බල්ලා ඇමරිකාවට යාම (වැල් වටාරම්)

බැචාලාගේ ගෙදරට ලිඳක් තිබුනේ නැහැ. ඒ ප්‍රදේශයේ ජල උල්පත් තියෙන්නේ ඉතාම ගැඹුරේ. ලිඳක් කපන්න කලින් “ගැඹුරින්” හිතන්න වෙනවා!

බැචා දැන් ලියුම කියවනවා. එවලා තියෙන්නේ බැචාගේ පියා.

“ආදරණීය පුතා වෙත,

………………………………………..

පුතේ අපේ ලිඳ කපන්න පටන් ගත්තා. දැන් බඹ පහක් විතර යටට බැහැලා. තාම වතුර නෑ.

……………………………………. “

ඊළඟ සුමානේ තව ලියුමක්.

“…………….. පුතේ ගිය සුමානේ තවත් බඹ දෙකක් කැපුවා. තාම වතුර නෑ. …”

දැන් මේ ලියුම එනතුරු කට්ටිය මඟ බලාගෙන ඉන්නේ ලියුමේ අයිතිකාරයාට වඩා උනන්දුවෙන්.

ඊළඟ සතියේ, “… ගිය සුමානේ තවත් බඹ දෙකක් කැපුවා. තාම වතුර නෑ. .”

ඊළඟ සතියේ, “… තවත් බඹ දෙකක් කැපුවා. තාම වතුර නෑ. .”

ඊළඟ සතියේ, “… තවත් බඹ දෙකක් කැපුවා. වතුර නෑ. .”

ඊළඟ සතියේ, “… තවත් බඹ දෙකක් කැපුවා. ගල අහුවනා . !!!!!!.”

මදැයි කොළා !!!!!!!!!!!

ඊළඟ සතියේ තව ලියුමක් ආවා. “… ගල් වෙඩි දැම්මා. දැන් වතුර තියනවා!!!!!. .”

චියර් එක හිතාගන්න පුලුවනිනේ.

ඊළඟ සුමානේ ලියුම: “පුතේ අපේ බල්ලා ලිඳට වැටුනා!!!!”

ලිඳ ඉහින්න කොහොම කට්ටක් කන්න ඇතිද කියලා හිතාගන්න පුළුවන් නේද? මේක තව අවුරුදු පහකින් විතර ලයිට් දීමට නියමිත ‘දියුණු වෙමින් පවතින’ ප්‍රදේශයක්!

කොහොම හරි අපේ කට්ටිය ඕක ගැන පසු විපරම් කරලා නිගමනයකට එළඹුනා. ඒ නිගමනය මෙහෙමයි: මේ තරම් හාරලා, ගල් වෙඩිත් ගැහුවට පස්සේ මේ ලිඳේ ගැඹුර පොළොවේ විෂ්කම්භයට සමාන වෙලා තියනවා. දැන් මේ ලිඳ පෘථිවියේ කේන්ද්‍රය හරහා කැපූ උමඟක්! ලිඳේ අනිත් කට තියෙන්නේ ඇමරිකා එක්සත් ජනපදයේ.

එතකොට වතුර?

ලිඳ මතු වෙලා තියෙන්නේ ධවල මන්දිරයේ ටැප් එකක් ගාවින්. මේ එන්නේ ඒ ජල නලය කැඩිලා එන වතුර.

එතකොට බල්ලා?

බල්ලා වීසා නැතුවම ඇමරිකා ගිහිල්ලා.

ඒ ගමේ වෙනත් කවුරුවත් යන්න කලින් ****ගෙ බල්ලා ඇමරිකාවේ ගියේ එහෙමයි!