්වීප 7 කින් යුක්ත වෙනවා. ඒවා නමින් ආසියාව , අප්‍රිකාව , යුරෝපය , උතුරු ඇමරිකාව , දකුණු ඇමරිකාව , ඔස්ට්‍රේලියාව සහ ඇන්ටාටිකාව යන මහද්විපයි . නමුත් ඔබ දන්නවාද ? පෘථිවියේ Zealandia නම් සැගවුණු 8 වෙනි මහද්වීපයක් පවතින බව .
මහද්වීප නිර්ණය කරන භූ ගෝලීය සාධක වලට පදනම්ව මෙය පෘථිවියේ නැතුවුණු මහද්වීපයක් ලෙස හැදින්විය හැකියි. අද වන විට Zealandia මහද්වීපයේ 94%ක් මුහුදු ජලයෙන් යටවී පවතින අතර මුළු මහද්වීපයෙන්ම ගොඩබිම ප්‍රදේශයක් ලෙස ඉතිරිව ඇත්තේ වර්තමාන නවසීලන්තය පිහිටි භුමිය පමණි.
1642 දී අබෙල් තස්මාන් නම් ඕලන්ද නාවිකයා තම කාර්ය මණ්ඩලයේ කිහිප දෙනෙකු සමග දකුණු අර්ධගෝලයේ විශාල මහාද්වීපයක පැවැත්ම ගැන විශ්වාසයෙන් ඒ ගැන සෙවීමේ මෙහෙයුමක නිරත වී සිටියා.
එකල ලෝකයේ මෙම කොටස තවමත් බොහෝ දුරට යුරෝපීයයන්ට අද්භූත විය, නමුත් උතුරේ තමන්ගේ මහාද්වීපය සමතුලිත කිරීම සඳහා ටෙරා ඕස්ට්‍රේලියාස් ලෙස නම් කරන ලද විශාල භූමි ප්‍රමාණයක් එහි තිබිය යුතු බවට ඔවුන්ට නොසැලෙන විශ්වාසයක් තිබුණි.
අගෝස්තු 14 වන දින, ටස්මාන් කුඩා නැව් දෙකක් රැගෙන ඉන්දුනීසියාවේ ජකර්තාහි පිහිටි තම සමාගමේ කඳවුරෙන් පිටත් වී බටහිර දෙසට, පසුව දකුණට, නැගෙනහිරට, අවසානයේදී නවසීලන්තයේ දකුණු දූපතට පැමිණියේය.
දේශීය මාඕරි වැසියන් සමඟ එහිදී ඇරඹුනු යුද්ධයෙන් යුරෝපීයයන් හතර දෙනෙක් මිය ගිය අතර කාලතුවක්කු පහාර එල්ල කර නැව හරවාගත් ටස්මාන් ගොඩබිමට එකම අඩියක් වත් නො තබා නැවතත් ඉන්දුනීසියාව පැමින ඇත.
නමුත් ඔහු විශ්වාස කළේ අටවන මහද්වීපය ඔහු විසින් සොයාගත් බවයි. එම දූපත මිනීමරු දූපත ලෙස නම් කළ නමුත් ඔහු සිතූ වාණිජ මනෝරාජිකය එය නොවීය. අබෙල් තස්මාන් මහා මහාද්වීපය සොයා ගත් බවට සැකයක් නැත, නමුත් එයින් 94% ක් දිය යට බව ඔහු නොදැන සිටියේය.
2017 දී භූ විද්‍යාඥයින් කණ්ඩායමක් මාඕරි භාෂාවෙන් සිලෙන්සියාව සොයා ගැනීම නිවේදනය කළ අතර එය වර්ග සැතපුම් මිලියන 1.89 (වර්ග කිලෝමීටර් මිලියන 4.9) ක විශාල මහාද්වීපයක් බවත් මැඩගස්කරයට වඩා හය ගුණයක් පමණ වන බවත් සදහන් කර තිබිනි.
ලෝක විශ්වකෝෂ, සිතියම් සහ සෙවුම් යන්ත්‍ර කලක් තිස්සේ මහාද්වීප හතක් පමණක් ඇති බවට තදින් විශ්වාස කළද, මෙම කණ්ඩායම විශ්වාසයෙන් යුතුව මහද්වීප 8ක් ඇති බව ලොවට දැනුම් දුන්නේය.
නමුත් ඉන් 94% ක්ම දිය යටින් ඇති අතර නවසීලන්තය වැනි දූපත් අතලොස්සක් පමණක් එහි සාගර ගැඹුරින් උඩට එසවී පවතී. එම සොයා ගැනීමෙන් අවුරුදු හතරක් ගතවී ඇති අතර මහාද්වීපය සම්බන්ධව ප්‍රශ්න රාශියක් ඉතිරිව පවතී.
එය මුහුදට ගිලී ගියේ කෙසේද ..? ගිලිහී ගියේ කවදාද ..? මුහුදට ගිලී යාමට කලින් එහි ජීවත් වුයේ කවුරුන්ද ..? යනාදී ලෝකයට සැඟව ගිය තොරතුරු රාශියක් ගැබ්ව පවතී.
උපුටා ගැනීම: රාම් වණා